នៅក្នុងការឆ្លើយតបជាលាយលក្ខណ៍អក្សរ ទៅកាន់សភាជាន់ខ្ពស់នៃរដ្ឋសភា លោក Bharati Pravin Pawar រដ្ឋមន្រ្តីក្រសួងសុខាភិបាលវ័យក្មេងបាននិយាយថា ចំនួនអ្នកស្លាប់ខ្ពស់បំផុតពីជំងឺផ្សិតខ្មៅ ត្រូវបានចុះបញ្ជីនៅក្នុងរដ្ឋ Maharashtra ភាគខាងលិច ពោលមានចំនួន ១,១២៩ នាក់ បន្ទាប់មកគឺរដ្ឋ Gujarat មានអ្នកស្លាប់ចំនួន ៦៥៦ នាក់ ។

ទន្ទឹមនោះ លោករដ្ឋមន្រ្តីក៏បាននិយាយដែរថា អ្នកជំងឺ ២០,២៧៧ នាក់កំពុងស្ថិតក្នុងការព្យាបាលនៅឡើយ ខណៈ ១៩,០៧៣ បានជាសះស្បើយ ។

ក្នុងអំឡុងពេលរលកបំផ្លិចបំផ្លាញលើកទី ២ នៃជំងឺរាតត្បាតកូវីដ ១៩ ប្រទេសនេះបានកត់សម្គាល់នូវការកើនឡើងនូវករណីជំងឺផ្សិតខ្មៅយ៉ាងខ្លាំងក្លា ។

ក្រសួងសុខាភិបាលបាននិយាយថា ប៉ុន្តែក្នុងរយៈពេល ២ ខែចុងក្រោយនេះ ករណីជំងឺផ្សិតខ្មៅនៅក្នុងប្រទេស កំពុងបង្ហាញពីសញ្ញាធ្លាក់ចុះវិញផងដែរ ។

គួរបញ្ជាក់ថា ជំងឺផ្សិតខ្មៅ គឺជាការឆ្លងមេរោគផ្សិតដ៏គ្រោះថ្នាក់ ដែលភាគច្រើនជះឥទ្ធិពលដល់អ្នកដែលមានប្រព័ន្ធភាពស៊ាំខ្សោយ ហើយវាតម្រូវឲ្យអ្នកជំងឺឲ្យវះយកភ្នែកម្ខាង ឬសងខាង វះច្រមុះ និងឆ្អឹងថ្គាម ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ចំនួនអ្នកស្លាប់ដោយសារកូវីដនៅ ឥណ្ឌា មិនមែនប៉ុណ្ណឹងទេ អាចច្រើនជាងតួលេខផ្លូវការ ១០ ដងឯណោះ

The post ឥណ្ឌា កត់ត្រាអ្នកស្លាប់ដោយសារ “ជំងឺផ្សិតខ្មៅ” ជាង ៤,៣០០ នាក់ appeared first on Kampuchea Thmey Daily.

កាលពីថ្ងៃអង្គារ រដ្ឋមន្រ្តីក្រសួងសុខាភិបាលឥណ្ឌា លោក Harsh Vardhan បាននិយាយថា ប្រទេសនេះមានករណីឆ្លងជំងឺផ្សិតខ្មៅ ច្រើនជាង ២៨,០០០ ករណី ។

លោក Vardhan បាននិយាយនៅក្នុងកិច្ចប្រជុំ ជាមួយក្រុមរដ្ឋមន្រ្តីសហព័ន្ធថា “មកពីរដ្ឋចំនួន ២៨ រហូតមកដល់ពេលនេះ យើងមានករណីជំងឺផ្សិតខ្មៅចំនួន ២៨,២៥២ ករណី ។ ក្នុងចំណោមនេះ ៨៦ ភាគរយ ឬ ២៤,៣៧០ ករណី មានប្រវតិ្តឆ្លងជំងឺកូវីដ ១៩ និង ៦២.៣ ភាគរយ ឬ ១៧,៦០១ មានប្រវត្តិនៃជំងឺទឹកនោមផ្អែម” ។

លោកបាននិយាយថា “ចំនួនករណីជំងឺផ្សិតខ្មៅ ខ្ពស់បំផុតគឺ ៦,៣២៩ ករណី ត្រូវបានកត់ត្រានៅក្នុងរដ្ឋ Maharashtra បន្ទាប់មកគឺរដ្ឋ Gujarat ដែលមាន ៥,៤៨៦ ករណី ហើយជាបន្តបន្ទាប់មក មានដូចជារដ្ឋ Madhya Pradesh, រដ្ឋ Uttar Pradesh, រដ្ឋ Rajasthan, រដ្ឋ Haryana, រដ្ឋ Karnataka, រដ្ឋ Delhi និងរដ្ឋ Andhra Pradesh” ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ រឿងធ្ងន់ធ្ងរ ២ យ៉ាង ដែលអ្នកត្រូវព្រួយបារម្ភបំផុត បើឆ្លងវីរុសបំប្លែងខ្លួន ឥណ្ឌា

The post ខណៈកូវីដរលកទី ២ បង្ហាញសញ្ញាធ្លាក់ចុះ ឥណ្ឌា កំពុងភ័យខ្លាចជំងឺផ្សិតខ្មៅវិញ ក្រោយរកឃើញជិត ៣ ម៉ឺនករណី appeared first on Kampuchea Thmey Daily.

ប្រទេសអ៊ុយរ៉ាហ្គាយ បានរកឃើញករណីមួយលើបុរស អាយុ៥០ឆ្នាំម្នាក់ ដែលបានជាសះស្បើយពីជំងឺកូវីដ-១៩ កាលពីសប្តាហ៍មុន ខណៈដែលប្រទេស ឈីលី ក៏បានរកឃើញផងដែរ ប៉ុន្តែមិនបានផ្តល់ព័ត៌មានលម្អិតនោះទេ។

អ្នកជំងឺរាប់ពាន់នាក់នៅក្នុងប្រទេសឥណ្ឌា ដែលកំពុងរងទុក្ខដោយសារវិបត្តិកូវីដ-១៩ ត្រូវបានគេរាយការណ៍ថា បាត់បង់ភ្នែកបន្ទាប់ពីឆ្លងជំងឺផ្សិតខ្មៅ។

អ្នករស់រានមានជីវិតពីជំងឺកូវីដ-១៩ ងាយនឹងវិវត្តជំងឺនេះណាស់ ដោយសារវីរុសកូរ៉ូណា ត្រូវបានព្យាបាលដោយថ្នាំ ស្តេរ៉ូអ៊ីដ។

ជំងឺ Mucormycosis បណ្តាលមកពីផ្សិតដែលមាននៅក្នុងបរិស្ថាន ប៉ុន្តែវាអាចសម្លាប់មនុស្សដែលមានប្រព័ន្ធភាពស៊ាំចុះខ្សោយ។

បន្ទាប់ពីកោសិកាផ្សិតត្រូវបានដកដង្ហើមចូល ការឆ្លងមេរោគបានវាយប្រហារសួតនិងប្រហោងឆ្អឹង មុនពេលរីករាលដាល ហើយអាចទៅដល់ភ្នែក មុខនិងខួរក្បាល។

ស្ថានភាពនេះត្រូវបានគេគិតថា កើនឡើងខ្លាំងនៅក្នុងប្រទេសឥណ្ឌា ដោយសារតែកង្វះថ្នាំដែលអាចប្រើបានដើម្បីប្រយុទ្ធប្រឆាំងនឹងជំងឺនេះ៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ជំងឺផ្សិតខ្មៅនៅឥណ្ឌា បង្ខំឱ្យអ្នកជំងឺរាប់ពាន់នាក់ វះយកគ្រាប់ភ្នែកចេញ បើចង់រស់!

The post ក្តៅៗ ជំងឺផ្សិតខ្មៅដ៏គ្រោះថ្នាក់ ត្រូវបានរកឃើញខាងក្រៅប្រទេសឥណ្ឌា ហើយ appeared first on Kampuchea Thmey Daily.

ឥឡូវមកស្វែងយល់ពីជំងឺផ្សិតទាំង៣ប្រភេទនោះទាំងអស់គ្នា!

១. ជំងឺ “ផ្សិតខ្មៅ”

អ្នក​ជំងឺ​ដែល​ទទួល​រង​​​ការំខានពី​ជំងឺ​​ផ្សិត​ខ្មៅ​ ភាគច្រើនជាអ្នកកំពុងផ្ទុកវីរុសកូវីដ-១៩។ ​ពួកគេមាន​រោគ​សញ្ញាដូចជា ​​ហៀរ​សំបោ ហូរ​ឈាម​តាម​ច្រមុះ ហើម​​ភ្នែក ឈឺ​ចាប់​ភ្នែក ធ្លាក់​ត្របក​ភ្នែក ស្រវាំង​​ភ្នែក រហូត​ដល់​​ងងឹត​ភ្នែក​មើល​អ្វី​លែង​ឃើញក៏មាន​។

វេជ្ជបណ្ឌិតឥណ្ឌាបានបញ្ជាក់ពីផលលំបាកបណ្ដាលមកពីរោគផ្សិតខ្មៅនេះថា អាចធ្វើឱ្យប៉ះពាល់ដល់ច្រមុះ ប្រហោងឆ្អឹង គន្លងប្រព័ន្ធសរសៃប្រសាទកណ្តាល សួត ក្រពះ ពោះវៀន ស្បែក ឆ្អឹងថ្គាម សន្លាក់ បេះដូង និងតម្រងនោម។

អ្នកដែលមានឱកាសឆ្លងជំងឺនេះច្រើនជាងគេ ជាអ្នកកើតទឹកនោមផ្អែម។

២. ជំងឺ “ផ្សិតស”

ជំងឺផ្សិតស ត្រូវបានគេចាត់ទុកជាជំងឺដែលមានគ្រោះថ្នាក់ខ្លាំងជាងជំងឺផ្សិតខ្មៅ។  គ្រូពេទ្យឥណ្ឌាបានឱ្យដឹងពីរោគសញ្ញានៃជំងឺនេះថា វាដូចទៅនឹងជំងឺកូវីដដែរ ប៉ុន្តែអ្នកជំងឺមិនបានផ្ទុកវីរុសកូវីដ-១៩ទេ។

ការឆ្លងមេរោគផ្សិតសនេះ បង្កផលប៉ះពាល់ដល់សួត ព្រមទាំងផ្នែកផ្សេងទៀតនៃរាងកាយដូចជា ក្រចក ស្បែក ក្រពះ តម្រងនោម ខួរក្បាល ប្រដាប់ភេទ និងមាត់ជាដើម។

ចំណែកអ្នកប្រឈមហានិភ័យខ្លាំងគឺ អ្នកជំងឺកូវីដដែលកំពុងប្រើអុកស៊ីហ្សែន និងអ្នកជំងឺមហារីក។

៣. ជំងឺ ​“ផ្សិតលឿង”

ផ្សិតលឿងឯណេះវិញ ត្រូវបានរាយការណ៍ថា កាន់តែគ្រោះថ្នាក់ហើយឆ្លងខ្លាំងជាង ជំងឺផ្សិតខ្មៅនិងស។

រោគសញ្ញាទូទៅនៃជំងឺនេះរួមមាន ល្ហិតល្ហៃ ស្រកទម្ងន់ លែងសូវឃ្លានឬមិនឃ្លានអ្វីទាំងអស់។ ចំណែករោគសញ្ញាធ្ងន់ធ្ងរផ្សេងទៀតមានដូចជា ខូងភ្នែក ឬធ្លាយខ្ទុះ។ ជំងឺផ្សិតលឿងក៏រារាំងដល់ការសះមុខរបួស ធ្វើឲ្យរបួសឈឺយូរ និងអាចបណ្តាលឲ្យខូចសរីរាង្គ កង្វះអាហារូបត្ថម្ភ ហើយនៅទីបំផុត អាចបណ្តាលឲ្យមានជំងឺសរសៃប្រសាទធ្ងន់ធ្ងរ ឬឈានដល់ស្លាប់៕

អត្ថបទ៖ សន្យា

ចុចអាន៖ ធ្ងន់ធ្ងរទៅៗ ឥណ្ឌា ផ្ទុះ “ជំងឺផ្សិតស” មួយទៀត សាហាវជាង “ជំងឺផ្សិតខ្មៅ”

ចុចអាន៖ អ្វីជាជំងឺផ្សិតខ្មៅ? ហេតុអីបានជាងាយឆ្លងចំពោះអ្នកជំងឺកូវីដ-១៩?

ចុចអាន៖ ឥណ្ឌា ផ្ទុះជំងឺមួយប្រភេទទៀត សាហាវជាងមេរោគ “ផ្សិតខ្មៅ”

The post ស្វែងយល់ជំងឺផ្សិតទាំង៣ប្រភេទដែលកំពុងផ្ទុះនៅឥណ្ឌា ឮថាគ្រោះថ្នាក់ជាងកូវីដ appeared first on Kampuchea Thmey Daily.

បន្ទាប់ពីកើតមានរលកកូវីដទី២ដ៏មហន្តរាយ ការផ្ទុះឡើងនៃជំងឺ Mucormycosis ឬជំងឺ “ផ្សិតខ្មៅ” កំពុងបង្កភាពភ័យស្លន់ស្លោនៅទូទាំងប្រទេស។

យោងតាមសេចក្តីរាយការណ៍បានឲ្យដឹងថា ប្រហែល៦០ភាគរយ នៃអ្នកជំងឺដែលក្រុមគ្រូពេទ្យកំពុងព្យាបាល គឺត្រូវបង្ខំចិត្តវះយកភ្នែកម្ខាងឬភ្នែកទាំងសងខាងចេញ។

បន្ទាប់ពីត្រូវបានអនុញ្ញាតឲ្យចាកចេញពីមន្ទីរពេទ្យក្រោយជាសះស្បើយពីជំងឹកូវីដ-១៩ អ្នកជំងឺម្នាក់ឈ្មោះ Anil Wankhede មានអាការឈឺក្បាលនិងហើមភ្នែកខាងស្តាំ។

ក្រុមគ្រួសាររបស់គាត់ បាននាំគាត់ទៅជួបគ្រូពេទ្យជាច្រើននាក់ មុនពេលគាត់ត្រូវបានគេធ្វើរោគវិនិច្ឆ័យឃើញថាមានជំងឺផ្សិតខ្មៅ។

១០ថ្ងៃបន្ទាប់ពីភ្នែករបស់គាត់ឈឺ លោក Wankhede បានទៅជួបអ្នកជំនាញ។ អ្នកជំនាញប្រាប់គាត់ថា ជម្រើសតែមួយគត់គឺត្រូវវះកាត់ យកភ្នែកខាងស្តាំរបស់គាត់ចេញ ដើម្បីឲ្យជំងឺឈប់រាលដាល។

លោកវេជ្ជបណ្ឌិត Akshay Nair បានប្រាប់កាសែត The Times ថា “ប្រសិនបើយើងមិនវះកាត់យកភ្នែកចេញ រួមជាមួយជាលិកាសរសៃប្រសាទនិងត្របកភ្នែកទេនោះ ការឆ្លងអាចរាតដាលទៅដល់ខួរក្បាល។ នៅដំណាក់កាលនោះ យើងលែងអាចសង្គ្រោះជីវិតពួកគេបានហើយ”។

រដ្ឋភាគខាងលិច Gujarat ត្រូវបានវាយប្រហារយ៉ាងខ្លាំងដោយសារជំងឺនេះ ហើយរដ្ឋ Rajasthan បានប្រកាសថា ជំងឺផ្សិតខ្មៅគឺជា រោគរាតត្បាត៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ឥណ្ឌា ផ្ទុះជំងឺមួយប្រភេទទៀត សាហាវជាងមេរោគ “ផ្សិតខ្មៅ”

The post ជំងឺផ្សិតខ្មៅ បង្ខំឲ្យអ្នកជំងឺឥណ្ឌារាប់ពាន់នាក់ វះយកភ្នែកម្ខាងឬទាំងសងខាងចេញ បើចង់រស់ appeared first on Kampuchea Thmey Daily.

ជំងឺផ្សិតលឿង ត្រូវបានគេនិយាយថា មានគ្រោះថ្នាក់ជាងប្រភេទជំងឺទាំងពីរខាងលើទៅទៀត ហើយវាត្រូវបានគេណែនាំ ឲ្យស្វែងរកការព្យាបាលឲ្យបានឆាប់ ក្នុងករណីរោគសញ្ញាចាប់ផ្តើមលេចឡើង។

ភាពល្ហិតល្ហៃ ស្រកទម្ងន់ លែងសូវឃ្លានឬមិនឃ្លានអ្វីទាំងអស់ ត្រូវបានគេនិយាយថា ជារោគសញ្ញាទូទៅនៃជំងឺផ្សិតលឿង។ ចំណែករោគសញ្ញាធ្ងន់ធ្ងរបន្ថែមទៀតនៃជំងឺនេះ អាចមានដូចជាខូងភ្នែក ឬធ្លាយខ្ទុះ។

ជំងឺផ្សិតលឿងនេះ ត្រូវបានគេនិយាយថា រារាំងដល់ការសះមុខរបួស ធ្វើឲ្យរបួសឈឺយូរ និងអាចបណ្តាលឲ្យខូចសរីរាង្គ កង្វះអាហារូបត្ថម្ភហើយនៅទីបំផុត អាចបណ្តាលឲ្យមានជំងឺសរសៃប្រសាទធ្ងន់ធ្ងរ ឬឈានដល់ស្លាប់។

មូលហេតុនៃជំងឺផ្សិតលឿងអាចបណ្តាលមកពីការទទួលទានអាហារមានសំណើមខ្ពស់ ឬអាហារទុកចោលយូរ។ ទោះបីជាយ៉ាងណាក៏ដោយ មូលហេតុចម្បង ត្រូវបានគេនិយាយថា បណ្តាលមកពីភាពគ្មានអនាម័យ។

ប្រសិនបើដឹងខ្លួនទាន់ពេលវេលា ជំងឺផ្សិតលឿងអាចព្យាបាលបាន។ ការចាក់ថ្នាំ Amphotericin B ត្រូវបានប្រើក្នុងការព្យាបាលជំងឺផ្សិតលឿងនេះ៕

ប្រែសម្រួល៖ Vann Vann

ប្រភព៖ Republic World

ចុចអាន៖ ឥណ្ឌា ជួបគ្រោះអាសន្នធំមួយទៀត

The post ឥណ្ឌា ផ្ទុះជំងឺមួយប្រភេទទៀត សាហាវជាងមេរោគ “ផ្សិតខ្មៅ” appeared first on Kampuchea Thmey Daily.

ដោយសារវីរុសកូវីដ-១៩ លុកលុយសរីរាង្គអ្នកជំងឺ វាអាចផ្ដល់អំណោយផលល្អដល់មេរោគផ្សិតរីកលូតលាស់ក្នុងរាងកាយបានយ៉ាងងាយ។ មូលហេតុគឺវីរុសនេះ ធ្វើឱ្យប្រព័ន្ធដង្ហើមនិងសរសៃឈាមរងការខូចខាត ដូច្នេះជាតិដែកសេរ៉ូមមានការកើនឡើង ដែលបង្កភាពងាយស្រួលសម្រាប់ផ្សិតដុះក្នុងសារពាង្គកាយ។

ចំណែកអ្នកជំងឺកូវីដដែលធ្លាប់ប្រើថ្នាំស្តេរ៉ូអ៊ីតលើសកំណត់ ក៏ផ្ដល់ឱកាសល្អជួយបង្កើនជាតិស្ករក្នុងឈាម ធ្វើឱ្យពួកគេងាយឆ្លងមេរោគផ្សិតដូចគ្នា។ មួយវិញទៀតដោយសារការចុះខ្សោយប្រព័ន្ធផ្លូវដង្ហើមនិងប្រព័ន្ធភាពស៊ាំក្នុងរយៈពេលវែង វាបណ្ដាលឱ្យអ្នកជំងឺងាយឆ្លងមេរោគផ្សិតលើស្រោមសួតផងដែរ៕

ប្រែសម្រួល៖ សន្យា

ប្រភព៖ The Indian EXPRESS

The post ហេតុអ្វីបានជាជំងឺផ្សិតខ្មៅកើតលើអ្នកជំងឺកូវីដ-១៩ ខ្លាំងជាងគេ? appeared first on Kampuchea Thmey Daily.

តើអ្វីទៅជាជំងឺផ្សិតខ្មៅ?

មេរោគផ្សិត ឬផ្សិតខ្មៅ ជាពពួកសារពាង្គកាយដុះចេញពីរុក្ខជាតិនិងប្រភេទសត្វខ្លះ។ ពួកវាត្រូវបានគេរកឃើញនៅក្នុងដី រុក្ខជាតិ សរីរាង្គរលួយ ទឹក ខ្យល់ កន្លែងសើម និងនៅក្នុងរាងកាយមនុស្សព្រមទាំងសត្វផងដែរ។ បច្ចុប្បន្ន ពពួកផ្សិតមានប្រហែល ១៤៤,០០០ ប្រភេទដែលក្នុងចំណោមនោះមានខ្លះជាធាតុបង្កជំងឺដល់មនុស្ស និងខ្លះទៀតមិនមានគ្រោះថ្នាក់ឡើយ។

តើមេរោគផ្សិតអាចបង្កបញ្ហាអ្វីខ្លះ?

ជាទូទៅប្រភេទផ្សិតខ្លះមិនបង្កការបង្ករោគលើមនុស្សទេ តែអាចបង្កឱ្យមានជំងឺចំពោះមនុស្សដែលមានប្រព័ន្ធភាពស៊ាំចុះខ្សោយ។

រោគសញ្ញាទូទៅខ្លះនៃការឆ្លងមេរោគផ្សិតរួមមាន៖

* កើតអាការដូចជំងឺស្រែង

* ឆ្លងទៅលើក្រចក

* មេរោគឆ្លងកាន់តែធ្ងន់ធ្ងរបន្ទាប់ពីយើងមានរបួស

* មានខ្ទុះលើស្បែក និងអាចដុះផ្សិតកាន់តែច្រើនឡើង

* អាចបណ្ដាលឱ្យប្រហោងឆ្អឹង និងវាយប្រហារសួតធ្ងន់ធ្ងរ

* ផ្សិតក៏អាចជះឥទ្ធិពលអាក្រក់ដល់ក្រពះ ពោះវៀន ប្រព័ន្ធតម្រងនោម និងអាចបណ្តាលឱ្យឆ្លងរាលដាលពេញខ្លួនដោយសាររោគផ្សិតចូលទៅក្នុងចរន្តឈាម។

តើអ្នកណាងាយនឹងឆ្លងមេរោគផ្សិត?

ដូចដែលបានរៀបរាប់ពីមុន មនុស្សដែលមានប្រព័ន្ធភាពស៊ាំងាយចុះខ្សោយងាយនឹងឆ្លងជំងឺផ្សិតជាងគេ ក្នុងនោះរួមមាន អ្នកជំងឺទឹកនោមផ្អែម អ្នកប្រើថ្នាំស្តេរ៉ូអ៊ីតច្រើន (អាចបង្កើនកម្រិតជាតិស្ករក្នុងឈាមនិងបន្ថយភាពស៊ាំរបស់រាងកាយ) អ្នកជំងឺលើសឈាម អ្នកជំងឺមហារីក អ្នកលេបថ្នាំជាតិដែកលើសឬលេបថ្នាំនេះជាប្រចាំ អ្នកមានរបួសស្នាមរលាក និងមនុស្សខ្វះអាហារូបត្ថម្ភ។

ហេតុអ្វីបានជាជំងឺផ្សិតខ្មៅកើតមានចំពោះអ្នកជំងឺកូវីដ-១៩ ខ្លាំងជាងគេ?

រោគ Mucormycosis ឬជំងឺផ្សិតខ្មៅ អាចកើតមានគ្រប់ពេល បន្ទាប់ពីនរណាម្នាក់បានឆ្លងវីរុសកូវីដ-១៩ មិនថាអ្នកកំពុងស្នាក់នៅមន្ទីរពេទ្យ និងអ្នកធូរស្រាលពីជំងឺបានច្រើនថ្ងៃឬច្រើនសប្តាហ៍ហើយក៏ដោយ។

ដោយសារវីរុសកូវីដ-១៩ លុកលុយសរីរាង្គអ្នកជំងឺ វាអាចផ្ដល់អំណោយផលល្អដល់មេរោគផ្សិតរីកលូតលាស់ក្នុងរាងកាយបានយ៉ាងងាយ។ មូលហេតុគឺវីរុសនេះ ធ្វើឱ្យប្រព័ន្ធដង្ហើមនិងសរសៃឈាមរងការខូចខាត ដូច្នេះជាតិដែកសេរ៉ូមមានការកើនឡើង ដែលបង្កភាពងាយស្រួលសម្រាប់ផ្សិតដុះក្នុងសារពាង្គកាយ។ ចំណែកអ្នកជំងឺកូវីដដែលធ្លាប់ប្រើថ្នាំស្តេរ៉ូអ៊ីតលើសកំណត់ ក៏ផ្ដល់ឱកាសល្អជួយបង្កើនជាតិស្ករក្នុងឈាម ធ្វើឱ្យពួកគេងាយឆ្លងមេរោគផ្សិតដូចគ្នា។ មួយវិញទៀតដោយសារការចុះខ្សោយប្រព័ន្ធផ្លូវដង្ហើមនិងប្រព័ន្ធភាពស៊ាំក្នុងរយៈពេលវែង វាបណ្ដាលឱ្យអ្នកជំងឺងាយឆ្លងមេរោគផ្សិតលើស្រោមសួតផងដែរ៕

ប្រែសម្រួល៖ សន្យា

ប្រភព៖ The Indian EXPRESS

ចុចអាន៖ ដើមចម ធ្វើឲ្យជំងឺផ្សិតខ្មៅ រីករាលដាលខ្លាំងនៅ ឥណ្ឌា

ចុចអាន៖ ជំងឺផ្សិតខ្មៅរកឃើញឆ្លងកាន់តែច្រើនចំពោះបុរស ជាពិសេសអ្នកទឹកនោមផ្អែម

The post អ្វីជាជំងឺផ្សិតខ្មៅ? ហេតុអីបានជាងាយឆ្លងចំពោះអ្នកជំងឺកូវីដ-១៩? appeared first on Kampuchea Thmey Daily.