ព័ត៌មានអន្ដរជាតិ
ទឹកជំនន់នៅឥណ្ឌា និងបង់ក្លាដែស សម្លាប់មនុស្សច្រើននាក់ និងរាប់លានទៀតកំពុងជាប់គាំង
មន្ត្រីម្នាក់បាននិយាយកាលពីថ្ងៃសៅរ៍ថា ព្យុះមូសុងនៅបង់ក្លាដែស និងឥណ្ឌា បានសម្លាប់មនុស្សយ៉ាងហោចណាស់ ៤១ នាក់ ហើយទឹកជំនន់បានបំផ្លិចបំផ្លាញផ្ទះសម្បែង ដោយធ្វើឲ្យមនុស្សរាប់លាននាក់ផ្សេងទៀត កំពុងជាប់គាំង។
ទន្ទឹមនោះ ភ្លៀងបានបន្តធ្លាក់ឥតឈប់ឈរ ក្នុងរយៈពេលមួយសប្ដាហ៍កន្លងមកនេះ ដោយបានជន់លិចតំបន់ភាគឦសាននៃប្រទេសបង់ក្លាដេស ហើយកងទ័ពត្រូវបានដាក់ពង្រាយ ដើម្បីជម្លៀសគ្រួសារដែលត្រូវបានកាត់ផ្ដាច់ចេញពីសហគមន៍ជិតខាង។ ចំណែកសាលារៀនក្លាយទៅជាជម្រកសង្គ្រោះសម្រាប់ផ្ទះភូមិទាំងមូល ដែលត្រូវជន់លិចក្នុងរយៈពេលប៉ុន្មានម៉ោង ដោយទឹកទន្លេដែលបានបាក់ច្រាំងទន្លេភ្លាមៗ។
លោក Lokman ជាអ្នករស់នៅក្នុងភូមិ Companiganj បានប្រាប់ទីភ្នាក់ងារព័ត៌មាន AFP ថា “ភូមិទាំងមូលបានស្ថិតនៅក្រោមទឹកនៅព្រឹកថ្ងៃសុក្រ ហើយយើងទាំងអស់គ្នាបានជាប់គាំង។ បន្ទាប់ពីរង់ចាំពេញមួយថ្ងៃនៅលើដំបូលផ្ទះ អ្នកជិតខាងម្នាក់បានជួយសង្គ្រោះយើង ដោយទូកបណ្ដោះអាសន្ន។ ម្តាយរបស់ខ្ញុំបាននិយាយថា គាត់មិនដែលឃើញទឹកជំនន់បែបនេះទេ ពេញមួយជីវិតរបស់គាត់”។
ដោយឡែក មេប៉ូលីសម្នាក់ទៀតក្នុងតំបន់ លោក Mizanur Rahman បាននិយាយថា រន្ទះដែលបង្កឡើងដោយព្យុះបានសម្លាប់មនុស្សយ៉ាងហោចណាស់ ២១ នាក់ ចាប់តាំងពីរសៀលថ្ងៃសុក្រ។ ក្នុងចំណោមពួកគេ មានកុមារបីនាក់ដែលមានអាយុចន្លោះពី ១២ ទៅ១៤ឆ្នាំ។ ខណៈមនុស្ស៤នាក់ផ្សេងទៀត បានស្លាប់ នៅពេលដែលការរអិលបាក់ដីបានវាយប្រហារផ្ទះនៅលើភ្នំរបស់ពួកគេ នៅក្នុងទីក្រុងកំពង់ផែ Chittagong ។
គួរបញ្ចាក់ថា ទឹកជំនន់នៅក្នុងប្រទេសបង់ក្លាដែស កាន់តែអាក្រក់ទៅៗនៅព្រឹកថ្ងៃសៅរ៍ បន្ទាប់ពីការសង្គ្រោះបណ្តោះអាសន្នពីភ្លៀងកាលពីរសៀលនោះ។ ខណៈក្រុមអ្នកព្យាករណ៍បាននិយាយថា ទឹកជំនន់ត្រូវបានកំណត់ថា នឹងកាន់តែអាក្រក់ក្នុងរយៈពេលពីរថ្ងៃបន្ទាប់ ជាមួយនឹងភ្លៀងធ្លាក់ខ្លាំងនៅក្នុងប្រទេសបង់ក្លាដែស និងនៅភាគឦសាននៃប្រទេសឥណ្ឌា៕
ប្រែសម្រួល៖ សាង ស្រីល័ក្ខ
ចុចអាន៖មេវិទ្យាស្ថានឱសថមួយរបស់ ឥណ្ឌា ក្លាយជាមហាសេដ្ឋីមានជាងគេបំផុត ក្នុងឆ្នាំ ២០២២
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៤ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម