យោង​តាម​កាសែតអង់គ្លេស The Telegraph ផ្សាយ​ថ្ងៃ​ទី​១៦ ខែមេសា ឆ្នាំ​២០២៦ រូបភាព​នៃការសាកល្បង​ចាក់ប្រេង​ពីលើអាកាស​របស់​យន្ត​ហោះ​នេះ​ គឺជាការមើលឃើញដ៏​កម្រមួយ​ដែល​កំពុងស្ថិតក្នុងការសាកល្បង​។ អ្នក​ជំនាញ​រំពឹងថា​ យន្ត​ហោះ​នេះ​នឹងចូលបម្រើការ​ជា​ផ្លូវ​ការ​នៅ​ឆ្នាំក្រោយ។

​មិន​តែ​ប៉ុណ្ណោះ យន្តហោះ B-២១ នឹងក្លាយជាយន្តហោះ​ទម្លាក់គ្រាប់បែក​បំបាំង​កាយ​ទំនើប​បំផុតរបស់ពិភពលោក ហើយ​វា​នឹង​ជំនួសឱ្យ​យន្តហោះទម្លាក់​គ្រាប់​បែក​ B-២ ​បានបម្រើការអស់​​ជិត ៣០ឆ្នាំមកហើយ។

រូបថតដែល​ចេញផ្សាយដោយ​កងទ័ពអាកាសអាមេរិកបង្ហាញថា យន្ត​ហោះទម្លាក់​គ្រាប់​បែក ​B-២១ Raider ហោះ​ពីលើភ្នំក្នុងទីតាំង​មួយ​​ដោយ​មិនបង្ហាញ​ថា ​នៅ​ឯណា​ទេ​ បន្ទាប់ពី​មាន​​យន្តហោះ KC-១៣៥ Stratotanker មួយ​គ្រឿង​ទៀត ហោះ​​ប្រកៀក​គ្នា​​​។

ការចាក់ប្រេងលើ​អាកាសរបស់​យន្ត​ហោះ​ចម្បាំង​គឺមាន​សារៈសំខាន់​ណាស់​​ក្នុងជម្លោះ​ណាមួយ​ដែលអាចកើតមាន វា​អាចឱ្យកង​នាវា​​ពង្រីកវិសាលភាព​​យ៉ាងខ្លាំង ដូច​ធ្លាប់​បានបង្ហាញជាមួយ​នឹងការវាយប្រហារតាម​អាកាស​របស់​សហរដ្ឋ​អាមេរិកលើ​ប្រទេស​​អ៊ីរ៉ង់​​ក្នុងពេល​ថ្មីៗ​​នេះ​។ យន្តហោះ B-២១ ផលិតដោយក្រុមហ៊ុន Northrop Grumman មានមូលដ្ឋាន​នៅរដ្ឋ Virginia ។

យន្តហោះទម្លាក់គ្រាប់បែក​បំបាំងកាយថ្មី​របស់អាមេរិក​ម៉ាក​នេះ​ ​ប្រើប្រាស់ប្រេង​ឥន្ធនៈត្រឹមតែ​​មួយ​ភាគ​តូច​នៃ​ប្រេងឥន្ធនៈដែលធ្លាប់​បាន​​ប្រើសម្រាប់​យន្តហោះ​ B-២ Spirit ពី​មុន​ប៉ុណ្ណោះ​។ វាបាន​ក្លាយជាយន្ត​ហោះ​ទម្លាក់​គ្រាប់បែក​ដែលសន្សំសំចៃប្រេង​បំផុតមិនធ្លាប់មាន​ពី​មុន​មក​ នេះបើយោងតាមយោធាអាមេរិក​។

លោក​ Ken Wilsbach មេបញ្ជា​កងទ័ពអាកាសអាមេរិកលើក​ឡើងថា​៖ « យន្តហោះ​ទម្លាក់គ្រាប់បែកវាយប្រហាររយៈ​ចម្ងាយឆ្ងាយនេះ​នឹង​កាត់បន្ថយ​តម្រូវ​ការលើកងនាវា​ដឹកប្រេងរបស់យើងនិង​បង្កើន​សមត្ថភាព​ដើម្បី​គាំទ្រ​ដល់​កង​កម្លាំងរួម»។

ចំណែក ​លោក​ Stephen L Davis ប្រធានកងទ័ពអាកាសអាមេរិកបន្ថែមថា​៖ « យន្ត​ហោះ​នេះនឹងផ្តល់​នូវ​ជម្រើស​ការងារ​​ច្រើនប្រភេទនិងការទប់ស្កាត់​​ការ​វាយ​ប្រហារ​នានា​ដែល​​ប្រទេសយើងត្រូវការ។ សមត្ថភាពនេះ​ធានា​ថាយើងអាចធ្វើការវាយប្រហាររយៈ​ចម្ងាយឆ្ងាយដែល​ជ្រាប​ចូល​គ្រប់ទីកន្លែងក្នុងពិភពលោកនៅពេលណាក៏បាន»៕  

ប្រែសម្រួល៖ ណឺ មិនា

The post ​អាមេរិក ​​បញ្ចេញ​ យន្តហោះ​ទម្លាក់​គ្រាប់​បែក​នុយ​ក្លេអ៊ែរ​​ B-២១ Raider ​លើ​ផ្ទៃមេឃដ៏កម្រ​ appeared first on Kampuchea Thmey Daily.

រូបភាពផ្កាយរណប បានបង្ហាញពីយន្តហោះវាយប្រហាររហ័ស្សនាម “ខ្លាឃ្មុំ” នៅឯមូលដ្ឋានទ័ពអាកាស Engels-2 ក្នុងតំបន់ Saratov ដែលមានសម្បកកង់ជាច្រើន ដាក់នៅពីលើ។

មូលដ្ឋាននេះ ត្រូវបានវាយប្រហារដោយយន្តហោះគ្មានមនុស្សបើករបស់អ៊ុយក្រែន ក្នុងការវាយប្រហារចំនួនពីរលើក កាលពីខែធ្នូឆ្នាំមុន បន្ទាប់ពីនោះ លោក វ្ល៉ាឌីមៀរ ពូទីន ត្រូវបង្ខំចិត្តបន្លាស់ទីយន្តហោះ Tu-95 មួយចំនួន ទៅកាន់មូលដ្ឋានទ័ពអាកាសផ្សេងវិញ។

ថ្វីបើហេតុផលសម្រាប់ការយកសម្បកកង់ឡានទៅបាំងស្លាប និងផ្នែកនៃតួយន្តហោះខាងលើ មិនទាន់ត្រូវបានគេដឹងច្បាស់ទាំងស្រុងក៏ដោយ ប៉ុន្តែសេចក្តីរាយការណ៍ក្នុងគេហទំព័រ The Aviationist បានលើកឡើងថា សម្បកកង់ឡាន គឺត្រូវបានប្រើប្រាស់ដើម្បីការពារយន្តហោះទម្លាក់គ្រាប់បែកដ៏មានតម្លៃ ពីការវាយប្រហារដែលធ្វើឡើងដោយដ្រូន kamikaze។ កង់ឡាន​អាច​នឹង​ស្រូប​យក​ផល​ប៉ះ​ពាល់​ពីការវាយប្រហាររបស់ដ្រូន ឬ​ដើម្បី​ការពារ​ធុង​ប្រេង​នៅ​លើ​យន្តហោះ។

រឿងនេះ ​កើតឡើង​បន្ទាប់​ពីអ៊ុយក្រែន បើក​ការ​វាយប្រហារ​​ថ្មីៗ​ចំនួន​ពីរ​លើក លើ​យន្តហោះ​​រុស្ស៊ី។

ក្នុងការវាយប្រហារមួយនៅ Pskov, យន្តហោះដឹកជញ្ជូន Il-76 ចំនួន៤គ្រឿង ត្រូវខូចខាតដោយក្នុងនោះមាន២គ្រឿងប្រើការលែងបានជួសជុលមិនកើត បន្ទាប់ពីត្រូវភ្លើងឆាបឆេះ។

ដោយឡែក ក្នុងការវាយប្រហារមួយទៀតនៅទីក្រុង Kursk, អ៊ុយក្រែនបានអះអាង បំផ្លាញយន្តហោះចម្បាំង Su-30 ចំនួន៤គ្រឿង, យន្តហោះចម្បាំង MiG-29 មួយគ្រឿង, ប្រព័ន្ធការពារដែនអាកាស Pantsir-S1 ២គ្រឿង និងរ៉ាដាមួយ ដែលភ្ជាប់ទៅនឹងប្រព័ន្ធមីស៊ីលរយៈចម្ងាយឆ្ងាយបាញ់ពីដីទៅអាកាស S-300៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ដ្រូនអ៊ុយក្រែន ចូលកម្ទេច យន្តហោះទម្លាក់គ្រាប់បែកតម្លៃ២៧០លានដុល្លាររបស់រុស្ស៊ី ដល់ក្នុងបន្ទាយ

The post សារព័ត៌មាន DailyMail ៖ រុស្ស៊ី យកសម្បកកង់ឡានបាំងយន្តហោះទម្លាក់គ្រាប់បែកនុយក្លេអ៊ែរ ដើម្បីការពារពី ដ្រូនអ៊ុយក្រែន appeared first on Kampuchea Thmey Daily.

សមយុទ្ធដ៏គួរឲ្យភ្ញាក់ផ្អើលនេះ កើតឡើងចំពេលមានភាពតានតឹងកាន់តែខ្លាំងជាមួយប្រទេសលោកខាងលិច ជុំវិញសង្គ្រាមនៅអ៊ុយក្រែន។

ក្នុងអំឡុងការល្បាតដែនអាកាសរយៈពេលវែង គេបានឃើញយន្តហោះដឹកប្រេង Il-78 ចាក់ប្រេងឲ្យយន្តហោះវាយប្រហារនុយក្លេអ៊ែរ។

កងយន្តហោះ Tu-95 គឺជាផ្នែកមួយដ៏សំខាន់នៃកម្លាំងនុយក្លេអ៊ែររបស់រុស្ស៊ី ប៉ុន្តែយន្តហោះទាំងនោះ ក៏ត្រូវបានគេប្រើ ដើម្បីបាញ់មីស៊ីលមិនបំពាក់ក្បាលគ្រាប់បរមាណូ ដែលបណ្តាលឲ្យមានការបំផ្លិចបំផ្លាញទ្រង់ទ្រាយធំនៅក្នុងប្រទេសអ៊ុយក្រែន ផងដែរ។

ក្រៅពីសមយុទ្ធដែនអាកាសនេះ សមយុទ្ធមួយទៀតក៏កំពុងដំណើរការនៅភាគខាងកើតប្រទេសរុស្ស៊ីផងដែរ ដែលមានការចូលរួមពីនាវាមុជទឹក និងសមយុទ្ធបាញ់គ្រាប់ពិត។

លើសពីនេះ យន្តហោះវាយប្រហារនុយក្លេអ៊ែររបស់លោក ពូទីន ត្រូវបានគេរំពឹងថានឹង ធ្វើសមយុទ្ធបន្ថែមទៀត នាពេលថ្មីៗនេះ។

គួរបញ្ជាក់ថា សមយុទ្ធនេះកើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីយន្តហោះព្យុះទីហ្វុងរបស់កងទ័ពអាកាសអង់គ្លេស បានស្ទាក់ចាប់យន្តហោះស៊ើបការណ៍រុស្ស៊ី និងយន្តហោះចម្បាំង២គ្រឿង ដែលហោះនៅជិតដែនអាកាស ណាតូ លើសមុទ្របាល់ទិក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី ដាក់បញ្ចូល ប្រតិបត្តិការយោធានៅអ៊ុយក្រែន ក្នុងវិញ្ញាសាប្រឡងរបស់សិស្សសាលា

The post រុស្ស៊ី ​ធ្វើ​សមយុទ្ធ យន្តហោះ​ទម្លាក់​គ្រាប់​នុយក្លេអ៊ែរ​យ៉ាង​ភ្ញាក់ផ្អើល​  ​ appeared first on Kampuchea Thmey Daily.

ក្រសួងការពារជាតិកូរ៉េខាងត្បូងនិយាយថា សមយុទ្ធនេះត្រូវបានធ្វើឡើងលើដែនទឹកនៃសមុទ្រលឿង ដោយយន្តហោះទម្លាក់គ្រាប់បែកនេះ បានហោះហើរជាមួយយន្តហោះចម្បាំង F-15K និង KF-16 របស់កូរ៉េខាងត្បូង។

យោធាកូរ៉េខាងត្បូងបានកត់សម្គាល់ថា ព្រឹត្តិការណ៍នេះកើតឡើងត្រឹមតែបីថ្ងៃប៉ុណ្ណោះ បន្ទាប់ពីសហរដ្ឋអាមេរិក បានបញ្ជូនយន្តហោះទម្លាក់គ្រាប់បែកធុនធ្ងន់ B-1B ទៅកាន់តំបន់។

នៅក្នុងសេចក្តីថ្លែងការណ៍មួយ យោធាបញ្ជាក់ថា “ការដាក់ពង្រាយយន្តហោះទម្លាក់គ្រាប់បែកយុទ្ធសាស្ត្រ B-52H របស់អាមេរិកទៅកាន់ឧបទ្វីបកូរ៉េនេះ គឺបង្ហាញពីការសម្រេចចិត្ត និងសមត្ថភាពដ៏លើសលប់របស់សម្ព័ន្ធមិត្ត ដើម្បីរារាំង និងឆ្លើយតបទៅការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង”។

គួរបញ្ជាក់ថា មន្ទីរបញ្ចកោណ ធ្លាប់ដាក់ពង្រាយយន្តហោះទម្លាក់គ្រាប់បែក B-52H ទៅកាន់ឧបទ្វីបកូរ៉េកាលពីខែធ្នូឆ្នាំមុន ដើម្បីបង្ហាញកម្លាំងថ្មី មុនសមយុទ្ធរួមគ្នាដ៏ធំរវាងអាមេរិក និងកូរ៉េខាងត្បូងឈ្មោះថា Freedom Shield ដែលគ្រោងធ្វើឡើងចាប់ពីថ្ងៃទី១៣ដល់ថ្ងៃទី២៣ខែមីនានេះ។

សមយុទ្ធនេះនឹងក្លាយជាសមយុទ្ធរួមគ្នាទ្រង់ទ្រាយធំបំផុត ក្នុងរយៈពេលយ៉ាងតិចប្រាំឆ្នាំ ហើយនឹងមានការហ្វឹកហ្វឺនពីលើអាកាស ក៏ដូចជាការចុះចតដ៏មានមហិច្ឆតាផងដែរ។ សមយុទ្ធ​ដ៏​សំខាន់​នេះ ​នឹង​ត្រូវ​បន្ត​ដោយ​សមយុទ្ធ​ទី​ពីរ ​ឈ្មោះថា Warrior Shield។

ទោះបីជាយ៉ាងណាក៏ដោយ ប្រទេសកូរ៉េខាងជើងបានអំពាវនាវដល់អង្គការសហប្រជាជាតិ និងសហគមន៍អន្តរជាតិ ត្រូវជំរុញឲ្យសហរដ្ឋអាមេរិក និងកូរ៉េខាងត្បូង បញ្ឈប់ជាបន្ទាន់នូវ សមយុទ្ធយោធារួមគ្នានេះ ដោយព្រមានថា វាជារឿងបង្កគ្រោះថ្នាក់ខ្លាំងបំផុត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ កូរ៉េខាងជើង ទៅរក UN ឲ្យជួយបញ្ឈប់សមយុទ្ធយោធា អាមេរិក-កូរ៉េខាងត្បូង ជាបន្ទាន់

The post អាមេរិក បញ្ជូនយន្តហោះទម្លាក់គ្រាប់បែកនុយក្លេអ៊ែរទៅ ឧបទ្វីបកូរ៉េ (មានវីដេអូ) appeared first on Kampuchea Thmey Daily.

យន្តហោះខ្លាឃ្មុំ Tu-95MS បានហោះហើររយៈពេលជាង៧ម៉ោងលើសមុទ្រ Bering អមដោយយន្តហោះចម្បាំង Su-30 ចេញពីស្រុកយោធាភាគខាងកើតរបស់រុស្ស៊ី។

សមុទ្រ Bering ជាកន្លែងបំបែករដ្ឋ Alaska របស់សហរដ្ឋអាមេរិក និងចុងភាគខាងកើតរបស់រុស្ស៊ី។

ចាប់តាំងពីលោក ពូទីន បើកការលុកលុយអ៊ុយក្រែនក្នុងខែកុម្ភៈឆ្នាំ២០២២មក មន្ត្រីរុស្ស៊ី និងប្រព័ន្ធឃោសនាក្រុងមូស្គូ បានគំរាមប្រទេសលោកខាងលិចម្តងហើយម្តងទៀត ជាមួយការប្រើប្រាស់អាវុធនុយក្លេអ៊ែរ។

វោហាសាស្រ្តរបស់រុស្ស៊ី កាន់តែខ្លាំងឡើងៗប្រឆាំងនឹងសម្ព័ន្ធមិត្តរបស់អ៊ុយក្រែនក្នុងរយៈពេលប៉ុន្មានខែថ្មីៗនេះ ខណៈពួកគេបានសន្យាផ្តល់អាវុធដ៏មានឥទ្ធិពលកាន់តែច្រើន ដល់ទីក្រុងកៀវ ដើម្បីប្រយុទ្ធក្នុងសង្គ្រាមដែលកំពុងបន្ត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី គំរាមឆ្លើយតបធ្វើឲ្យពិភពលោកទាំងមូលជួបផលវិបាក បើសិន អង់គ្លេស ផ្តល់យន្តហោះចម្បាំងឲ្យ អ៊ុយក្រែន

The post រុស្ស៊ី បញ្ជូនយន្តហោះទម្លាក់គ្រាប់បែកនុយក្លេអ៊ែរ ទៅលើសមុទ្រ ជិតរដ្ឋ អាឡាស្កា appeared first on Kampuchea Thmey Daily.

យន្តហោះដ៏ទំនើបនេះ ត្រូវបានបង្ហាញនៅឯរោងចក្រ Northrop Grumman ក្នុងទីក្រុង Palmdale នៃរដ្ឋ California។ វាត្រូវបានរចនាឡើងដើម្បីអនុវត្តការទម្លាក់គ្រាប់បែករយៈចម្ងាយឆ្ងាយ និងបេសកកម្មនុយក្លេអ៊ែរ ដោយប្រើប្រាស់បច្ចេកវិទ្យាបំបាំងកាយទំនើបៗ។

បច្ចុប្បន្ន មានយន្តហោះទម្លាក់គ្រាប់បែកចំនួន៦គ្រឿង កំពុងត្រូវបានផលិតនៅ Palmdale ដោយមួយគ្រឿងមានតម្លៃប្រហែល២ពាន់លានដុល្លារ។ យន្តហោះទាំងនេះ ត្រូវបានគេរំពឹងថា នឹងហោះហើរនៅក្នុងឆ្នាំ២០២៣។

កងទ័ពអាកាស និងក្រុមហ៊ុន Northrop បានចាប់ផ្តើមអភិវឌ្ឍយន្តហោះទម្លាក់គ្រាប់បែកនៅឆ្នាំ ២០១៥ បន្ទាប់ពីក្រុមហ៊ុនអាកាសចរណ៍ និងការពារជាតិ បានឈ្នះកិច្ចសន្យាក្នុងការរចនា និងផលិតយន្តហោះ។

យន្តហោះទំនើបនេះ ត្រូវបានគេដាក់ឈ្មោះតាម Doolittle Raiders ដែលជាក្រុមនាវិកយន្តហោះទម្លាក់គ្រាប់បែក B-21 សម័យសង្គ្រាមលោកលើកទី២ ដែលត្រូវបានគេស្គាល់ចំពោះវីរភាពនិងភាពក្លាហានរបស់ពួកគេ។

ថ្វីបើមិនមានការបញ្ជាក់លម្អិតអំពីលក្ខណៈពិសេសៗក៏ដោយ ប៉ុន្តែយន្តហោះនេះ ត្រូវបានគេអះអាងថា ប្រើប្រាស់បច្ចេកវិទ្យាបំបាំងកាយដែលមិនធ្លាប់មានពីមុន ដើម្បីបញ្ចៀសការចាប់សញ្ញាពីសត្រូវ ហើយអាចមានសមត្ថភាពហោះហើរទាំងមាន ឬគ្មានអ្នកបើក។

ប្រធាន Northrop លោក Tom Jones និយាយថា យន្តហោះនេះ ត្រូវបានធ្វើឲ្យប្រសើរសម្រាប់ប្រតិបត្តិការនៅក្នុងបរិយាកាសដែលមានការប្រកួតប្រជែងខ្លាំង។

កងទ័ពអាកាសបានហៅ B-21 ថាជាយន្តហោះជំនាន់ទីប្រាំមួយ ដែលមានន័យថា វានឹងក្លាយជាយន្តហោះទំនើបបំផុតនៅលើភពផែនដី៕

ប្រែសម្រួល៖ Vann Vann

ប្រភព៖ CNA, Daily Mail

ចុចអាន៖ រុស្សី បញ្ចេញវីដេអូ យន្តហោះ Sukhoi Su-24M ទម្លាក់គ្រាប់បែកលើ កងកម្លាំងអ៊ុយក្រែន

The post អាមេរិក បង្អួតយន្តហោះទម្លាក់គ្រាប់បែកនុយក្លេអ៊ែរបំបាំងកាយ ទំនើបបំផុតលើលោក appeared first on Kampuchea Thmey Daily.

ក្រុមហ៊ុនផ្កាយរណបអាមេរិក Planet Labs បានប្រទះឃើញ វត្តមានកាន់តែច្រើននៃយន្តហោះទម្លាក់គ្រាប់បែកយុទ្ធសាស្ត្រធុន TU-160 និង TU-95 របស់រុស្ស៊ី នៅចម្ងាយតិចជាង ៣២គីឡូម៉ែត្រ ពីព្រំដែនជាមួយប្រទេសន័រវេស។

រូបភាពពីផ្កាយរណបដែលថតបានកាលពីថ្ងៃទី៧ខែតុលា បានបង្ហាញពីយន្តហោះទម្លាក់គ្រាប់បែកយុទ្ធសាស្ត្រ Tu-160 ចំនួន៧គ្រឿង និងយន្តហោះ Tu-95 ចំនួន៤គ្រឿង នៅឯមូលដ្ឋានអាកាសរុស្ស៊ី Olenya លើឧបទ្វីប Kolskyi។

ហើយពីរថ្ងៃក្រោយមក រូបភាពមួយទៀត បានបង្ហាញពីយន្តហោះទម្លាក់គ្រាប់បែក Tu-160 មួយគ្រឿង ដែលកំពុងត្រៀមហោះហើរ។

យន្តហោះចម្បាំង Tu-160 ដែលជាយន្តហោះចម្បាំង Mach 2 ធំបំផុតនិងធ្ងន់បំផុត មានសមត្ថភាពហោះហើរមិនបាច់ឈប់ចាក់ប្រេងបានចម្ងាយ ១២ ០៧០ គីឡូម៉ែត្រ។ យន្តហោះទម្លាក់គ្រាប់បែកយុទ្ធសាស្ត្រនេះ អាចផ្ទុកមីស៊ីលនុយក្លេអ៊ែររយៈចម្ងាយខ្លីរហូតដល់ទៅ ១២ គ្រាប់។

ទន្ទឹមនឹងនោះ យន្តហោះទម្លាក់គ្រាប់បែកយុទ្ធសាស្ត្រ Tu-95 ឬត្រូវបានគេស្គាល់ឈ្មោះថា “ខ្លាឃ្មុំ” គឺជាយន្តហោះដ៏ធំ នៅក្នុងកងទ័ពអាកាសរបស់លោក ពូទីន ដែលមានសមត្ថភាពបាញ់ មីស៊ីល និងគ្រាប់បែកនុយក្លេអ៊ែរដ៏ធំ។

រឿងនេះកើតឡើង បន្ទាប់ពីក្រុមហ៊ុនចារកម្មអ៊ីស្រាអែល ImageSat International បានប្រទះឃើញយន្តហោះទម្លាក់គ្រាប់បែករុស្ស៊ីនៅឯមូលដ្ឋានទ័ពអាកាស ក្បែរព្រំដែនហ្វាំងឡង់។

យោងតាមរូបភាពផ្កាយរណបដែលទទួលបានដោយកាសែត Jerusalem Post, យន្តហោះ TU-160 ចំនួន៤គ្រឿង ត្រូវបានគេឃើញនៅឯមូលដ្ឋាន កាលពីថ្ងៃទី២១ខែសីហា ហើយយន្តហោះ TU-95 ចំនួន ៣គ្រឿងត្រូវបានគេឃើញកាលពីថ្ងៃទី ២៥ខែកញ្ញា៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SUN

ចុចអាន៖ រុស្ស៊ី ព្រមានផ្ទុះសង្គ្រាមលោកលើកទី៣ បើ អ៊ុយក្រែន ចូល ណាតូ

The post ពូទីន ដាក់ពង្រាយយន្តហោះទម្លាក់គ្រាប់បែកនុយក្លេអ៊ែរ ក្បែរមាត់ទ្វារ ណាតូ (មានវីដេអូ) appeared first on Kampuchea Thmey Daily.

វីដេអូពីថ្ងៃអាទិត្យ និងថ្ងៃសៅរ៍ បានថតជាប់យន្តហោះចំនួន៤គ្រឿង ដែលប្រើសម្រាប់ទម្លាក់គ្រាប់បែកនុយក្លេអ៊ែរ លើតំបន់ Kaluga ចន្លោះទីក្រុងមូស្គូ និងព្រំដែនអ៊ុយក្រែន។

យន្តហោះ​ទាំង​នោះ​ត្រូវ​បាន​គេ​ជឿ​ថា​ជា​យន្តហោះធុន Tu-95 របស់​រុស្សី ឬ​គេ​ស្គាល់​ថា “​ខ្លាឃ្មុំ” ហើយ​​កំពុង​ហោះ​ហើរ​ក្នុង​រយៈចម្ងាយវាយប្រហារពី​អ៊ុយក្រែន។

យ៉ាងណាក្តី ក្រសួងការពារជាតិនៅទីក្រុងមូស្គូ មិនបានប្រកាសភ្លាមៗអំពីគោលបំណងនៃបេសកកម្មនោះទេ។

យន្តហោះ Tu-95 ត្រូវបានគេប្រើប្រាស់ជាច្រើនដងមកហើយ ដើម្បីវាយប្រហារលើគោលដៅនានាក្នុងប្រទេសអ៊ុយក្រែន ប៉ុន្តែមិនប្រើអាវុធនុយក្លេអ៊ែរទេ ជំនួសវិញដោយប្រើមីស៊ីល Kh-55 និង Kh-101។

Tu-95 គឺជាយន្តហោះទម្លាក់គ្រាប់បែកយុទ្ធសាស្ត្រប្រើស្លាបចក្រតែមួយប្រភេទគត់ ដែលនៅតែត្រូវបានគេប្រើប្រាស់ក្នុងប្រតិបត្តិការនាពេលសព្វថ្ងៃ ហើយយន្តហោះនេះ បានហោះហើរជាលើកដំបូងកាលពី៧០ឆ្នាំមុន។

គួររម្លឹកថា កាលពីខែកុម្ភៈ លោក ពូទីន បានបញ្ជាឲ្យកងកម្លាំងនុយក្លេអ៊ែររបស់រុស្ស៊ី ស្ថិតក្នុងស្ថានភាពប្រុងជើងការខ្ពស់ ហើយបានគំរាមកំហែងសម្ព័ន្ធមិត្តណាតូជាមួយនឹងផលវិបាកធំជាងពេលណាណាទាំងអស់ ដែលពួកគេជួបប្រទះក្នុងប្រវត្តិសាស្ត្រ ប្រសិនបើពួកគេធ្វើអន្តរាគមន៍ក្នុងជម្លោះអ៊ុយក្រែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពូទីន៖ ទណ្ឌកម្មដែលលោកខាងលិចដាក់លើ រុស្ស៊ី គឺជា “ការស៊ុតបាល់ចូលទីខ្លួនឯង”

The post ពូទីន បញ្ជូនក្រុមយន្តហោះទម្លាក់គ្រាប់បែកនុយក្លេអ៊ែរ ទៅព្រំដែន អ៊ុយក្រែន ហើយ (មានវីដេអូ) appeared first on Kampuchea Thmey Daily.