ព័ត៌មានអន្ដរជាតិ
កូរ៉េខាងជើង ទៅរក UN ឲ្យជួយបញ្ឈប់សមយុទ្ធយោធា អាមេរិក-កូរ៉េខាងត្បូង ជាបន្ទាន់ (មានវីដេអូ)
ប្រទេសកូរ៉េខាងជើង បានអំពាវនាវឲ្យអង្គការសហប្រជាជាតិ (UN) ជួយបញ្ឈប់ជាបន្ទាន់ នូវសមយុទ្ធយោធារួមគ្នារបស់សហរដ្ឋអាមេរិក និងកូរ៉េខាងត្បូង។
នៅក្នុងសេចក្តីថ្លែងការណ៍មួយលើប្រព័ន្ធផ្សព្វផ្សាយរដ្ឋកាលពីថ្ងៃអាទិត្យទី០៥ខែមីនា អនុរដ្ឋមន្ត្រីការបរទេស Kim Son Gyong បាននិយាយថា សមយុទ្ធ និងវោហាសាស្ត្រពីប្រទេសទាំង២ បានជំរុញភាពតានតឹងឲ្យឈានដល់កម្រិតគ្រោះថ្នាក់ខ្លាំងបំផុត។
លោកនិយាយថា UN និងសហគមន៍អន្តរជាតិ ត្រូវតែជំរុញឲ្យសហរដ្ឋអាមេរិក និងកូរ៉េខាងត្បូងបញ្ឈប់ជាបន្ទាន់នូវសុន្ទរកថាបង្កហេតុ និងសមយុទ្ធយោធារួមគ្នារបស់ពួកគេ។
សេចក្តីថ្លែងការណ៍នេះធ្វើឡើង បន្ទាប់ពីមន្ត្រីមកពីទីក្រុងសេអ៊ូល និងវ៉ាស៊ីនតោន បានប្រកាសធ្វើសមយុទ្ធយោធាទ្រង់ទ្រាយធំរយៈពេលជាង១០ថ្ងៃ ចាប់ពីថ្ងៃទី១៣ដល់ថ្ងៃទី២៣ខែមីនា។
សម្ព័ន្ធមិត្តទាំង២និយាយថា សមយុទ្ធនេះគឺជាការការពារ និងចាំបាច់ដើម្បីទប់ទល់នឹងការកើនឡើងនៃការគំរាមកំហែងពីកម្មវិធីមីស៊ីលផ្លោង និងអាវុធនុយក្លេអ៊ែររបស់កូរ៉េខាងជើង។
ទីក្រុងសេអ៊ូល និងវ៉ាស៊ីនតោន ក៏បានធ្វើសមយុទ្ធដែនអាកាសរួមគ្នា ដោយមានការចូលរួមពីយន្តហោះទម្លាក់គ្រាប់បែករយៈចម្ងាយឆ្ងាយរបស់សហរដ្ឋអាមេរិក និងយន្តហោះចម្បាំងកូរ៉េខាងត្បូងផងដែរ។
ទោះបីជាយ៉ាងណាក៏ដោយ ទីក្រុងព្យុងយ៉ាងមើលឃើញថា សមយុទ្ធនេះជាការហាត់សមដើម្បីវាយលុក៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
ចុចអាន៖ សហរដ្ឋអាមេរិកនិងកូរ៉េខាងត្បូង បញ្ជាក់កាលបរិច្ឆេទ ធ្វើសមយុទ្ធរួមគ្នា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី