ពូទីន៖ ទណ្ឌកម្មដែលលោកខាងលិចដាក់លើ រុស្ស៊ី គឺជា “ការស៊ុតបាល់ចូលទីខ្លួនឯង” (មានវីដេអូ) 

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានលើកឡើងថា ប្រទេសលោកខាងលិច បានស៊ុតបាល់បញ្ចូលទីខ្លួនឯង ដោយសារតែការដាក់ទណ្ឌកម្មលើរុស្ស៊ី។

លោក​​និយាយ​ថា ការដាក់ទណ្ឌកម្ម ​បាន​នាំ​ទៅ​រក​ការ​ធ្លាក់​ចុះ​នៃ​សេដ្ឋកិច្ច​នៅ​លោក​ខាង​លិច។

និយាយអំពីស្ថានភាពសេដ្ឋកិច្ចក្នុងស្រុករបស់រុស្ស៊ី លោកពូទីន បានអះអាងថា អតិផរណាកំពុងមានស្ថិរភាព ហើយតម្រូវការលក់រាយនៅក្នុងប្រទេស គឺមានសភាពប្រក្រតី។

គួរបញ្ជាក់ថា ប្រទេសលោកខាងលិចបានដាក់ទណ្ឌកម្មយ៉ាងធ្ងន់ធ្ងរលើរុស្ស៊ី ជុំវិញការលុកលុយប្រទេសអ៊ុយក្រែន។

មុននេះ លោក ពូទីន បានប្រាប់មន្ត្រីរដ្ឋាភិបាលកំពូលតាមរយៈវីដេអូថា រុស្ស៊ីគួរតែប្រើប្រាស់ថវិការបស់ខ្លួនដើម្បីគាំទ្រសេដ្ឋកិច្ច និងសាច់ប្រាក់ងាយស្រួល ក្នុងលក្ខខណ្ឌផ្តល់ប្រាក់កម្ចី បើទោះបីជាការកាត់បន្ថយអត្រាការប្រាក់របស់ធនាគារកណ្តាល នឹងធ្វើឲ្យការផ្តល់ប្រាក់កម្ចីមានតម្លៃថោកក៏ដោយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ សង្គ្រាមអ៊ុយក្រែន ចាប់ផ្តើមដំណាក់កាលទី២ ហើយ