តាមការចេញផ្សាយពី NHK កាលពីថ្ងៃព្រហស្បតិ៍សប្តាហ៍មុន ប្រទេសបង់ក្លាដែសបានរៀបចំការបោះឆ្នោតទូទៅជាលើកដំបូងចាប់តាំងពីរដ្ឋាភិបាលរបស់អតីតនាយករដ្ឋមន្ត្រី Sheikh Hasina បានដួលរលំនាឆ្នាំ ២០២៤ បន្ទាប់ពីការតវ៉ាទ្រង់ទ្រាយធំដែលភាគច្រើនដឹកនាំដោយនិស្សិត។ លោកស្រី Hasina បានគ្រប់គ្រងប្រទេសអស់រយៈពេលប្រហែលជា១៥ ឆ្នាំ។

គណបក្សជាតិនិយមបង់ក្លាដែស (BNP) ដែលដឹកនាំដោយលោក Rahman ឥឡូវនេះមានអាសនៈចំនួន ២០៩ ក្នុងចំណោម ៣០០ អាសនៈនៅក្នុងសភា។ លោកបានដឹកនាំគណបក្សឲ្យទទួលបានជ័យជម្នះ និងការការគាំទ្រយ៉ាងទូលំទូលាយ ដោយសង្កត់ធ្ងន់លើភាពខុសគ្នាពីរដ្ឋាភិបាលមុន និងផ្លាស់ប្តូរនយោបាយដ៏សំខាន់មួយនៅក្នុងប្រទេសអាស៊ីខាងត្បូង បន្ទាប់ពីរយៈពេលនៃភាពចលាចល។ ជាពិសេស អំពើពុករលួយបានរីករាលដាលក្នុងចំណោមអ្នកនយោបាយ និងមន្ត្រីរាជការ ហើយអត្រាគ្មានការងារធ្វើក្នុងចំណោមនិស្សិតបញ្ចប់ការសិក្សាបានលើសពី ១៣ ភាគរយ។ ប្រជាជននៅក្នុងប្រទេស ជាពិសេសយុវជនជំនាន់ក្រោយ កំពុងអំពាវនាវកាន់តែខ្លាំងឡើងឲ្យមានកិច្ចខិតខំប្រឹងប្រែងដើម្បីដោះស្រាយបញ្ហាអំពើពុករលួយ និងបង្កើតការងារ។

ទោះជាយ៉ាងនេះក្ដី ជ័យជម្នះនេះនឹងធ្វើឲ្យលោក Rahman ប្រឈមមុខនឹងបញ្ហាប្រឈមជាបន្ទាន់ រួមទាំងការស្តារស្ថិរភាពនយោបាយ ការកសាងទំនុកចិត្តរបស់វិនិយោគិនឡើងវិញ និងការរស់ឡើងវិញនូវឧស្សាហកម្មសំខាន់ៗដូចជាវិស័យកាត់ដេរ បន្ទាប់ពីភាពចលាចលដែលបានកើតឡើង នៅក្នុងការបះបោរដឹកនាំដោយឧត្តមសេនីយ៍ Z ដែលផ្តួលរំលំរដ្ឋាភិបាលរបស់ Sheikh Hasina ក្នុងឆ្នាំ ២០២៤។

គួរបញ្ចាក់ផងដែរថា លោកTarique Rahman គឺជាកូនប្រុសច្បងរបស់អតីតនាយករដ្ឋមន្ត្រី Khaleda Zia ដែលជានាយករដ្ឋមន្ត្រីស្ត្រីដំបូងក្នុងប្រទេសបង់ក្លាដែស។ ក្រោយមក លោកបានចាកចេញពីចក្រភពអង់គ្លេសកាលពីខែធ្នូ បន្ទាប់ពីនិរទេសខ្លួន ដើម្បីវិលត្រឡប់ចូលមកស្រុកកំណើតប្រឡូកក្នុងឆាកនយោបាយវិញ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

រក​ឃើញ​មេ​ដឹកនាំ​បង់ក្លាដែស​ថ្មី ក្រោយ​បាតុកម្ម «Gen Z» ផ្ដួល​រំលំ​របប​​​លោកស្រី Sheikh Hasina

The post លោក Rahman ស្បថចូលកាន់តំណែង ជានាយករដ្ឋមន្ត្រីថ្មី បង់ក្លាដែស ក្រោយឈ្នះឆ្នោតយ៉ាងភ្លូកទឹកភ្លូកដី appeared first on Kampuchea Thmey Daily.

ចុះផ្សាយដោយ thehindu គណបក្សនេះបាននិយាយនៅក្នុងសេចក្តីថ្លែងការណ៍មួយថា «ប្រធានគណបក្ស BNP និងអតីតនាយករដ្ឋមន្ត្រី គឺមេដឹកនាំជាតិ លោកស្រី Begum Khaleda Zia បានទទួលមរណភាពនៅថ្ងៃនេះ វេលាម៉ោង ៦:០០ ព្រឹក ភ្លាមៗបន្ទាប់ពីការអធិស្ឋាន Fajr (ពេលព្រឹកព្រលឹម)»។

ទោះបីជាមានសុខភាពមិនល្អ និងជាប់ពន្ធនាគារអស់ជាច្រើនឆ្នាំក៏ដោយ លោកស្រី Zia បានស្បថក្នុងខែវិច្ឆិកាថា នឹងធ្វើយុទ្ធនាការក្នុងការបោះឆ្នោតដែលកំណត់សម្រាប់ខែកុម្ភៈ ឆ្នាំ ២០២៦ ។ ការបោះឆ្នោតលើកដំបូងចាប់តាំងពីការបះបោរដ៏ធំបានផ្តួលរំលំគូប្រជែងសំខាន់របស់គាត់ គឺលោកស្រី Sheikh Hasina កាលពីឆ្នាំមុន។

ថ្វីដ្បិតតែ គណបក្ស BNP ត្រូវបានគេមើលឃើញយ៉ាងទូលំទូលាយថាជាអ្នកនាំមុខគេ។ ប៉ុន្តែនៅចុងខែវិច្ឆិកា គាត់ត្រូវបានគេបញ្ជូនទៅមន្ទីរពេទ្យជាបន្ទាន់ បើទោះបីជាមានការខិតខំប្រឹងប្រែងយ៉ាងខ្លាំងពីគ្រូពេទ្យក៏ដោយ ក៏ស្ថានភាពរបស់លោកស្រីបានថយចុះដោយសារបញ្ហាសុខភាពជាច្រើន។ យ៉ាងណាក៏ដោយ ប៉ុន្មានម៉ោងមុនពេលគាត់ស្លាប់ បុគ្គលិកគណបក្សបានដាក់ឯកសារតែងតាំងក្នុងនាមគាត់សម្រាប់មណ្ឌលបោះឆ្នោតចំនួនបីនៅថ្ងៃចន្ទ។

សូមរម្លឹកថា លោកស្រី Khaleda Zia បានក្លាយជាប្រមុខរដ្ឋាភិបាលស្ត្រីដំបូងគេក្នុងប្រទេសបង់ក្លាដែស នាឆ្នាំ ១៩៩១ បន្ទាប់ពីដឹកនាំគណបក្សលោកស្រីឲ្យទទួលបានជ័យជម្នះក្នុងការបោះឆ្នោតប្រជាធិបតេយ្យលើកដំបូងរបស់ប្រទេសក្នុងរយៈពេល ២០ ឆ្នាំ។ ជាងនេះ កាសែតភាសាអង់គ្លេស The Daily Star បានហៅលោកស្រីថាជា តួអង្គដ៏សំខាន់នៃការតស៊ូប្រជាធិបតេយ្យរបស់ប្រទេសបង់ក្លាដែស និងជាមេដឹកនាំដែល មានភាពរឹងមាំក្នុងការរស់រានមានជីវិត និងភាពក្លាហានខាងនយោបាយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

អាមេរិក ប្រកាសផ្គត់ផ្គង់យន្តហោះចម្បាំង F-15 ទៅឲ្យ អ៊ីស្រាអែល

The post អតីតនាយករដ្ឋមន្ត្រីស្ត្រីដំបូងគេ បង់ក្លាដែស ទទួលមរណភាព ក្នុងវ័យ ៨០ ឆ្នាំ appeared first on Kampuchea Thmey Daily.

​ក្នុង​បាតុកម្ម​ហិង្សា​​​ក្នុង​រយៈ​ពេល​ប៉ុន្មានស​ប្តាហ៍​មក​នេះ មនុស្ស​​ជិត​​២០០​នាក់​បានស្លាប់ ហើយ ជាង​១០០០០​នាក់​ផ្សេង​ទៀ​​តត្រូវ​បាន​ចាប់ខ្លួន​ ខណៈ​រដ្ឋាភិបាល​​បង់ក្លាដែស​បាន​កាត់ផ្តាច់បណ្តាញ​សង្គម​ពេញ​និយម​ទាំងអស់​ដើម្បី​កាត់​ផ្តាច់​ទំនាក់​ទំនង​សង្គម​ និង​ការ​ចែក​ចាយ​រូប​ភាព​ហិង្សា​​ដ៏​ឃោរឃៅ​​នេះ​។

​ទីភ្នាក់ងារ​ព័ត៌មានរ៉យទ័រ បាន​ផ្សាយ​នៅល្ងាច​ថ្ងៃទី​២​ខែសីហា​ឱ្យ​ដឹង​ថា មនុស្សយ៉ាងតិច២០នាក់បានរងរបួសនៅក្នុងការប៉ះទង្គិចគ្នាកាល​ពីថ្ងៃសុក្រ​ ហើយប៉ូលិសបានបាញ់គ្រាប់កៅស៊ូ និងឧស្ម័នបង្ហូរទឹកភ្នែកដើម្បីបំបែកហ្វូង​បាតុករ ខណៈដែលមនុស្សរាប់ពាន់នាក់បានតវ៉ានៅក្នុងរដ្ឋធានីបង់ក្លាដែស និងផ្នែកផ្សេងទៀតនៃប្រទេសកាលពីថ្ងៃទី២ខែសីហា ដោយអំពាវនាវឱ្យនាយករដ្ឋមន្ត្រី Sheikh Hasina លាលែងពីតំណែង។

​នៅថ្ងៃ​ទី​២​ដដែល​នោះ គណៈកម្មការ​​នីយ័តករ​ទូរគមនាគមន៍​បង់ក្លាដែស (BTRC)បាន​បញ្ជាឱ្យ​ក្រុម​​ផ្តល់សេវា​កម្ម​ទូរស័ព្ទ​ចល័ត​កាត់​ផ្តាច់​​បណ្តាញ​​ទំនាក់​ទំនាក់​សង្គម​ពេញ​និយម​ទាំងអស់។ បណ្តាញសង្គម​ទាំងនោះ​រួម​មាន Facebook Tik Tok Youtube WhatApp ជាដើម។

ក្រុមបាតុករ​​ដែល​​កាល​ពីខែ​មុន​ចាប់​ផ្តើម​ពី​ក្រុម​និស្សិត​​​កំពុងទាមទារ​​លើ​ប្រព័ន្ធកូតា​ការ​ងារ​ដែល​រដ្ឋាភិបាល​​រក្សា​ទុក​សម្រាប់​ក្រុមគ្រួសារ​មន្ត្រី​​មាន​គុណបំណាច់​​​ក្នុង​ការ​តស៊ូ​ចំពោះ​ជាតិ បាន​​រីករាល​ដាល​ទៅ​ជា​ការ​ទាមទារ​ទូទាំង​ប្រទេស​ រហូត​ឈាន​ដល់​អំពោះ​ហិង្សា​​​ដែល​ពិបាក​ទប់ស្កាត់​​នាពេល​នេះ​។

ទីភ្នាក់ងារ​រ៉យទ័រ បាន​រាយការណ៍​ថា យុវជនជាច្រើននាក់បានដើរដង្ហែក្នុងទីក្រុង ដាកា(Dhaka) ដោយស្រែកថា៖«យើងចង់បានយុត្តិធម៌» និងបានគ្រវីបដាប្រឆាំងរដ្ឋាភិបាល។ នៅកន្លែងផ្សេងទៀតក្នុងប្រទេស អគារជាច្រើនរួមទាំងការិយាល័យស្រុកនៃគណបក្ស Awami League ដែលកំពុងកាន់អំណាចត្រូវបានដុតបំផ្លាញ ស្នាក់​ការ​ប៉ូលីសមួយត្រូវបានដុតបំផ្លាញ ហើយរថពាសដែកត្រូវបានបំផ្លិចបំផ្លាញអំឡុងពេលបាតុកម្ម។

ភាពចលាចលនាពេលបច្ចុប្បន្ននេះគឺជាការសាកល្បងដ៏ធំបំផុតដែលប្រឈមមុខនឹងលោកស្រី​នាយករដ្ឋមន្ត្រី​ Hasina ចាប់តាំងពីការតវ៉ាដ៏សាហាវ នៅពេលដែលលោកស្រីបានឈ្នះឆ្នោត​អាណត្តិទី៤ជាប់ៗគ្នាក្នុងការបោះឆ្នោតខែមករាដែល​គ្មាន​វត្តមាន​បក្ស​ជាតិ​និយម​​បង់ក្លាដែស​ដែលជាគណបក្សប្រឆាំងដ៏សំខាន់។

ក្រុមនិស្សិតបានដឹកនាំបាតុកម្មកាលពីខែមុនប្រឆាំងនឹងកូតាក្នុងការងាររដ្ឋាភិបាល រួមទាំងការបម្រុង​​តួនាទី​ក្នុងរដ្ឋាភិបាល​​​រហូត​៣០​ភាគរយសម្រាប់គ្រួសារអតីតយុទ្ធជននៃសង្គ្រាមឯករាជ្យឆ្នាំ​១៩៧១​ពី​ប្រទេស​ប៉ាគីស្ថាន៕​

The post បាតុកម្ម​​ហិង្សា​​នៅ​បង់ក្លាដែស​​កាន់តែ​អាក្រក់​​​ ខណៈរដ្ឋាភិបាល​​បញ្ជាឱ្យ​បិទ​បណ្តាញសង្គម​​ appeared first on Kampuchea Thmey Daily.

ប្រធានក្រុមហ៊ុន Summit Group ដែលមានចំណាប់អារម្មណ៍លើថាមពល កំពង់ផែ ខ្សែកាបអុបទិក និងអចលនទ្រព្យ ឥឡូវនេះត្រូវបានបញ្ចូលក្នុងបញ្ជីមហាសេដ្ឋីពិភពលោក សម្រាប់ឆ្នាំទីពីររបស់ទស្សនាវដ្តីអាមេរិក។

បុរសជាមហាសេដ្ឋីរូបនេះមានឈ្មោះថា Khan អាយុ ៦៩ ឆ្នាំ បានចាប់ផ្តើមធ្វើអាជីវកម្មនៅអាយុ ១៨ ឆ្នាំ នៅពេលដែលគាត់បានខ្ចីប្រាក់ពីឪពុករបស់គាត់ដើម្បីវិនិយោគក្នុងការបណ្តាក់ទុនរួមគ្នាជាមួយមិត្តភក្តិ។ លោកបានបង្កើត Summit ក្នុងឆ្នាំ ១៩៩៧ ហើយបានដឹកនាំវាក្នុងការកសាងភាពជាដៃគូជាមួយក្រុមហ៊ុនចម្រុះជាតិសាសន៍ដូចជាក្រុមហ៊ុនថាមពលដ៏ធំរបស់សហរដ្ឋអាមេរិក General Electric និងសាជីវកម្មហិរញ្ញវត្ថុអន្តរជាតិរបស់ធនាគារពិភពលោក។

កិច្ចប្រជុំកំពូល​បានធានានូវហិរញ្ញប្បទានរាប់ពាន់លានដុល្លារ សម្រាប់គម្រោងហេដ្ឋារចនាសម្ព័ន្ធនៅក្នុងប្រទេសបង់ក្លាដែស ហើយមានចំនួនប្រហែលមួយភាគប្រាំនៃការផលិតថាមពលនៅក្នុងប្រទេស។​ ក្នុងឆ្នាំ ២០១៩ Khan បានលក់ភាគហ៊ុន ២២% នៅក្នុង Summit Power International ទៅឲ្យ JERA របស់ប្រទេសជប៉ុនក្នុងតម្លៃ ៣៣០លានដុល្លារ ដែលមានតម្លៃក្រុមហ៊ុនចំនួន ១.៥ ពាន់លានដុល្លារ។ លោកគឺជាអ្នករស់នៅអចិន្ត្រៃយ៍ក្នុងប្រទេសសិង្ហបុរី ខណៈដែលកូនស្រីរបស់គាត់ឈ្មោះ Ayesha គ្រប់គ្រងក្រុមហ៊ុន Summit Power International ៕

អត្ថបទ៖ សាង ស្រីល័ក្ខ

ចុចអាន៖Forbes រកឃើញថា ឆ្នាំនេះមហាសេដ្ឋី ហុងកុង ៥រូប សុទ្ធតែធ្លាក់ចុះទ្រព្យសម្បត្តិដូចគ្នា

The post Forbes រកឃើញថា មហាសេដ្ឋីតែមួយគត់របស់ បង់ក្លាដែស នៅតែកើនឡើងទ្រព្យសម្បត្តិឥតឈប់ឈរ appeared first on Kampuchea Thmey Daily.

ខាងក្រោមនេះគឺជាប្រទេសទាំង៣ ដែលមានភាពក្រីក្របំផុតនៅអាស៊ី៖

១ ប្រទេស ឥណ្ឌា

ទោះបីជាមានកំណើនសេដ្ឋកិច្ចគួរឱ្យកត់សម្គាល់ក៏ដោយ។ ប៉ុន្តែ​ឥណ្ឌា​នៅ​តែ​បន្ត​តស៊ូ​ជាមួយ​នឹង​ភាព​ក្រីក្រ​យ៉ាង​ទូលំទូលាយមកទល់សព្វថ្ងៃនេះ។ ជាពិសេសនៅតំបន់ជនបទ ​តែងតែត្រូវរដ្ឋាភិបាលផ្ដួចផ្ដើមដោយមានគោលបំណងដោះស្រាយបញ្ហានៃភាពក្រីក្រ។​ ប៉ុន្តែវានៅតែជាបញ្ហាសំខាន់ នៅក្នុងតំបន់មួយចំនួននៃប្រទេសនេះដែលពិបាកនឹងងើបឈរឲ្យខ្ពស់ជាងនេះ។

២ ប្រទេស បង់ក្លាដែស

ទោះបីជាប្រទេសបង់ក្លាដែសមានការរីកចម្រើនក្នុងការកាត់បន្ថយភាពក្រីក្រក៏ដោយ ប៉ុន្តែប្រជាជនជាច្រើននៅតែប្រឈមមុខនឹងបញ្ហាសេដ្ឋកិច្ច។ ជាពិសេសនៅតំបន់ជនបទដាច់ស្រយាលខ្លាំង តែងតែរងគ្រោះនឹងការខ្វះខាតជាលំដាប់។ ត្បិតថារដ្ធាភិបាលប្រទេសនេះ បាននិងកំពុងខិតខំប្រែងយ៉ាងណាក្ដី។

៣ ប្រទេស អាហ្វហ្គានីស្ថាន

ជម្លោះ​អស់​រយៈពេល​ជាច្រើន​ទសវត្សរ៍​បាន​ជះឥទ្ធិពល​យ៉ាងធ្ងន់ធ្ងរដល់សេដ្ឋកិច្ច និងហេដ្ឋារចនាសម្ព័ន្ធរបស់ប្រទេសអាហ្វហ្គានីស្ថាន។ កត្តា​នេះ​បាន​ធ្វើ​ឲ្យ​អត្រា​ភាព​ក្រីក្រ​កើនឡើង​ក្នុង​តំបន់​ជាច្រើន ខណៈដែលរដ្ធាភិបាលក៏បានព្យាយាមកាត់បន្ថយភាពក្រីក្រតាមរយៈគម្រោងសង្គម និងសេដ្ឋកិច្ចផ្សេងៗ។ ប៉ុន្តែ ភាពក្រីក្រនៅតែជាកង្វល់ចម្បងដែលប៉ះពាល់ដល់ផ្នែកមួយនៃប្រជាជន៕

ប្រែសម្រួល៖ សាង ស្រីល័ក្ខ

ប្រភព៖board

ចុចអាន៖ទស្សនិកជនភ្ញាក់ផ្អើល ក្រោយដឹងថា Suho ក្រុម EXO មានមុខដូចគ្នានឹងស្ដេចចុងក្រោយនៃរាជវង្ស Joseon

The post ប្រទេស ៣ នៅអាស៊ី ប្រឈមនឹងភាពក្រីក្រខ្លាំងជាងគេ appeared first on Kampuchea Thmey Daily.

កាល​ពី​ខែ​មុន ប្រទេស​អាស៊ី​ខាង​ត្បូង​មួយនេះ បាន​ចាប់​ផ្តើម ការផ្តា​ច់​ភ្លើង​ប្រចាំ​ថ្ងៃ ដោយក្នុងមួយថ្ងៃផ្តាច់ពីរ​ម៉ោង ហើយក្នុងរយៈពេលប៉ុន្មានសប្តាហ៍ថ្មីៗនេះ ក្រុមបាតុករបានដើរតាមផ្លូវ បន្ទាប់ពីរដ្ឋាភិបាល ដំឡើងថ្លៃសាំងជាង ៥០%។

សង្គ្រាម​នៅ​អ៊ុយក្រែន ​បាន​ជំរុញឲ្យ​តម្លៃ​នៃ​ការ​នាំ​ចូលប្រេង​ឥន្ធនៈ​ឡើង​ថ្លៃយ៉ាងគំហុក និង​បាន​ធ្វើឲ្យ​ប៉ះពាល់​ដល់​វិស័យសេដ្ឋកិច្ច និង​ទុនបម្រុង​រូបិយប័ណ្ណ​បរទេស​របស់​បង់ក្លាដែស។

កាលពីថ្ងៃចន្ទទី២២ខែសីហា លេខាធិការខុទ្ទកាល័យបង់ក្លាដែស លោក Khandker Anwarul Islam បាននិយាយថា សាលារៀន ដែលពីមុនបិទតែថ្ងៃសុក្រប៉ុណ្ណោះនោះ ឥឡូវនេះក៏នឹងត្រូវបិទផងដែរនៅថ្ងៃសៅរ៍។

តាមធម្មតា សាលារៀននៅប្រទេសបង់ក្លាដែស បើករយៈពេលប្រាំមួយថ្ងៃក្នុងមួយសប្តាហ៍ ពោលគឺថ្ងៃចន្ទ អង្គារ ពុធ ព្រហស្បតិ៍ សៅរ៍ និងអាទិត្យ។

ទន្ទឹមនឹងនេះ ការិយាល័យរដ្ឋាភិបាល និងធនាគារ នឹងកាត់បន្ថយម៉ោងធ្វើការពី៨ម៉ោង មកត្រឹម៧ម៉ោងក្នុងមួយថ្ងៃ។ ទោះបីជាយ៉ាងណាក៏ដោយ ក្រុមហ៊ុនឯកជន នឹងត្រូវបានអនុញ្ញាតឲ្យកំណត់ម៉ោងធ្វើការរបស់ពួកគេផ្ទាល់។

ក្រុមមន្ត្រី បានបិទរោងចក្រថាមពលដែលដើរដោយប្រេងម៉ាស៊ូតទាំងអស់ ក្នុងប្រទេសដោយសារតែតម្លៃនៃការនាំចូលប្រេងឥន្ធនៈកើនឡើង។ កាលពីដើមខែនេះ តម្លៃប្រេងឥន្ធនៈត្រូវបានដំឡើងជាង ៥០% រីឯតម្លៃប្រេងម៉ាស៊ូត និងប្រេងកាតឡើងថ្លៃជាង ៤០%៕

ប្រែសម្រួល៖ Vann Vann

ប្រភព៖ BBC

ចុចអាន៖ ឆេះរោងចក្រនៅ បង់ក្លាដែស ស្លាប់មនុស្ស ៤៣នាក់

The post បង់ក្លាដែស កាត់បន្ថយថ្ងៃសិក្សា និងម៉ោងការងារ ដើម្បីសន្សំសំចៃអគ្គិសនី appeared first on Kampuchea Thmey Daily.

ស្របពេលជាមួយគ្នានោះ មនុស្សរាប់លាននាក់ត្រូវជាប់គាំង ខណៈបុគ្គលិកសង្គ្រោះបន្ទាន់ ព្យាយាមតស៊ូដើម្បីទៅដល់អ្នកដែលរងផលប៉ះពាល់។

ក្រុមអ្នកព្យាករណ៍ព្រមានថា ទឹកជំនន់ត្រូវបានគេរំពឹងថា នឹងកាន់តែអាក្រក់ទៅៗក្នុងរយៈពេលប៉ុន្មានថ្ងៃខាងមុខ។

មន្ត្រីរដ្ឋាភិបាលបង់ក្លាដែស ចាត់ទុកទឹកជំនន់នាពេលថ្មីៗនេះថាជា គ្រោះមហន្តរាយដ៏អាក្រក់បំផុតរបស់ប្រទេសចាប់តាំងពីឆ្នាំ ២០០៤មក។

ភ្លៀងធ្លាក់ឥតឈប់ឈរក្នុងរយៈពេលមួយសប្តាហ៍ចុងក្រោយនេះ បានធ្វើឲ្យជន់លិចនៅតំបន់ភាគខាងជើងឆៀងខាងកើតរបស់ប្រទេស។ ទឹកជំនន់មានសភាពធ្ងន់ធ្ងរ ដោយសារតែទឹកហូរខ្លាំងចុះពីភ្នំនៅក្នុងប្រទេសជិតខាងឥណ្ឌា។

សាលារៀនត្រូវបានបំប្លែងទៅជាជម្រកបណ្តោះអាសន្ន ហើយកងទ័ពត្រូវបានដាក់ពង្រាយដើម្បីជម្លៀសក្រុមគ្រួសារ ដែលត្រូវបានកាត់ផ្តាច់ចេញពីសហគមន៍ជិតខាង ដោយសារតែទឹកឡើងខ្លាំង។

នៅរដ្ឋ Assam ក្នុងប្រទេសឥណ្ឌា មនុស្សជាង ១.៨លាននាក់ បានរងផលប៉ះពាល់ដោយទឹកជំនន់ បន្ទាប់ពីភ្លៀងធ្លាក់ឥតឈប់ឈររយៈពេលប្រាំថ្ងៃ។

ប្រមុខរដ្ឋ Assam លោក Himanta Biswa Sarma បានប្រាប់អ្នកយកព័ត៌មានថា លោកបានណែនាំមន្ត្រីស្រុកឲ្យផ្តល់ជំនួយ និងការជួយសង្គ្រោះចាំបាច់ទាំងអស់ ដល់អ្នកដែលជាប់នៅក្នុងទឹកជំនន់។

គួរបញ្ជាក់ថា ភ្លៀងធ្លាក់ក្នុងសប្តាហ៍នេះ បានកើតឡើងស្របពេលដែលតំបន់ Sylhet របស់ប្រទេសបង់ក្លាដែស នៅតែងើបឡើងវិញពីគ្រោះទឹកជំនន់ដ៏អាក្រក់បំផុតរបស់ខ្លួនក្នុងរយៈពេលជិតពីរទសវត្សរ៍ កាលពីចុងខែឧសភា នៅពេលដែលមនុស្សយ៉ាងតិច ១០នាក់បានស្លាប់ និង ៤លាននាក់ផ្សេងទៀត រងផលប៉ះពាល់៕

ប្រែសម្រួល៖ Vann Vann

ប្រភព៖ BBC

ចុចអាន៖ ទឹកជំនន់នៅឥណ្ឌា និងបង់ក្លាដែស សម្លាប់មនុស្សច្រើននាក់ និងរាប់លាននាក់ទៀតកំពុងជាប់គាំង

The post ស្លាប់កើនដល់ ៥៩នាក់ ដោយសាររន្ទះបាញ់ និងបំណាក់ដីនៅឥណ្ឌា និងបង់ក្លាដែស appeared first on Kampuchea Thmey Daily.

មានមនុស្សរាប់រយនាក់បានមកជួយពន្លត់ភ្លើង នៅពេលដែលកុងតឺន័រជាច្រើន បានផ្ទុះក្នុងទីក្រុង Sitakunda។

ទោះបីជាយ៉ាងណាក៏ដោយ មូលហេតុ​នៃ​ការ​ឆេះ​នេះ ​មិន​ទាន់ត្រូវបានគេ​ដឹង​នៅឡើយ​ទេ ប៉ុន្តែ​គេ​គិត​ថា កុងតឺន័រខ្លះ​មាន​ផ្ទុក​សារធាតុ​គីមី។

មន្ទីរពេទ្យ​ក្នុង​តំបន់​កំពុងពោរពេញដោយអ្នករបួស និង​បាន​អំពាវនាវ​សុំ​ការ​បរិច្ចាគ​ឈាម។

អ្នករបួសជាច្រើន ត្រូវបានគេរាយការណ៍ថា ស្ថិតក្នុងស្ថានភាពធ្ងន់ធ្ងរដោយមានការរលាកគ្របដណ្តប់ពី ៦០% ទៅ ៩០% លើរាងកាយរបស់ពួកគេ។

គួរបញ្ជាក់ថា អគ្គិភ័យ​គឺ​ជា​រឿង​ធម្មតានៅ​ក្នុង​ប្រទេស​បង់ក្លាដែស។ កាលពីឆ្នាំមុន មនុស្សយ៉ាងតិច៣៩នាក់បានស្លាប់ បន្ទាប់ពីស្រឡាងមួយគ្រឿង បានឆាបឆេះនៅភាគខាងត្បូង ប្រទេស។ ហើយនៅដើមឆ្នាំដដែលនោះ មនុស្សយ៉ាងតិច៥២នាក់បានស្លាប់ ដោយសារភ្លើងឆេះរោងចក្រនៅតំបន់ Rupganj ក្បែររដ្ឋធានី ដាកា។

កម្មករចំនួន ៣នាក់ ក៏ត្រូវបានសម្លាប់ផងដែរ ក្នុងឆ្នាំ ២០២០ បន្ទាប់ពីធុងប្រេងមួយបានផ្ទុះនៅក្នុងឃ្លាំងស្តុកកុងតឺន័រមួយផ្សេងទៀតនៅទីក្រុង Patenga មិនឆ្ងាយពីទីក្រុង Chittagong៕

ប្រែសម្រួល៖ Vann Vann

ប្រភព៖ BBC

ចុចអាន៖ ឆេះឃ្លាំងកុងតឺន័រនៅ បង់ក្លាដែស ស្លាប់និងរបួសមនុស្សជាង ១០០នាក់

The post ស្លាប់កើនដល់៣០នាក់ ក្នុងអគ្គិភ័យនៅ បង់ក្លាដែស appeared first on Kampuchea Thmey Daily.