តាមការផ្សាយរបស់ Times of Israel នៅថ្ងៃចន្ទទី១៣ខែមេសាឆ្នាំ២០២៦ កងកម្លាំងប្រដាប់អាវុធអ៊ីរ៉ង់ បានចេញមកបញ្ជាក់ច្បាស់ៗថា៖ «ការរឹតត្បិតរបស់សហរដ្ឋអាមេរិកលើកប៉ាល់នៅក្នុងដែនទឹកអន្តរជាតិ គឺ ស្មើនឹងអំពើចោរកម្មសមុទ្រ។ អ៊ីរ៉ង់នឹងអនុវត្តយន្តការអចិន្ត្រៃយ៍ ដើម្បីគ្រប់គ្រងច្រក Hormuz»។

កងទ័ពអ៊ីរ៉ង់ អះអាងទៀតថា៖ «កំពង់ផែនៅតំបន់ឈូងសមុទ្រគួរតែអាចប្រើប្រាស់បាន សម្រាប់មនុស្សគ្រប់គ្នា មិនមែនសម្រាប់នរណាម្នាក់នោះទេ ហើយគ្មានកំពង់ផែណាមួយនៅក្នុងតំបន់ឈូងសមុទ្រ ឬឈូងសមុទ្រអូម៉ង់ នឹងមានសុវត្ថិភាពឡើយ ប្រសិនបើកំពង់ផែរបស់អ៊ីរ៉ង់ស្ថិតក្រោមការគំរាមកំហែងនោះ»។

ការព្រមាននេះ គឺឆ្លើយតបទៅប្រធានាធិបតីអាមេរិក ដែលប្រកាសបិទខ្ទប់ច្រក Hormuz ព្រោះតែមិនពេញចិត្តនឹងលទ្ធផលនៃការចរចាសន្តិភាពជាមួយអ៊ីរ៉ង់។

បង្ហោះសារលើបណ្តាញសង្គម Truth Social កាលពីថ្ងៃអាទិត្យទី១២ខែមេសាឆ្នាំ២០២៦ ប្រធានា​ធិបតីអាមេរិក សរសេរថា៖ កងទ័ពជើងទឹកអាមេរិក នឹងចាប់ផ្តើមដំណើរការបិទខ្ទប់ រាល់កប៉ាល់ ដែលព្យាយាមចូលឬចាកចេញពីច្រក Hormuz។ លោកណែនាំឲ្យកងទ័ពជើងទឹក ស្វែងរកនិងស្ទាក់ចាប់កប៉ាល់ទាំងឡាយណា នៅក្នុងដែនទឹកអន្តរជាតិ ដែលបានបង់ថ្លៃសេវាឆ្លងកាត់ឲ្យទៅអ៊ីរ៉ង់។

ក្នុងសារដដែលនោះ លោកព្រមានថា៖ «អាមេរិកនឹងចាប់ផ្តើមបំផ្លាញ រាល់គ្រាប់មីនដែលអ៊ីរ៉ង់ដាក់ពង្រាយនៅក្នុងច្រកសមុទ្រនោះ។ ជនជាតិអ៊ីរ៉ង់ណាដែលបាញ់មកលើពួកយើង ឬបាញ់លើកប៉ាល់សន្តិភាព នឹងត្រូវកម្ទេចឲ្យខ្ទេច។ ពួកយើងបានត្រៀមលក្ខណៈរួចរាល់ ១០០% ហើយ! យោធាមេរិក នឹងបញ្ចប់នូវអ្វីដែលនៅសេសសល់បន្តិចបន្តួចរបស់អ៊ីរ៉ង់!»៕

អត្ថបទ៖ សុខ សុវណ្ណ

The post អ៊ីរ៉ង់ ព្រមានទៅ ត្រាំ ថា ការបិទខ្ទប់ច្រក Hormuz ស្មើនឹង «អំពើចោរកម្មសមុទ្រ» appeared first on Kampuchea Thmey Daily.

សារព័ត៌មាន BBC បានដកស្រង់សម្តីអ្នកនាំពាក្យរដ្ឋាភិបាលទីក្រុងឡុងដ៍ ដែលបញ្ជាក់យ៉ាងច្បាស់នៅថ្ងៃចន្ទទី១៣ខែមេសាឆ្នាំ២០២៦ថា៖ «ចក្រភពអង់គ្លេស នឹងមិនចូលរួមក្នុងប្រតិបត្តិការបិទខ្ទប់ផ្នែកយោធារបស់សហរដ្ឋអាមេរិកប្រឆាំងនឹងប្រទេសអុីរ៉ង់នោះទេ។ យើងបន្តគាំទ្រសេរីភាពនៃការធ្វើនាវាចរណ៍ និងការបើកឲ្យដំណើរការឡើងវិញនូវច្រកសមុទ្រ Hormuz ដែលជាតម្រូវការចាំបាច់ជាបន្ទាន់ ដើម្បីគាំទ្រដល់សេដ្ឋកិច្ចពិភពលោក និងតម្លៃនៃការរស់នៅ ក្នុងប្រទេសរបស់យើង»។

ទោះបីជាយ៉ាងណាក៏ដោយ ទីក្រុងឡុងដ៍អះអាងថា នាវាបោសសម្អាតមីន និងសមត្ថភាពប្រឆាំងដ្រូនរបស់ចក្រភពអង់គ្លេស នឹងបន្តប្រតិបត្តិការនៅក្នុងតំបន់នោះដដែល។

ការប្រកាសរបស់អង់គ្លេសកើតឡើង ក្រោយពេលប្រមុខរដ្ឋាភិបាលទីក្រុងវ៉ាស៊ីនតោន ដូណាល់ ត្រាំ ​ចេញបញ្ជាឲ្យបិទខ្ទប់ច្រក Hormuz ដែលចំណាត់ការនេះ រុញតម្លៃប្រេងសកលឲ្យហក់ឡើងសាជាថ្មី។

បង្ហោះសារលើបណ្តាញសង្គម Truth Social កាលពីថ្ងៃអាទិត្យទី១២ខែមេសាឆ្នាំ២០២៦ ប្រធានា​ធិបតីអាមេរិក សរសេរថា៖ កងទ័ពជើងទឹកអាមេរិក នឹងចាប់ផ្តើមដំណើរការបិទខ្ទប់ រាល់កប៉ាល់ ដែលព្យាយាមចូលឬចាកចេញពីច្រក Hormuz។ លោកណែនាំឲ្យកងទ័ពជើងទឹក ស្វែងរកនិងស្ទាក់ចាប់កប៉ាល់ទាំងឡាយណា នៅក្នុងដែនទឹកអន្តរជាតិ ដែលបានបង់ថ្លៃសេវាឆ្លងកាត់ឲ្យទៅអ៊ីរ៉ង់។

ក្នុងសារដដែលនោះ លោកព្រមានថា៖ «អាមេរិកនឹងចាប់ផ្តើមបំផ្លាញ រាល់គ្រាប់មីនដែលអ៊ីរ៉ង់ដាក់ពង្រាយនៅក្នុងច្រកសមុទ្រនោះ។ ជនជាតិអ៊ីរ៉ង់ណាដែលបាញ់មកលើពួកយើង ឬបាញ់លើកប៉ាល់សន្តិភាព នឹងត្រូវកម្ទេចឲ្យខ្ទេច។ ពួកយើងបានត្រៀមលក្ខណៈរួចរាល់ ១០០% ហើយ! យោធាមេរិក នឹងបញ្ចប់នូវអ្វីដែលនៅសេសសល់បន្តិចបន្តួចរបស់អ៊ីរ៉ង់!»៕

អត្ថបទ៖ សុខ សុវណ្ណ

The post អង់គ្លេស ចេញមុខប្រកាសថា ខ្លួនអត់ចូលរួមជាមួយ ត្រាំ បិទខ្ទប់ច្រក Hormuz ទេ appeared first on Kampuchea Thmey Daily.

បង្ហោះសារលើបណ្តាញសង្គម Truth Social កាលពីថ្ងៃអាទិត្យទី១២ខែមេសាឆ្នាំ២០២៦ ប្រធានា​ធិបតីអាមេរិក សរសេរថា៖ កងទ័ពជើងទឹកអាមេរិក នឹងចាប់ផ្តើមដំណើរការបិទខ្ទប់ រាល់កប៉ាល់ ដែលព្យាយាមចូលឬចាកចេញពីច្រក Hormuz។ លោកណែនាំឲ្យកងទ័ពជើងទឹក ស្វែងរកនិងស្ទាក់ចាប់កប៉ាល់ទាំងឡាយណា នៅក្នុងដែនទឹកអន្តរជាតិ ដែលបានបង់ថ្លៃសេវាឆ្លងកាត់ឲ្យទៅអ៊ីរ៉ង់។

ក្នុងសារដដែលនោះ លោកព្រមានថា៖ «អាមេរិកនឹងចាប់ផ្តើមបំផ្លាញ រាល់គ្រាប់មីនដែលអ៊ីរ៉ង់ដាក់ពង្រាយនៅក្នុងច្រកសមុទ្រនោះ។ ជនជាតិអ៊ីរ៉ង់ណាដែលបាញ់មកលើពួកយើង ឬបាញ់លើកប៉ាល់សន្តិភាព នឹងត្រូវកម្ទេចឲ្យខ្ទេច។ ពួកយើងបានត្រៀមលក្ខណៈរួចរាល់ ១០០% ហើយ! យោធាមេរិក នឹងបញ្ចប់នូវអ្វីដែលនៅសេសសល់បន្តិចបន្តួចរបស់អ៊ីរ៉ង់!»។

សាររបស់លោកត្រាំនេះ ធ្វើឲ្យតម្លៃប្រេងសកលហក់ឡើងជាថ្មី ពោលគឺហក់ខ្ពស់រហូតដល់ជាង ១០០ ដុល្លារក្នុងមួយបារ៉ែល។

ក្នុងនោះ តម្លៃប្រេងឆៅរបស់អាមេរិកបានកើនឡើង ៨% ដល់ ១០៤,​២៤ ដុល្លារ ខណៈប្រេងឆៅម៉ាក Brent ដែលជាស្តង់ដារអន្តរជាតិ បានកើនឡើង ៧% ដល់ ១០២,​២៩ ដុល្លារ។

មុនពេលមានសង្រ្គាម ប្រេងឆៅប្រភេទ Brent ត្រូវបានជួញដូរក្នុងតម្លៃប្រហែល ៧០ ដុល្លារក្នុងមួយបារ៉ែល ហើយពេលខ្លះវាបានហក់ឡើងដល់ជាង ១១៩ ដុល្លារ ប៉ុន្តែក៏ធ្លាក់ចុះមកត្រឹម ៩៥,​២០ ដុល្លារវិញ មុនពេលមានកិច្ចចរចាសន្តិភាព។

សូមជម្រាបថា តាមផែនការ អាមេរិក នឹងចាប់ផ្តើមការបិទខ្ទប់នេះនៅម៉ោង៩យប់ថ្ងៃចន្ទទី១៣ខែមេសាឆ្នាំ២០២៦ (ពេលវេលានៅកម្ពុជា)៕

អត្ថបទ៖ សុខ សុវណ្ណ

The post ត្រាំ ប្រកាសបិទខ្ទប់ច្រក Hormuz ធ្វើឲ្យតម្លៃប្រេងសកល ហក់ឡើងជាថ្មី appeared first on Kampuchea Thmey Daily.

តាមការផ្សាយរបស់ TASS នៅថ្ងៃព្រហស្បតិ៍ទី៩ខែមេសាឆ្នាំ២០២៦ សេចក្តីប្រកាសនេះ ធ្វើឡើងដោយកងទ័ពជើងទឹកនៃកងឆ្មាំបដិវត្តន៍ឥស្លាម (IRGC) និងអង្គភាពកំពង់ផែ និងនាវាចរណ៍របស់អ៊ីរ៉ង់។

អ៊ីរ៉ង់និយាយថា រាល់នាវាដែលមានបំណងឆ្លងកាត់ច្រកសមុទ្រនេះ ត្រូវតែសម្របសម្រួលនិងទាក់ទងដោយផ្ទាល់ជាមួយកងទ័ពជើងទឹក IRGC។ គ្រាប់មីនប្រឆាំងនាវា នៅក្នុងគន្លងផ្លូវដឹកជញ្ជូនចម្បងនៃផ្លូវទឹកនេះ គឺជាហានិភ័យ ដែលបង្ខំឲ្យមានការបង្កើតផ្លូវថ្មី។

ចំពោះគម្រោងថ្មីនេះ កប៉ាល់ទាំងអស់ត្រូវតម្រូវឲ្យធ្វើដំណើរចូលតាមចន្លោះ កោះ Qeshm និងកោះ Larak ដែលត្រូវបានគេហៅថាជាផ្លូវ «បញ្ជរបង់ប្រាក់របស់ទីក្រុងតេហេរ៉ង់» ចំណែកកប៉ាល់ដែលធ្វើដំណើរចេញ ត្រូវបើកបរនៅប៉ែកខាងត្បូងកោះ Larak។

អ៊ីរ៉ង់អះអាងថាផ្លូវនេះ គឺស្ថិតនៅកៀកនឹងឆ្នេរសមុទ្រអ៊ីរ៉ង់ ដើម្បីវាងតំបន់គ្រោះថ្នាក់ និងដើម្បីធានាសុវត្ថិភាពនាវាចរណ៍។

ទោះបីជាយ៉ាងណាក៏ដោយ អ៊ីរ៉ង់មិនប្រាប់ទេថាតើផ្លូវវាងនេះនឹងមានចម្ងាយឆ្ងាយប៉ុនណា ពីផ្លូវចាស់ ហើយវាត្រូវចំណាយពេលយូរប៉ុនណា ក្នុងការធ្វើដំណើរ៕

អត្ថបទ៖ សុខ សុវណ្ណ

The post អ៊ីរ៉ង់ ប្រកាសឲ្យកប៉ាល់ធ្វើដំណើរតាមផ្លូវវាង ព្រោះច្រក Hormuz ពោរពេញដោយមីនសមុទ្រ ដែលគ្រោះថ្នាក់ខ្លាំង appeared first on Kampuchea Thmey Daily.

តាមការផ្សាយរបស់ CNN, រដ្ឋមន្ត្រីការបរទេសអ៊ីរ៉ង់ Abbas Araghchi បានប្រកាសថា ក្នុងរយៈពេល២សប្តាហ៍នេះ ច្រក Hormuz នឹងបើកឡើងវិញសម្រាប់ការធ្វើនាវាចរណ៍ដោយសុវត្ថិភាព ប៉ុន្តែបើមានការវាយប្រហារជាបន្ត នោះច្រកនេះនឹងបិទវិញដដែល។

លោកបញ្ជាក់ថា ការបើកច្រកនេះនឹងត្រូវធ្វើឡើង តាមរយៈការសម្របសម្រួលជាមួយកងកម្លាំងប្រដាប់អាវុធរបស់អ៊ីរ៉ង់ និងដោយការពិចារណាឲ្យបានហ្មត់ចត់លើកម្រិតបច្ចេកទេសផ្សេងៗ។

ដំណឹងនៃបទឈប់បាញ់និងការបើកច្រកនេះ ធ្វើឲ្យតម្លៃប្រេងសកលធ្លាក់ចុះខ្លាំង ពោលគឺតម្លៃប្រេងឆៅម៉ាក Brent ធ្លាក់ចុះ៥,៨% មកនៅត្រឹម ១០៣.៤២ដុល្លារក្នុងមួយបារ៉ែល ខណៈប្រេងជួញដូរនៅសហរដ្ឋអាមេរិក ធ្លាក់ចុះជិត ៨,៥% មកនៅត្រឹម ១០៣.២៥ ដុល្លារ។

ទន្ទឹមនោះ តម្លៃប្រេងឆៅ West Texas Intermediate (WTI) បានធ្លាក់ចុះជាង ១៥% នៅក្នុងការជួញដូរក្រៅម៉ោង មកនៅត្រឹមតិចជាង ៩៥ ដុល្លារប៉ុណ្ណោះក្នុងមួយបារ៉ែល។

ទោះបីជាយ៉ាងណាក៏ដោយ តម្លៃនេះនៅតែមានកម្រិតខ្ពស់ជាងឆ្ងាយណាស់ បើធៀបទៅនឹងពេលមុនផ្ទុះសង្គ្រាមកាលពីថ្ងៃទី២៨ខែកុម្ភៈ៕

អត្ថបទ៖ សុខ សុវណ្ណ

The post អ៊ីរ៉ង់ ព្រមបើកច្រក Hormuz វិញ២សប្តាហ៍ ធ្វើឲ្យតម្លៃប្រេងពិភពលោក ធ្លាក់ចុះខ្លាំង appeared first on Kampuchea Thmey Daily.

យោងតាមទីភ្នាក់ងារសារព័ត៌មាន Reuters លោក Gargash បានប្រាប់សន្និសីទសារព័ត៌មានចុងសប្តាហ៍ថា ច្រក Hormuz ដែលជាផ្លូវ​ដឹក​​ប្រេងដ៏សំខាន់បំផុតរបស់ពិភពលោក មិនអាចប្រើប្រាស់​​ជា​​អាវុធនោះ​ទេ។ សន្តិសុខរបស់​ច្រក​នេះ​​មិនមែនជាល្បិចចរចាក្នុងតំបន់ទេ ប៉ុន្តែជាកាតព្វកិច្ចសេដ្ឋកិច្ចសកល។

លោក Gargash បានបញ្ចាក់ថា «ច្រកសមុទ្រ Hormuz មិនអាចត្រូវបានចាប់ជាចំណាប់ខ្មាំងដោយប្រទេសណាមួយឡើយ។ សេរីភាពនៃការធ្វើនាវាចរណ៍តាមផ្លូវទឹក ត្រូវតែជាផ្នែកមួយនៃការដោះស្រាយជម្លោះណាមួយដោយមានកិច្ចព្រមព្រៀងច្បាស់លាស់លើរឿងនោះ»។

លោកបានមានប្រសាសន៍ថា «UAE ចង់ឲ្យសង្គ្រាមបញ្ចប់ ប៉ុន្តែបានព្រមានប្រឆាំងនឹងបទឈប់បាញ់ដែលទុកមូលហេតុដើមនៃអស្ថិរភាពមិនទាន់ដោះស្រាយ។ ជាក់ស្ដែង យើងមិនចង់ឃើញការកើនឡើងកាន់តែខ្លាំងឡើងទេ។ ប៉ុន្តែយើងមិនចង់បានបទឈប់បាញ់ដែលបរាជ័យក្នុងការដោះស្រាយបញ្ហាសំខាន់ៗមួយចំនួនដែលនឹងបង្កើតបរិយាកាសដ៏គ្រោះថ្នាក់ជាងនេះនៅក្នុងតំបន់នោះទេ។ ជាពិសេសកម្មវិធីនុយក្លេអ៊ែររបស់អ៊ីរ៉ង់ មីស៊ីល និងយន្តហោះដ្រូន ដែលនៅតែធ្លាក់មកលើយើង និងលើប្រទេសដទៃទៀត»។

នាពេលកន្លងមក អារ៉ាប់រួមបានត្រៀមខ្លួនរួចជាស្រេចដើម្បីចូលរួមកិច្ចខិតខំប្រឹងប្រែងអន្តរជាតិណាមួយ ដែលដឹកនាំដោយសហរដ្ឋអាមេរិក ដើម្បីធានាការដឹកជញ្ជូនឆ្លងកាត់ច្រកសមុទ្រមួយនេះ៕

អត្ថបទ៖ សាង ស្រីល័ក្ខ

The post អារ៉ាប់រួម ទាម​ទារ​ការដោះស្រាយ​ជាកញ្ចប់​ក្នុង​ជម្លោះ​រវាងអាមេរិក និងអ៊ីរ៉ង់ ធានាដល់សុវត្ថិភាព​ច្រក Hormuz appeared first on Kampuchea Thmey Daily.

មន្ត្រីអ៊ីរ៉ង់សុំមិនបញ្ចេញឈ្មោះ បាននិយាយនៅថ្ងៃចន្ទទី៦ខែមេសាឆ្នាំ២០២៦ថា ទីក្រុងតេហេរ៉ង់ បានរក្សាជំហរយ៉ាងច្បាស់រួចហើយ ដូចនេះ កុំយកបទឈប់បាញ់បណ្តោះអាសន្ន មកដោះដូរជាមួយការបើកច្រកសមុទ្រ Hormuz ឲ្យសោះ។

រឿងនេះកើតឡើង ស្របពេល Reuters ដដែល បានរាយការណ៍ថា អុីរ៉ង់និងអាមេរិក បានទទួលផែនការក្របខណ្ឌមួយ ដើម្បីបញ្ឈប់ការវាយប្រហារគ្នា ដែលអាចនឹងចាប់ផ្តើមអនុវត្តនៅដើម្បីសប្តាហ៍នេះតែម្តង។

ផែនការនេះរៀបចំឡើងដោយប្រទេស ប៉ាគីស្ថាន ដោយមេបញ្ជាការកងទ័ព Asim Munir បានទាក់ទងពេញមួយយប់ជាមួយអនុប្រធានាធិបតីអាមេរិក JD Vance និងរដ្ឋមន្ត្រីការបរទេសអុីរ៉ង់ Abbas Araqchi។

យ៉ាងណា គេដឹងថា ក្នុងផែនការនេះ មានចែកចេញជាយុទ្ធសាស្ត្រ ២ ដំណាក់កាល ដោយដំណាក់កាលទី១ ក៏រួមមានទាំងការប្រកាសបទឈប់បាញ់ជាបន្ទាន់ និងបើកច្រកសមុទ្រ Hormuz ឡើងវិញភ្លាមៗផងដែរ។

សម្រាប់ដំណាក់កាលទី២, ភាគីទាំងពីរត្រូវប្រើពេល ១៥ ទៅ ២០ ថ្ងៃ ដើម្បីចរចាឈានទៅរក «កិច្ចព្រមព្រៀងទីក្រុងអ៊ីស្លាម៉ាបាដ» ដែលជាដំណោះស្រាយដ៏ទូលំទូលាយ និងស្ថិតស្ថេរ៕

អត្ថបទ៖ សុខ សុវណ្ណ

The post អ៊ីរ៉ង់បញ្ជាក់ជំហរថា ខ្លួនមិនបើកច្រក Hormuz ជាថ្នូរនឹងបទឈប់បាញ់បណ្តោះអាសន្នដាច់ខាត appeared first on Kampuchea Thmey Daily.

យោងតាម Reuters លោកត្រាំបានធ្វើការកត់សម្គាល់នេះនៅក្នុងសារប្រព័ន្ធផ្សព្វផ្សាយសង្គម ខណៈដែលការវាយប្រហារសងសឹករបស់អ៊ីរ៉ង់ បានរំខានយ៉ាងខ្លាំង​ដល់ការដឹកជញ្ជូនឆ្លងកាត់ច្រកសមុទ្រ ដែលជាផ្លូវដឹកជញ្ជូនថាមពលដ៏សំខាន់មួយ ហើយជំរុញឲ្យតម្លៃប្រេងឡើងថ្លៃ។ ផ្លូវទឹកនេះទទួលខុសត្រូវចំពោះការផ្គត់ផ្គង់ប្រេងប្រហែលមួយភាគប្រាំរបស់ពិភពលោក។

លោកបានសរសេរនៅលើ Truth Social ថា «ដោយមានពេលវេលាបន្តិចទៀត យើងអាចបើកច្រកសមុទ្រ Hormuz បានយ៉ាងងាយស្រួល យកប្រេង និងរកប្រាក់ចំណេញ។ វានឹងក្លាយជា ការហៀរហូរសម្រាប់ពិភពលោក»។

ជិតប្រាំសប្តាហ៍ បន្ទាប់ពីបានចាប់ផ្តើមជាមួយនឹងការវាយប្រហារតាមអាកាសរួមគ្នារវាងអាមេរិក និងអ៊ីស្រាអែល សង្គ្រាមនៅអ៊ីរ៉ង់នៅតែបន្តរីករាលដាលភាពវឹកវរនៅទូទាំងតំបន់ និងធ្វើឲ្យទីផ្សារហិរញ្ញវត្ថុរង្គោះរង្គើ ដែលបង្កើនសម្ពាធលើលោក ត្រាំ ឲ្យស្វែងរកដំណោះស្រាយរហ័សចំពោះជម្លោះ។

អ៊ីរ៉ង់បានបិទច្រកសមុទ្រហ័រមូស ដើម្បីសងសឹកចំពោះការវាយប្រហាររបស់អាមេរិក-អ៊ីស្រាអែល ដែលបានចាប់ផ្តើមនៅចុងខែកុម្ភៈ។ ការបើកឡើងវិញវាបានក្លាយជាអាទិភាពសម្រាប់រដ្ឋាភិបាលនានានៅជុំវិញពិភពលោក ខណៈដែលតម្លៃថាមពលកើនឡើង។

នៅក្នុងសុន្ទរកថាមួយកាលពីយប់ថ្ងៃពុធ លោកត្រាំបាននិយាយម្តងទៀតអំពីការគំរាមកំហែងរបស់លោក ប្រឆាំងនឹងរោងចក្រថាមពលស៊ីវិលរបស់អ៊ីរ៉ង់ ហើយមិនបានផ្តល់ពេលវេលាច្បាស់លាស់សម្រាប់ការបញ្ចប់អរិភាពនោះទេ ផ្ទុយទៅវិញបែរជាសច្ចាប្រណិធានសងសឹកអ៊ីរ៉ង់ និងធ្វើឲ្យតម្លៃភាគហ៊ុនធ្លាក់ចុះ៕

អត្ថបទ៖ សាង ស្រីល័ក្ខ

The post លោក ត្រាំ អះអាងថា មិនយូរទេ អាមេរិកអាច​បើក​​និង​ចំណេញ​​ប្រាក់​ពី​ច្រក Hormuz appeared first on Kampuchea Thmey Daily.