ប្រទេស អាល្លឺម៉ង់ Archives - Kampuchea Thmey Daily

រថយន្តបើកបុករះ ខាងក្រៅព្រះវិហារអាល្លឺម៉ង់ ស្លាប់និងរបួសច្រើននាក់

Sok Sovann — Wed, 08 Jun 2022 09:37:49 +0000

មនុស្សម្នាក់បានស្លាប់ និងយ៉ាងតិច៣០នាក់រងរបួស បន្ទាប់ពីរថយន្តមួយគ្រឿង បើកបុករះហ្វូងមនុស្សនៅជិតព្រះវិហារមួយកន្លែង ក្នុងទីក្រុងបែរឡាំង ប្រទេសអាល្លឺម៉ង់។

អ្នកនាំពាក្យកងកម្លាំងពន្លត់អគ្គិភ័យក្រុងបែរឡាំង បានប្រាប់ CNN ថា រថយន្តមួយគ្រឿង បានបើកបុករះមនុស្សទាំងកំរោល នៅខាងក្រៅព្រះវិហារ Kaiser Wilhelm Memorial នាព្រឹកថ្ងៃពុធទី៨ខែមិថុនា (ពេលវេលានៅអាល្លឺម៉ង់)។

ទោះបីជាយ៉ាងណាក៏ដោយ ភ្លាមៗ គេមិនដឹងថា ហេតុការណ៍នេះ ជាឧបទ្ទវហេតុឬចេតនានោះទេ៕

កម្ពុជាថ្មី នឹងជូនព័ត៌មានលម្អិតនាពេលក្រោយ!

ប្រែសម្រួល៖ Vann Vann

ប្រភព៖ CNN

ចុចអាន៖ អាល្លឺម៉ង់ រងគ្រោះធ្ងន់ធ្ងរដោយទឹកជំនន់ ស្លាប់និងបាត់ខ្លួនជិត ៨០នាក់

The post រថយន្តបើកបុករះ ខាងក្រៅព្រះវិហារអាល្លឺម៉ង់ ស្លាប់និងរបួសច្រើននាក់ appeared first on Kampuchea Thmey Daily.

អាល្លឺម៉ង់ ប្រកាសផ្តល់រថក្រោះដែលប្រើរួច ទៅឲ្យ អ៊ុយក្រែន

Sok Sovann — Wed, 27 Apr 2022 00:59:52 +0000

ប្រទេសចំនួន ៤០ បានចូលរួមកិច្ចប្រជុំកំពូលអាវុធ កាលពីថ្ងៃអង្គារទី២៦ខែមេសា នៅឯមូលដ្ឋានទ័ពអាកាសអាមេរិក Ramstein ភាគនិរតីប្រទេសអាល្លឺម៉ង់ ក្នុងនោះរួមមានទាំងសមាជិកអង្គការណាតូ ហើយក៏មានប្រទេសមួយចំនួនដូចជាអ៊ីស្រាអែល ជប៉ុន និងអូស្ត្រាលីផងដែរ។

នៅពេលចាប់ផ្តើមកិច្ចចរចា រដ្ឋមន្ត្រីការពារជាតិអាមេរិក លោក Lloyd Austin បានលើកឡើងថា ទីក្រុងវ៉ាស៊ីនតោននឹងធ្វើអ្វីៗ ដើម្បីជួយអ៊ុយក្រែនឲ្យឈ្នះការប្រយុទ្ធរបស់ខ្លួនប្រឆាំងនឹងការលុកលុយដោយមិនញញើតរបស់រុស្ស៊ី។

ទន្ទឹមនឹងនោះ រដ្ឋមន្ត្រីការពារជាតិអាល្លឺម៉ង់ លោកស្រី Christine Lambrecht បានប្រកាសថា ទីក្រុងប៊ែរឡាំង បានយល់ព្រម ក្នុងការបញ្ជូនរថក្រោះប្រឆាំងយន្តហោះធុន Gepard (Cheetah) ដែលប្រើរួច ទៅឲ្យអ៊ុយក្រែន។

រដ្ឋមន្ត្រីការពារជាតិអាល្លឺម៉ង់ លោកស្រី Christine Lambrecht

លោកស្រី Lambrecht បានប្រកាសពីការផ្គត់ផ្គង់នេះ អំឡុងពេលថ្លែងសុន្ទរកថាបើកកិច្ចប្រជុំ។

លោកស្រីបាននិយាយក្នុងសុន្ទរកថាថា “កាលពីម្សិលមិញ យើងបានសម្រេចចិត្តថា ប្រទេសអាល្លឺម៉ង់នឹងផ្គត់ផ្គង់រថក្រោះប្រឆាំងយន្តហោះ Gepard ទៅឲ្យអ៊ុយក្រែន”។

ប្រព័ន្ធប្រឆាំងយន្តហោះ Gepard ត្រូវបានបង្កើតឡើងក្នុងទស្សវត្សរ៍ឆ្នាំ ១៩៦០-១៩៧០ ប៉ុន្តែត្រូវបានអភិវឌ្ឍន៍ជាច្រើនដង ដោយបំពាក់គ្រឿងអេឡិចត្រូនិចចុងក្រោយបង្អស់។

លោកស្រី Lambrecht ក៏បាននិយាយដែរថា ទីក្រុងប៊ែរឡាំងកំពុងបង្វឹកទាហានអ៊ុយក្រែននៅលើទឹកដីអាល្លឺម៉ង់៕

ប្រែសម្រួល៖ Vann Vann

ប្រភព៖ DW

ចុចអាន៖ អាមេរិក និងសម្ព័ន្ធមិត្ត នឹងជួបប្រជុំគ្នា រាល់ខែស្តីពីការបំពាក់អាវុធដល់ អ៊ុយក្រែន

The post អាល្លឺម៉ង់ ប្រកាសផ្តល់រថក្រោះដែលប្រើរួច ទៅឲ្យ អ៊ុយក្រែន appeared first on Kampuchea Thmey Daily.

ទោះរុស្ស៊ីព្រមាន តែអាល្លឺម៉ង់ ប្តេជ្ញាផ្តល់ជំនួយយោធាក្នុងទំហំទឹកប្រាក់ ១ពាន់លានដុល្លារដល់ អ៊ុយក្រែន

Sok Sovann — Sat, 16 Apr 2022 07:15:00 +0000

រដ្ឋាភិបាលអាឡឺម៉ង់បានប្រកាសថា ខ្លួនគ្រោងនឹងបញ្ចេញជំនួយយោធាក្នុងទំហំទឹកប្រាក់ជាង ១ពាន់លានដុល្លារសម្រាប់ប្រទេស អ៊ុយក្រែន។

រដ្ឋមន្ត្រីការបរទេស លោក Christian Lindner បានបញ្ជាក់ថា រដ្ឋាភិបាលបានសម្រេចចិត្តបង្កើនជំនួយអន្តរជាតិក្នុងវិស័យការពារជាតិដល់ទៅ ២ ពាន់លានដុល្លារ ដោយពាក់កណ្តាលនៃជំនួយនេះគឺផ្តល់ឲ្យ អ៊ុយក្រែន។

រឿងនេះកើតឡើងបន្ទាប់ពីរុស្ស៊ី បានព្រមានរដ្ឋបាលលោក Biden និងប្រទេសផ្សេងទៀត អំពីផលវិបាកដែលមិនអាចទាយទុកជាមុនបាន ប្រសិនបើពួកគេនៅតែបន្តផ្តល់អាវុធដល់អ៊ុយក្រែន។

រដ្ឋមន្ត្រីការបរទេសអាល្លឺម៉ង់ លោក Christian Lindner

នៅទីក្រុងមូស្គូ អ្នកនាំពាក្យក្រសួងការបរទេសបានអះអាងថា រុស្ស៊ីបានផ្ញើកំណត់ទូតទៅកាន់សហរដ្ឋអាមេរិក និងប្រទេសផ្សេងទៀត អំពីការផ្គត់ផ្គង់អាវុធដល់អ៊ុយក្រែន។

កាសែត Washington Post បានដកស្រង់សម្តីរុស្ស៊ីដែលបាននិយាយនៅក្នុងកំណត់ទូតទៅកាន់សហរដ្ឋអាមេរិកថា “យើងសូមអំពាវនាវឲ្យសហរដ្ឋអាមេរិក និងសម្ព័ន្ធមិត្តរបស់ខ្លួន បញ្ឈប់ការធ្វើយោធាដោយគ្មានទំនួលខុសត្រូវនៅអ៊ុយក្រែន ដែលបង្ហាញពីផលវិបាក មិនអាចទាយទុកជាមុនបានសម្រាប់សន្តិសុខក្នុងតំបន់ និងអន្តរជាតិ”៕

ប្រែសម្រួល៖ Vann Vann

ប្រភព៖ SKY

ចុចអាន៖ លោក Macron ពន្យល់មូលហេតុ មិនប្រើពាក្យ “ប្រល័យពូជសាសន៍” ដូចលោក Biden

The post ទោះរុស្ស៊ីព្រមាន តែអាល្លឺម៉ង់ ប្តេជ្ញាផ្តល់ជំនួយយោធាក្នុងទំហំទឹកប្រាក់ ១ពាន់លានដុល្លារដល់ អ៊ុយក្រែន appeared first on Kampuchea Thmey Daily.

បារាំងប្រកាសបណ្តេញអ្នកការទូតរុស្ស៊ី ខណៈក្រុងមូស្គូប្តេជ្ញាឆ្លើយតបវិញ

chean virakbot — Tue, 05 Apr 2022 02:04:43 +0000

ប្រទេសបារាំងនឹងបណ្តេញអ្នកការទូតរុស្ស៊ីជាច្រើននាក់ចេញ។ នេះបើយោងតាមក្រសួងការបរទេសបារាំងបានប្រកាសក្នុងសេចក្តីថ្លែងការណ៍មួយកាលពីថ្ងៃចន្ទ។ យោងតាមសារព័ត៌មានរុស្ស៊ីបានផ្សាយថា រដ្ឋាភិបាលក្រុងមូស្គូ បានសន្យាឆ្លើយតបទៅនឹងការសម្រេចចិត្តរបស់រដ្ឋាភិបាលក្រុងបារីសនៃការបណ្តេញអ្នកការទូតវិញដែរ។

យោងតាមក្រសួងការបរទេសបារាំងបានឲ្យដឹងថា ៖«ចំណាត់ការនេះគឺជាផ្នែកមួយនៃវិធីសាស្ត្រអឺរ៉ុប» ហើយសកម្មភាពនៃអ្នកការទូតត្រូវបានកំណត់ជាគោលដៅដោយវិធានការទាំងនោះគឺផ្ទុយពីផលប្រយោជន៍សន្តិសុខរបស់បារាំង។

តាមការផ្សាយរបស់ទូរទស្សន៍ BFM បានផ្សាយថា អ្នកការទូតរុស្ស៊ីប្រហែលជា៣០នាក់នឹងទទួលរងប៉ះពាល់ពីការសម្រេចចិត្តនេះ។

ក្នុងការអត្ថាធិប្បាយទៅកាន់សារព័ត៌មាន RIA Novosti ក្រសួងការបរទេសរុស្ស៊ីបាននិយាយថា ខ្លួននឹងចាត់វិធានការឆ្លើយតបនឹងការសម្រេចចិត្តរបស់ទីក្រុងបារីស។

ប្រទេសអឺរ៉ុបជាច្រើនបានចាប់ផ្តើមវិធានការថ្មីនៃការបណ្តេញចេញអ្នកការទូតរុស្ស៊ីកាលពីថ្ងៃចន្ទ បន្ទាប់ពីមានការសម្លាប់រង្វាលនៅ Bucha ជាទីប្រជុំជនតូចមួយនៅភាគខាងជើងទីក្រុងកៀវ។

ប្រទេសអ៊ុយក្រែនបានធ្វើការថ្កោលទោសភ្លាមៗចំពោះការស្លាប់ទៅលើកម្លាំងទ័ពរុស្ស៊ីដែលបានចូលកាន់កាប់តំបន់ Bucha កាលពីពេលថ្មីៗនេះ ប៉ុន្តែរដ្ឋាភិបាលក្រុងមូស្គូបានបដិសេធដាច់អហង្ការចំពោះការស្លាប់ទាំងនោះ និងបានលើកឡើងថា រឿងទាំងមូលគឺជាការបង្កហេតុ។

ប្រទេសលីទុយអានីបានបញ្ជាឲ្យឯកអគ្គរដ្ឋទូតរុស្ស៊ីចាកចេញពីប្រទេសទាំងស្រុងដោយលើកឡើងពីសកម្មភាពឈ្លានពានឥតឈប់ឈររបស់ទីក្រុងមូស្គូនៅអ៊ុយក្រែន។

ជាមួយគ្នានេះ រដ្ឋមន្ត្រីក្រសួងការបរទេសអាល្លឺម៉ង់ លោកស្រី Annalena Baerbock បានប្រកាសពីការបណ្តេញចេញអ្នកការទូតរុស្ស៊ីជាច្រើនចេញពីប្រទេសក្នុងរយៈពេល៥ថ្ងៃ។

លោកស្រីមានប្រសាសន៍ថា ៖«បុគ្គលិកទូតដែលរងប៉ះពាល់បានកំពុងធ្វើការងាររាល់ថ្ងៃប្រឆាំងនឹងសេរីរបស់យើង ប្រឆាំងនឹងការរួបរួមនៃសង្គមរបស់យើង»៕

ប្រែសម្រួល៖ វីរបុត្រ
ប្រភព៖ RT

The post បារាំងប្រកាសបណ្តេញអ្នកការទូតរុស្ស៊ី ខណៈក្រុងមូស្គូប្តេជ្ញាឆ្លើយតបវិញ appeared first on Kampuchea Thmey Daily.

អាល្លឺម៉ង់ ត្រៀមទិញប្រព័ន្ធការពារមីស៊ីល ទប់ទល់ការវាយប្រហាររបស់ រុស្ស៊ី

Sok Sovann — Mon, 28 Mar 2022 02:10:53 +0000

អធិការបតី Olaf Scholz បាននិយាយថា ប្រទេសអាល្លឺម៉ង់កំពុងពិចារណា ទិញប្រព័ន្ធការពារមីស៊ីល ដើម្បីការពារប្រឆាំងនឹងការវាយប្រហារដ៏មានសក្តានុពលរបស់រុស្ស៊ី។

អធិការបតីអាល្លឺម៉ង់លោក Olaf Scholz

នៅពេលសួរថាតើអាល្លឺម៉ង់អាចទិញប្រព័ន្ធដូចជា Iron Dome របស់អ៊ីស្រាអែលដែរឬទេ លោកបានប្រាប់ទូរទស្សន៍សាធារណៈ ARD ថា “នេះពិតជាបញ្ហាមួយក្នុងចំណោមបញ្ហាដែលយើងកំពុងពិភាក្សា និងសម្រាប់ហេតុផលដ៏ល្អ”។

ទោះបីជាយ៉ាងណាក៏ដោយ លោកមិនបានបញ្ជាក់ថាតើប្រព័ន្ធការពារមីស៊ីលប្រភេទណាដែលក្រុងប៊ែរឡាំងកំពុងពិចារណាទិញនោះទេ។

នៅពេលសួរថាតើប្រទេសអាល្លឺម៉ង់ ចង់ទិញប្រព័ន្ធការពារមួយ ដែលមានរយៈចម្ងាយឆ្ងាយជាងប្រព័ន្ធការពារ Patriot ដែលមានស្រាប់ដែរឬទេ, លោក Scholz បានឆ្លើយតបថា “យើងត្រូវដឹងថា យើងមានអ្នកជិតខាងដែលត្រៀមខ្លួនក្នុងការប្រើអំពើហិង្សាដើម្បីពង្រឹងផលប្រយោជន៍របស់ពួកគេ”។

គួរបញ្ជាក់ថា ប្រទេសអាល្លឺម៉ង់ បានផ្លាស់ប្តូរគោលនយោបាយការពារជាតិរបស់ខ្លួន បន្ទាប់ពីការលុកលុយរបស់រុស្ស៊ីលើអ៊ុយក្រែន ដោយបានប្រកាសផ្តល់ប្រាក់រាប់សិបពាន់លានដុល្លារបន្ថែមទៀតសម្រាប់កងទ័ព ហើយបានសន្យាថា នឹងបំពេញតាមគោលដៅចំណាយយោធារបស់ណាតូចំនួន ២% នៃផលិតផលក្នុងស្រុកសរុប៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ុយក្រែន បញ្ជាក់ច្បាស់ៗ កាលបរិច្ឆេទ ដែលលោក ពូទីន កំណត់បញ្ចប់សង្គ្រាម ស្របនឹងព្រឹត្តិការណ៍ធំមួយ

The post អាល្លឺម៉ង់ ត្រៀមទិញប្រព័ន្ធការពារមីស៊ីល ទប់ទល់ការវាយប្រហាររបស់ រុស្ស៊ី appeared first on Kampuchea Thmey Daily.

អាល្លឺម៉ង់ បញ្ជូនមីស៊ីល ១៥០០ គ្រាប់ និងកាំភ្លើងយន្ត ១០០ដើម ទៅដល់ អ៊ុយក្រែន ហើយ

Sok Sovann — Sat, 26 Mar 2022 06:40:29 +0000

ទីភ្នាក់ងារសារព័ត៌មានអាល្លឺម៉ង់បានដកស្រង់សម្តីមន្ត្រីរដ្ឋាភិបាលអ៊ុយក្រែន ដែលនិយាយថា មីស៊ីលប្រឆាំងយន្តហោះ Strela ចំនួន១៥០០គ្រាប់និងកាំភ្លើងយន្ត MG3 ចំនួន១០០ដើម បានដឹកពីអាល្លឺម៉ង់ ទៅដល់អ៊ុយក្រែន ហើយ។

រដ្ឋមន្ត្រីការបរទេសអាល្លឺម៉ង់លោកស្រី Annalena Baerbock បាននិយាយកាលពីថ្ងៃពុធទី២៣ខែមីនាថា ការផ្គត់ផ្គង់មីស៊ីល Strela បន្ថែមទៀតគឺទៅដល់ជាប់ព្រំដែនអ៊ុយក្រែន បន្ទាប់ពីមានការពន្យារពេលក្នុងការដឹកជញ្ជូន។

ការវាយលុករបស់រុស្ស៊ីលើអ៊ុយក្រែនបានធ្វើឲ្យអាល្លឺម៉ង់ ផ្លាស់ប្តូរគោលនយោបាយប្រវត្តិសាស្ត្ររបស់ខ្លួន ដែលមិនបញ្ជូនអាវុធទៅកាន់តំបន់ជម្លោះ។

Reuters បានដកស្រង់សម្តីលោកស្រី Baerbock ដែលនិយាយថា “យើងគឺជាអ្នកផ្គត់ផ្គង់អាវុធដ៏ធំបំផុតមួយនៅក្នុងស្ថានភាពនេះ វាមិនធ្វើឲ្យយើងមានមោទកភាពនោះទេ ប៉ុន្តែវាជាអ្វីដែលយើងត្រូវធ្វើដើម្បីជួយអ៊ុយក្រែន”។

គួរបញ្ជាក់ថា មីស៊ីល Strela គឺមាននៅក្នុងស្តុក របស់អតីតកងទ័ពកុម្មុយនិស្ត អាល្លឺម៉ង់ខាងកើត៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក Zelensky៖ អឺរ៉ុបយឺតពេលហើយ ក្នុងការបញ្ឈប់ រុស្ស៊ី

The post អាល្លឺម៉ង់ បញ្ជូនមីស៊ីល ១៥០០ គ្រាប់ និងកាំភ្លើងយន្ត ១០០ដើម ទៅដល់ អ៊ុយក្រែន ហើយ appeared first on Kampuchea Thmey Daily.

អាល្លឺម៉ង់ បញ្ជូនយន្តហោះចម្បាំង ទៅកាន់តំបន់សមុទ្របាល់ទិក

Sok Sovann — Tue, 01 Mar 2022 00:26:52 +0000

បេសកកម្មរបស់ប្រទេសអាល្លឺម៉ង់ប្រចាំអង្គការណាតូបាននិយាយកាលពីថ្ងៃចន្ទទី២៨ខែកុម្ភៈថា ប្រទេសអាល្លឺម៉ង់ កំពុងបញ្ជូនយន្តហោះចម្បាំង Tornado និងយន្តហោះល្បាតដែនសមុទ្រ ក្នុងបេសកកម្មឈ្លបយកការណ៍ទៅកាន់តំបន់សមុទ្របាល់ទិក។

ទោះបីជាយ៉ាងណាក៏ដោយ អ្នកនាំពាក្យក្រសួងការពារជាតិនៅទីក្រុងប៊ែរឡាំង បាននិយាយថា លោកស្រីមិនអាចផ្តល់ព័ត៌មានលម្អិតភ្លាមៗបានទេ ដោយសារក្តីព្រួយបារម្ភអំពីសុវត្ថិភាពប្រតិបត្តិការ។

នៅព្រឹកថ្ងៃដដែលនោះ កងនាវាចរអាល្លឺម៉ង់ បានបញ្ជូននាវាចម្បាំងចំនួន ៦ គ្រឿងបន្ថែមទៀត ដែលក្នុងនោះមាន ៤ គ្រឿងទៅកាន់សមុទ្របាល់ទិក៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ុយក្រែន បើកចំហ អត់ Visa ក៏ចូលបាន ឲ្យតែចង់ប្រយុទ្ធជាមួយ រុស្ស៊ី

The post អាល្លឺម៉ង់ បញ្ជូនយន្តហោះចម្បាំង ទៅកាន់តំបន់សមុទ្របាល់ទិក appeared first on Kampuchea Thmey Daily.

អាមេរិក ចេញការព្រមាន កុំឲ្យធ្វើដំណើរទៅប្រទេសអាល្លឺម៉ង់ និង ដាណឺម៉ាក

Sok Sovann — Tue, 23 Nov 2021 06:55:59 +0000

មជ្ឈមណ្ឌលគ្រប់គ្រង និងបង្ការជំងឺ (CDC) និងក្រសួងការបរទេសសហរដ្ឋអាមេរិក កាលពីថ្ងៃចន្ទទី២២ខែវិច្ឆិកា បានណែនាំ ប្រឆាំងនឹងការធ្វើដំណើរទៅកាន់ប្រទេសអាល្លឺម៉ង់ និងដាណឺម៉ាក ដោយសារតែការកើនឡើងនៃករណីឆ្លងជំងឺកូវីដ-១៩ នៅក្នុងប្រទេសទាំងនោះ។

CDC បានដាក់សេចក្តីណែនាំអំពីការធ្វើដំណើររបស់ខ្លួនទៅដល់ “កម្រិតទីបួន៖ ខ្ពស់បំផុត” សម្រាប់ប្រទេសអឺរ៉ុបទាំងពីរ ដោយប្រាប់ជនជាតិអាមេរិកថា ពួកគេគួរតែចៀសវាងការធ្វើដំណើរទៅទីនោះ ចំណែកក្រសួងការបរទេស ក៏បានចេញសេចក្តីណែនាំ “កុំធ្វើដំណើរ” ទៅប្រទេសទាំងពីរនេះផងដែរ។

បច្ចុប្បន្ន CDC បានចុះបញ្ជីគោលដៅប្រហែល៧៥កន្លែងនៅទូទាំងពិភពលោក ក្នុងកម្រិតទី៤ ដោយប្រទេសអឺរ៉ុបជាច្រើននៅក្នុងបញ្ជីរួមមាន អូទ្រីស អង់គ្លេស បែលហ្ស៊ិក ក្រិក ន័រវេស ស្វីស រូម៉ានី អៀរឡង់ និងសាធារណរដ្ឋឆេក។ រីឯប្រទេសកម្រិតទីបួននៅអាស៊ីរួមមានសិង្ហបុរី និងម៉ាឡេស៊ី។

ចំនួនករណីនៅក្នុងប្រទេសអាល្លឺម៉ង់ បាននិងកំពុងកើនឡើង ជាពិសេសក្នុងចំណោមមនុស្សចាស់ ដែលការចាក់វ៉ាក់សាំងកូវីដពីរដូសដំបូងគឺចាប់ផ្តើមនៅដើមឆ្នាំនេះ និងក្នុងចំណោមកុមារដែលមិនមានសិទ្ធិទទួលការចាក់វ៉ាក់សាំង។

កាលពីដើមខែនេះ អង្គការសុខភាពពិភពលោក (WHO) បាននិយាយថា បណ្តាប្រទេសនៅអ៊ឺរ៉ុប ត្រូវតែប្រឹងប្រែងបន្ថែមទៀត ដើម្បីទប់ស្កាត់ការរីករាលដាលនៃមេរោគឆ្លង ចំពេលដែលការស្លាប់ និងករណីឆ្លងថ្មីកំពុងកើនឡើងខ្លាំង៕

ប្រែសម្រួល៖ Vann Vann

ប្រភព៖ CNA

ចុចអាន៖ អាមេរិក រកឃើញ វីរុសកូវីដបំប្លែងខ្លួនប្រភេទថ្មី មានសមត្ថភាពគេចផុតប្រព័ន្ធភាពស៊ាំ

The post អាមេរិក ចេញការព្រមាន កុំឲ្យធ្វើដំណើរទៅប្រទេសអាល្លឺម៉ង់ និង ដាណឺម៉ាក appeared first on Kampuchea Thmey Daily.

ប្រទេស អាល្លឺម៉ង់ Archives - Kampuchea Thmey Daily

រថយន្តបើកបុករះ ខាងក្រៅព្រះវិហារអាល្លឺម៉ង់ ស្លាប់និងរបួសច្រើននាក់

អាល្លឺម៉ង់ ប្រកាសផ្តល់រថក្រោះដែលប្រើរួច ទៅឲ្យ អ៊ុយក្រែន

បារាំង​​ប្រកាស​​បណ្តេញ​​អ្នក​​ការ​​ទូត​​រុស្ស៊ី​ ខណៈ​​ក្រុង​មូស្គូ​​ប្តេជ្ញា​​ឆ្លើយ​​តប​​វិញ

អាល្លឺម៉ង់ ត្រៀមទិញប្រព័ន្ធការពារមីស៊ីល ទប់ទល់ការវាយប្រហាររបស់ រុស្ស៊ី

អាល្លឺម៉ង់ បញ្ជូនមីស៊ីល ១៥០០ គ្រាប់ និងកាំភ្លើងយន្ត ១០០ដើម ទៅដល់ អ៊ុយក្រែន ហើយ

អាល្លឺម៉ង់ បញ្ជូនយន្តហោះចម្បាំង ទៅកាន់តំបន់សមុទ្របាល់ទិក

អាមេរិក ចេញការព្រមាន កុំឲ្យធ្វើដំណើរទៅប្រទេសអាល្លឺម៉ង់ និង ដាណឺម៉ាក

បារាំងប្រកាសបណ្តេញអ្នកការទូតរុស្ស៊ី ខណៈក្រុងមូស្គូប្តេជ្ញាឆ្លើយតបវិញ