​​អ្នក​នាំពាក្យ​អគ្គលេខាធិការ​អង្គការ​សហប្រជាជាតិ បានសរសេរ​នៅក្នុងសេចក្តីថ្លែងការណ៍មួយថា អគ្គលេខាធិការស្វាគមន៍ចំពោះការប្រកាសបទឈប់បាញ់រយៈពេល ១០ថ្ងៃ រវាងអ៊ីស្រាអែល និងលីបង់ ហើយសរសើរតួនាទីរបស់សហរដ្ឋអាមេរិក ក្នុងការសម្របសម្រួលបទឈប់បាញ់។

អគ្គលេខាធិការសង្ឃឹមថា បទឈប់បាញ់នេះនឹងបើកផ្លូវសម្រាប់ការចរចា និងការអនុវត្តពេញលេញនៃសេចក្តីសម្រេចលេខ 1701 (2006) របស់ក្រុមប្រឹក្សាសន្តិសុខឆ្ពោះទៅរកដំណោះស្រាយរយៈពេលវែងចំពោះជម្លោះ។

លោក Dujarric បានបញ្ចាក់បន្ថែមថា លោកជំរុញឲ្យតួអង្គទាំងអស់គោរពបទឈប់បាញ់យ៉ាងពេញលេញ និងអនុវត្តតាមកាតព្វកិច្ចរបស់ពួកគេក្រោមច្បាប់អន្តរជាតិ រួមទាំងច្បាប់មនុស្សធម៌អន្តរជាតិគ្រប់ពេលវេលា។ លោកក៏សម្តែងក្តីសង្ឃឹមថា កិច្ចព្រមព្រៀងនេះនឹងបើកផ្លូវឆ្ពោះទៅរក «សន្តិភាពយូរអង្វែង និងទូលំទូលាយនៅក្នុងតំបន់»។

ប្រធានាធិបតីអាមេរិក លោក ដូណាល់ ត្រាំ បានប្រកាសកាលពីថ្ងៃព្រហស្បតិ៍ថា អ៊ីស្រាអែល និងលីបង់បានយល់ព្រមលើបទឈប់បាញ់។ ជាក់ស្ដែង មេដឹកនាំអាមេរិកបាននិយាយតាមទូរស័ព្ទជាមួយប្រធានាធិបតីលីបង់ លោក Joseph Aoun និងនាយករដ្ឋមន្ត្រីអ៊ីស្រាអែល លោក Benjamin Netanyahu ដោយមេដឹកនាំទាំងពីរនេះបានព្រមព្រៀងគ្នា ដើម្បីសម្រេចបានសន្តិភាពរវាងប្រទេសរបស់ពួកគេ ដែលនឹងចាប់ផ្តើមជាផ្លូវការនូវបទឈប់បាញ់រយៈពេល ១០ថ្ងៃ៕

អត្ថបទ៖ សាង ស្រីល័ក្ខ

The post មេ UN ​អំពាវនាវ​ឲ្យ​គ្រប់ភាគីគោរព​​លក្ខខណ្ឌ​បទ​ឈប់បាញ់ អ៊ីស្រាអែល-លីបង់ appeared first on Kampuchea Thmey Daily.

ក្នុងសេចក្តីថ្លែងការណ៍កាលពីថ្ងៃពុធទី២៥ខែមីនាឆ្នាំ២០២៦ ផ្សាយដោយសារព័ត៌មាន Times of Israel, អគ្គលេខាធិការ UN វ័យ៧៦ឆ្នាំរូបនេះ បានប្រើពាក្យពេចន៍ខ្លាំងៗ បន្ទោសភាគីជម្លោះនៅក្នុងសង្គ្រាមនេះ ដោយនិយាយថា ការប្រយុទ្ធគ្នាបានឈានហួសពីដែនកំណត់ដែលគ្មានថ្នាក់ដឹកនាំណាធ្លាប់គិតស្មានដល់សោះ។

លោកអំពាវនាវដល់សហរដ្ឋអាមេរិកនិងអ៊ីស្រាអែល ឲ្យបញ្ឈប់ការប្រយុទ្ធជាបន្ទាន់ ខណៈទុក្ខវេទនារបស់មនុស្សជាតិកាន់តែធ្ងន់ធ្ងរទៅៗ ហើយការបាត់បង់ជីវិតជនស៊ីវិលកាន់តែមានចំនួនច្រើនឡើង ចំណែកផលប៉ះពាល់សេដ្ឋកិច្ចសកលក៏កាន់តែមានសភាពបំផ្លិចបំផ្លាញទៅៗផងដែរ។

យ៉ាងណា ក្នុងសេចក្តីថ្លែងការណ៍នោះ លោក Guterres ក៏ដាក់បន្ទុកខ្លាំងលើទីក្រុងតេហេរ៉ង់ផងដែរ ដោយព្រមានអ៊ីរ៉ង់ ត្រូវបញ្ឈប់ការវាយប្រហារលើប្រទេសជិតខាងជាបន្ទាន់។

សេចក្តីថ្លែងការណ៍នេះកើតឡើងមិនយូរប៉ុន្មាន បន្ទាប់ពីលោកប្រាប់ទៅអ្នកកាសែតថា មនុស្សជាតិកំពុងរស់នៅក្រោមអសន្តិសុខយ៉ាងធ្ងន់ធ្ងរ, ជាអ្វីដែលលោកបានមើលឃើញផ្ទាល់ភ្នែកក្នុងអំឡុងពេលដំណើរទស្សនកិច្ចនាពេលថ្មីៗទៅកាន់ប្រទេសលីបង់។

លោកអំពាវនាវឲ្យសង្គ្រាមនៅទីនោះ ក៏ត្រូវតែបញ្ចប់ដែរហើយក្រុម Hezbollah ត្រូវបញ្ឈប់ការវាយប្រហារលើអ៊ីស្រាអែល ចំណែកអ៊ីស្រាអែលក៏ត្រូវបញ្ឈប់រាល់ប្រតិបត្តិការយោធា និងការវាយប្រហារតាមអាកាសរបស់ខ្លួនដូចគ្នា៕

អត្ថបទ៖ សុខ សុវណ្ណ

The post ប្រមុខ UN ផ្តាំទៅអាមេរិក-អ៊ីស្រាអែល និងអ៊ីរ៉ង់ ថា៖ «ល្មមដល់ពេលបញ្ចប់សង្គ្រាមហើយ» appeared first on Kampuchea Thmey Daily.

លោក Guterres មានប្រសាសន៍នៅក្នុងសេចក្តីថ្លែងការណ៍មួយថា ជាលើកដំបូងក្នុងរយៈពេលជាងកន្លះសតវត្សរ៍មកនេះ យើងប្រឈមមុខនឹងពិភពលោកដែលគ្មានដែនកំណត់ណាមួយលើឃ្លាំងអាវុធនុយក្លេអ៊ែរយុទ្ធសាស្ត្ររបស់រុស្ស៊ី និងសហរដ្ឋអាមេរិក ដែលរដ្ឋទាំងពីរ មានស្តុកអាវុធនុយក្លេអ៊ែរភាគច្រើនលើសលប់នៅលើពិភពលោក។

មិនតែប៉ុណ្ណោះ សន្ធិសញ្ញាគ្រប់គ្រងអាវុធ បានធ្វើឲ្យប្រសើរឡើងយ៉ាងខ្លាំងនូវសន្តិសុខរបស់ប្រជាជនទាំងអស់ ប៉ុន្តែលោកលើកឡើងពីការព្រួយបារម្ភយ៉ាងធំធេងលើ «New START» បានផុតកំណត់ ដែលនោះនឹងនាំឲ្យពេលវេលាអាក្រក់ៗកើតឡើងដោយមិនអាចទាយទុកមុន។

ហេតុដូច្នេះ អគ្គលេខាធិការអង្គការសហប្រជាជាតិរូបនេះ បានអំពាវនាវឲ្យទីក្រុងមូស្គូ និងវ៉ាស៊ីនតោន វិលត្រឡប់មកតុចរចាវិញជាបន្ទាន់ ដោយឈានដល់កិច្ចព្រមព្រៀងលើក្របខ័ណ្ឌបន្ទាប់ ដើម្បីស្តារដែនកំណត់ដែលអាចផ្ទៀងផ្ទាត់បាន កាត់បន្ថយហានិភ័យ និងពង្រឹងសន្តិសុខរួមជាមួយគ្នា។

សន្ធិសញ្ញា «New START» បានចុះហត្ថលេខាដោយអាមេរិក និងរុស្ស៊ីក្នុងឆ្នាំ ២០១០ ហើយចូលជាធរមានមួយឆ្នាំក្រោយមក។ នៅឆ្នាំ ២០២១ ប្រទេសទាំងពីរបានបន្តសន្ធិសញ្ញានេះរយៈពេល ៥ ឆ្នាំបន្ថែមទៀត។ សន្ធិសញ្ញានោះចែងថា ភាគីនីមួយៗមិនអាចដាក់ពង្រាយមីស៊ីលផ្លោងអន្តរទ្វីប (ICBM) លើសពី ៧០០ គ្រាប់ មីស៊ីលផ្លោងបាញ់ចេញពីនាវាមុជទឹក (SLBM) និងយន្តហោះទម្លាក់គ្រាប់បែកដែលមានអាវុធនុយក្លេអ៊ែរបានទេ ហើយចំនួនក្បាលគ្រាប់នុយក្លេអ៊ែរនៅលើយានជំនិះទាំងនេះ ក៏មិនត្រូវលើសពី ១.៥៥០ គ្រាប់ឡើយ។ កិច្ចព្រមព្រៀងនោះទៀតសោត ក៏រួមបញ្ចូលវិធានការផ្ទៀងផ្ទាត់ផងដែរ រួមទាំងការផ្លាស់ប្តូរទិន្នន័យ ការជូនដំណឹង និងការត្រួតពិនិត្យនៅនឹងកន្លែង ដែលត្រូវបានរចនាឡើង ដើម្បីកាត់បន្ថយការមិនទុកចិត្ត និងការពារការគណនាខុសជាដើម។

បើទោះជាយ៉ាងនេះក្ដី នៅក្នុងកិច្ចប្រជុំជាមួយក្រុមប្រឹក្សាសន្តិសុខនៃសហព័ន្ធរុស្ស៊ីក្នុងខែកញ្ញា ឆ្នាំ ២០២៥ ប្រធានាធិបតី វ្ល៉ាឌីមៀ ពូទីន បានប្រកាសថា ប្រទេសរបស់លោកបានត្រៀមខ្លួនរួចជាស្រេចដើម្បីអនុវត្តតាមការរឹតបន្តឹងក្រោមក្របខ័ណ្ឌនៃ New START សម្រាប់រយៈពេល១ឆ្នាំទៀត បន្ទាប់ពីសន្ធិសញ្ញាផុតកំណត់ ប៉ុន្តែវិធានការនេះអាចកើតឡើងបាន លុះត្រាតែ អាមេរិកអនុវត្តតាមដែរ។ យ៉ាងណា លោកត្រាំបែរជាបង្ហាញសញ្ញាថា អាមេរិកនឹងមិនបន្តសន្ធិសញ្ញាបច្ចុប្បន្ននោះទេ ដោយគ្រាន់តែទុកឲ្យវាផុតកំណត់ ហើយនឹងចុះហត្ថលេខាលើកិច្ចព្រមព្រៀងឲ្យកាន់តែប្រសើរតែប៉ុណ្ណោះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ត្រាំ ប្រកាស អាចដោះស្រាយហិរញ្ញវត្ថុជិតដួលរលំ បើមេ UN សុំជំនួយអាមេរិក

The post មេ UN ព្រមានផលវិបាកធ្ងន់ បើសន្ធិសញ្ញានុយក្លេអ៊ែរ អាមេរិក-រុស្ស៊ី ផុតកំណត់ appeared first on Kampuchea Thmey Daily.

យោងតាមទូរទស្សន៍ Al Jazeera លោក Guterres បានព្រមានថា UN អាចនឹងអស់សាច់ប្រាក់នៅខែកក្កដា ហើយអំពាវនាវឲ្យសមាជិកទាំងអស់ត្រូវតែបំពេញកាតព្វកិច្ចរបស់ពួកគេក្នុងការបង់ប្រាក់ឲ្យទាន់ពេលវេលា និងពេញលេញ ឬកែទម្រង់ច្បាប់ហិរញ្ញវត្ថុជាមូលដ្ឋាន ដើម្បីការពារហានិភ័យនៃការដួលរលំផ្នែកហិរញ្ញវត្ថុដែលជិតមកដល់។

គិតត្រឹមថ្ងៃព្រហស្បតិ៍ មានតែរដ្ឋសមាជិកអង្គការសហប្រជាជាតិចំនួន ៣៦ ក្នុងចំណោម ១៩៣ រដ្ឋប៉ុណ្ណោះដែលបានបង់ប្រាក់វិភាគទានធម្មតារបស់ពួកគេសម្រាប់ឆ្នាំ ២០២៦ នេះបើយោងតាមគេហទំព័ររបស់ខ្លួន។

ទោះជាយ៉ាងនេះក្ដី លោក Guterres មិនបានស្តីបន្ទោសប្រទេសជាក់លាក់ណាមួយចំពោះបញ្ហាហិរញ្ញវត្ថុរបស់អង្គការសហប្រជាជាតិនោះទេ។ ប៉ុន្តែការអំពាវនាវរបស់លោកកើតឡើង នៅពេលដែលប្រធានាធិបតីសហរដ្ឋអាមេរិក លោក ដូណាល់ ត្រាំ​​​ បានផ្លាស់ប្តូរដើម្បីកាត់បន្ថយមូលនិធិរបស់ទីក្រុងវ៉ាស៊ីនតោនសម្រាប់ស្ថាប័នពហុភាគី។

សហរដ្ឋអាមេរិកថ្មីៗនេះបានកាត់បន្ថយមូលនិធិសម្រាប់ភ្នាក់ងារអង្គការសហប្រជាជាតិជាច្រើន ដោយបដិសេធមិនធ្វើការរួមចំណែកជាកាតព្វកិច្ចចំពោះថវិកាធម្មតា ក៏ដូចជាថវិការក្សាសន្តិភាព។ លោកត្រាំ បានពិពណ៌នាអំពីអង្គការសហប្រជាជាតិថាជាអង្គការមួយដែលមាន «សក្តានុពលដ៏អស្ចារ្យ» ប៉ុន្តែមិនទាន់បានបំពេញតួនាទីរបស់ខ្លួននៅឡើយទេ។

មិនតែប៉ុណ្ណោះ រដ្ឋបាលរបស់លោកបានប្រកាសពីផែនការដកខ្លួនចេញពីភ្នាក់ងារអង្គការសហប្រជាជាតិជាច្រើននៅខែនេះ ក៏ទើបតែបានចាប់ផ្តើមគំនិតផ្តួចផ្តើមរបស់លោកដែលហៅថា «ក្រុមប្រឹក្សាសន្តិភាព» ដែលអ្នកជំនាញខ្លះបាននិយាយថា មានគោលបំណងរារាំង UN ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

តើ EU នឹងប្រឈមបញ្ហាធំបែបណា បើកាត់បន្ថយការពឹងផ្អែកលើសន្តិសុខអាមេរិក

The post លោក Guterres ចេញប្រកាស UN «ជិតដួលរលំផ្នែកហិរញ្ញវត្ថុ» appeared first on Kampuchea Thmey Daily.

យោងតាមក្រសួងសុខាភិបាលដែល​គ្រប់គ្រង​ដោយ​ក្រុម​សកម្ម​ប្រយុទ្ធ​ប៉ាឡេស្ទីន​ហាម៉ាស, ពលរដ្ឋប៉ាឡេស្ទីន​ចំនួន៣១​នាក់ ត្រូវបានសម្លាប់និងជាង១៧០​នាក់ទៀត រងរបួសនៅជិតកន្លែងចែកចាយ​ស្បៀង​ក្នុង​ទីក្រុង​ Rafah ភាគខាងត្បូង​តំបន់​​ហ្គាហ្សា កាល​ពី​ថ្ងៃ​អាទិត្យ​ទី​១ ខែ​មិថុនា ឆ្នាំ​២០២៥។

ជុំវិញហេតុការណ៍ ធ្វើឲ្យប្រមុខ UN លោក Antonio Guterres ថ្កោលទោស ដោយចេញសេចក្តីថ្លែងការណ៍នៅថ្ងៃអង្គារទី៣ខែមិថុនាឆ្នាំ២០២៥ថា «ខ្ញុំតក់ស្លុតចំពោះរបាយការណ៍អំពីការស្លាប់និងរបួសពលរដ្ឋប៉ាឡស្ទីនខណៈពេលស្វែងរកជំនួយនៅហ្គាហ្សា កាលពីម្សិលមិញ។ វាមិនអាចទទួលយកបានទេដែលពលរដ្ឋប៉ាឡេស្ទីន ត្រូវប្រថុយជីវិតដើម្បីតែអាហារ។ ដូច្នេះខ្ញុំសូមអំពាវនាវឲ្យបើកការស៊ើបអង្កេ​តជាបន្ទាន់និងឯករាជ្យលើព្រឹត្តិការណ៍នោះ ហើយឲ្យអ្នកប្រព្រឹត្តិមកទទួលខុសត្រូវចំពោះមុខច្បាប់»។

បើយោងតាមសាក្សីនិងបុគ្គលិកពេទ្យ, កងកម្លាំងអ៊ីស្រាអែលបានបើកការបាញ់ប្រហារទៅលើជនស៊ីវិលដែលប្រមូលផ្តុំគ្នា​ទទួល​ជំនួយមនុស្សធម៌។ បន្ថែម​ពី​នោះ រថក្រោះ​អ៊ីស្រាអែល​ក៏​​បើក​ការ​បាញ់​​ប្រហារ​លើ​ក្រុម​មនុស្ស​​រាប់ពាន់​នាក់​ផង​ដែរ ដែល​កំពុង​ធ្វើ​ដំណើរ​ទៅ​កាន់​ទីក្រុង Rafah។

យ៉ាង​ណាមិញ កងកម្លាំងការពារអ៊ីស្រាអែល (IDF) បដិសេធ​​​កំណត់គោលដៅលើជនស៊ីវិល ដោយបញ្ជាក់ថា មានតែការបាញ់ព្រមានប៉ុណ្ណោះ ដើម្បីរារាំងការចូលទៅកាន់កន្លែងផ្តល់ជំនួយដោយគ្មានការអនុញ្ញាត។

សូមជម្រាបថា មនុស្សជិត ៤ ០០០​នាក់ត្រូវបានសម្លាប់នៅតំបន់ហ្គាហ្សាក្នុងរយៈពេល ១០​សប្តាហ៍កន្លងមកនេះ ខណៈ UN និយាយថា មនុស្ស ៦០​ម៉ឺន​នាក់ផ្សេងទៀតត្រូវបានផ្លាស់ទីលំនៅសាជាថ្មី​ ដោយប្រតិបត្តិការជើងគោកនិងបញ្ជាជម្លៀសរបស់អ៊ីស្រាអែល។

ទន្ទឹមនោះរបាយការណ៍របស់អង្គការ IPC គាំទ្រដោយ UN ព្រមានថា មនុស្សប្រហែល ៥០​ម៉ឺន​នាក់នឹង​ប្រឈមមុខជាមួយភាពអត់ឃ្លានក្នុងកម្រិតដ៏មហន្តរាយ នា​ប៉ុន្មានខែខាងមុខនេះ៕

អត្ថបទ៖ សុខ សុវណ្ណ

ចុចអាន៖ UN៖ តំបន់ហ្គាហ្សាជាកន្លែងស្រេកឃ្លានបំផុតនៅលើភពផែនដី

The post ប្រមុខ​ UN អំពាវនាវឲ្យស៊ើបអង្កេតជាបន្ទាន់ លើហេតុការណ៍បាញ់ពលរដ្ឋប៉ាឡេស្ទីន នៅជិតកន្លែងចែកស្បៀង  appeared first on Kampuchea Thmey Daily.

ថ្លែងប្រាប់អ្នកសារព័ត៌មានក្នុងទីក្រុងញូវយ៉ក លោក Antonio Guterres និយាយថា ទំនាក់ទំនងរវាងប្រទេសអាស៊ីខាងត្បូងទាំងពីរ បានធ្លាក់ចុះដល់កម្រិតទាបបំផុត។ រឿងសំខាន់បំផុតគឺត្រូវបញ្ចៀសការប្រឈមដាក់គ្នាផ្នែកយោធា ដែលងាយនឹងបង្កហានិភ័យដល់ថ្នាក់គ្រប់គ្រងលែងបាន។ ដូច្នេះ ពេលនេះជាពេលដែលភាគីទាំងសងខាង ត្រូវរក្សាភាពអត់ធ្មត់ឲ្យបានខ្លាំងបំផុត។

ការអំពាវនាវរបស់ប្រមុខ UN កើតឡើងស្របពេលពិភពលោកកំពុងបារម្ភអំពីការផ្ទុះសង្គ្រាមធំរវាងប្រទេសប្រដាប់ដោយអាវុធនុក្លេអ៊ែរទាំងពីរនេះ បន្ទាប់ពីការវាយប្រហារភេរវកម្មនៅតំបន់កាស្មៀរ សម្លាប់អ្នកទេសចរ២៦នាក់។

ឥណ្ឌាចោទប៉ាគីស្ថានថា គាំទ្រឲ្យមានអំពើភេរវកម្មឆ្លងដែន ប៉ុន្តែរឿងនេះ ត្រូវបានទីក្រុងអ៊ីស្លាម៉ាបាដ ​បដិសេធ ហើយចាប់តាំងពីពេលនោះមក អ្នកជិតខាងទាំងពីរ ក៏មើលមុខគ្នាលែងចំថែមមួយកម្រិតទៀត។ 

ក្រោយមក ឥណ្ឌាក៏សម្រេចបិទច្រកព្រំដែន ផ្អាកកិច្ចព្រមព្រៀងចែកទឹកដ៏សំខាន់ជាមួយប៉ាគីស្ថាន និងបណ្តេញមន្ត្រីទូត ហើយមានរបាយការណ៍ចារកម្មថា ឥណ្ឌា ជិតបើកការវាយប្រហារប៉ាគីស្ថានទៀតផង។

ចំណែកប៉ាគីស្ថានឯណោះវិញ មានរដ្ឋមន្ត្រីមួយរូបឈានដល់ការគំរាមបាញ់នុយក្លេអ៊ែរ លើឥណ្ឌា ហើយកាលពីចុងសប្តាហ៍ ទីក្រុងអ៊ីស្លាម៉ាបាដ បានបាញ់សាកល្បងដោយជោគជ័យនូវមីស៊ីលបាលិស្ទិក Abdali ខណៈឯកអគ្គរដ្ឋទូតប៉ាគីស្ថានប្រចាំប្រទេសរុស្ស៊ី Muhammad Khalid Jamali ព្រមានឆ្លើយតបទៅវិញមួយអស់ដៃ ក្នុងនោះរួមទាំងការប្រើអាវុធនុយក្លេអ៊ែរផងដែរ បើទីក្រុងញូវដែលី ហ៊ានវាយប្រហារលើខ្លួនមែន។

សូមជម្រាបថា ចាប់តាំង​ទទួល​ឯករាជ្យ​ពី​ចក្រភព​អង់គ្លេស​ក្នុង​ឆ្នាំ១៩៤៧មក ឥណ្ឌានិងប៉ាគីស្ថាន តែងប៉ះទង្គិចគ្នាជានិច្ចក្នុងមហិច្ចតាដណ្តើមទឹកដី ពោលគឺអ្នកជិតខាងគ្នានេះ បាន​ធ្វើ​សង្រ្គាម​ចំនួន​បួនលើកមកហើយ៕

អត្ថបទ៖ សុខ សុវណ្ណ

ចុចអាន៖ ឥណ្ឌា បញ្ជាឲ្យជនស៊ីវិលធ្វើលំហាត់ការពារខ្លួន ពីការវាយប្រហាររបស់ប៉ាគីស្ថាន ឲ្យហើយ

The post ប្រមុខ UN អំពាវនាវឲ្យ ឥណ្ឌានិងប៉ាគីស្ថាន អត់ធ្មត់ខ្លាំងបំផុត appeared first on Kampuchea Thmey Daily.

ថ្លែងក្នុងកិច្ចប្រជុំគណៈកម្មការសិទ្ធិពលរដ្ឋប៉ាឡេស្ទីននៅ UN, លោក Guterres បានអំពាវនាវដល់ប្រធានាធិបតីអាមេរិក ធ្វើយ៉ាងណាត្រូវបញ្ចៀសការបោសសម្អាតផ្តាច់ពូជឲ្យបាន ហើយស្វែងរកដំណោះស្រាយ កុំធ្វើឲ្យបញ្ហាកាន់តែធំ និងត្រូវតែគោរពសិទ្ធិអន្តរជាតិ។

ប្រមុខ UN និយាយថា «ការអនុវត្តសិទ្ធិដែលមិនអាចកាត់ផ្តាច់បានរបស់ប្រជាជនប៉ាឡេស្ទីន គឺជាសិទ្ធិរបស់ប៉ាឡេស្ទីន ក្នុងការរស់នៅដូចគេដូចឯងនៅលើទឹកដីរបស់ពួកគេ ប៉ុន្តែយើងបែរមើលឃើញពីអំពើអមនុស្សធម៌ជាប្រព័ន្ធ និងការបំផ្លិចបំផ្លាញនៃមនុស្សជាតិទាំងមូលទៅវិញ»។

ការព្រមានរបស់លោក Guterres កើតឡើងមួយថ្ងៃ បន្ទាប់ពីលោក ត្រាំ បង្ហើបផែនការគ្រប់គ្រងតំបន់ហ្គាហ្សា ក្នុងសន្និសីទកាសែតជាមួយនាយករដ្ឋមន្ត្រិអ៊ីស្រាអែល Benjamin Netanyahu នៅសេតវិមាន។

តាមសម្តីរបស់ប្រធានាធិបតីអាមេរិក, លោកនឹងអភិវឌ្ឍតំបន់នេះតាមរយៈការកសាងឡើងវិញ ដោះមីន បង្កើតការងារនិងស្តារសេដ្ឋកិច្ច ហើយអាចមានពលរដ្ឋប៉ាឡេស្ទីនច្រើននាក់ នឹងត្រូវប្តូរទៅនៅកន្លែងផ្សេង។

ទោះបីជាយ៉ាងណាក៏ដោយ ផែនការនេះ បានទទួលរងពាក្យរិះគន់យ៉ាងចាស់ដៃពីសំណាក់មេដឹកនាំពិភពលោកជាពិសេសអាល្លឺម៉ង់ ដែលបរិហាថា ផែនការលោកត្រាំ នឹងមានតែភាពឈឺចាប់និងស្អប់ខ្ពើម។

ចំណែកប្រទេសបារាំង​ឯណោះ បានហៅផែនការនេះថា ជាការបំពានច្បាប់អន្តរជាតិយ៉ាងធ្ងន់ធ្ងរជាទីបំផុត៕

អត្ថបទ៖ សុខ សុវណ្ណ

ចុចអាន៖ ត្រាំ ថា អាមេរិក នឹងកាន់កាប់តំបន់ហ្គាហ្សា

The post UN ព្រមានថា ផែនការកាន់កាប់ហ្គាហ្សា របស់លោកត្រាំ នឹងក្លាយជាការបោសសម្អាតផ្តាច់ពូជ appeared first on Kampuchea Thmey Daily.

កាលពីថ្ងៃអង្គារទី១ខែតុលាឆ្នាំ២០២៤, កងឆ្មាំបដិវត្តឥស្លាមអ៊ីរ៉ង់ (IRGC) បានបាញ់មីស៊ីលស្រោចលើអ៊ីស្រាអែល ដើម្បីសងសឹកចំពោះការសម្លាប់មេដឹកនាំក្រុមហាម៉ាសនិងហេសបូឡា នាពេលថ្មីៗនេះ។

ពាក់ព័ន្ធបញ្ហានេះ លោក Guterres បានប្រាប់ក្រុមប្រឹក្សាសន្តិសុខអង្គការសហប្រជាជាតិថា «ដូចទៅនឹងការវាយប្រហាររបស់អ៊ីរ៉ង់កាលពីខែមេសាដែរ ហើយរឿងដែលស្តែងចេញកាលពីម្សិលមិញ, ខ្ញុំសូមថ្កោលទោសយ៉ាងខ្លាំងក្លាជាថ្មីម្តងទៀត ចំពោះការវាយប្រហារដោយមីស៊ីលទ្រង់ទ្រាយធំរបស់អ៊ីរ៉ង់លើអ៊ីស្រាអែល»។

ការអត្ថាធិប្បាយរបស់គាត់ កើតឡើងមិនយូរប៉ុន្មានបន្ទាប់ពីរដ្ឋមន្ត្រីការបរទេសអ៊ីស្រាអែល លោក Israel Katz បានស្តីបន្ទោសប្រមុខ UN មិនសំចៃមាត់ ដែលមិនហ៊ានថ្កោលទោសការវាយប្រហារដ៏សាហាវរបស់អ៊ីរ៉ង់ ហើយអះអាងថា លោក Guterres មិនទាន់ទាំងស្តីឲ្យចំពោះការសម្លាប់រង្គាលនិងអំពើឃោរឃៅផ្លូវភេទ ដែលប្រព្រឹត្តដោយក្រុមហាម៉ាសកាលពីថ្ងៃទី៧ខែតុលាឬប្រកាសដាក់ក្រុមសកម្មប្រយុទ្ធប៉ាឡេស្ទីនថាជាអង្គការ​ភេរវករផង។

សូមបញ្ជាក់ថា អ៊ីរ៉ង់​​បាន​​បាញ់​​មីស៊ីល​ផ្លោង​​​ជាង​១៨០​គ្រាប់​ដាក់​អ៊ីស្រាអែល ចំពេល​ការ​ប្រយុទ្ធ​គ្នា​រវាង​​ក្រុម​សកម្ម​ប្រយុទ្ធ​​​ហេសបូឡា​ដែលខ្លួន​គាំទ្រ​នៅ​លីបង់និង​អ៊ីស្រាអែល ក៏កំពុងពុះកញ្ជ្រោលដែរ។

ក្នុង​ចំណោម​មីស៊ីល​ផ្លោង​ទាំងនោះ​ មីស៊ីលភាគ​ច្រើនត្រូវស្ទាក់ចាប់បាននៅកណ្តាលអាកាស ប៉ុន្តែខ្លះបានទម្លាយសំណាញ់​ការពារ ហើយទោះ​មីស៊ីល​​ខ្លះ​បាន​ធ្លាក់​ចូល​ក្នុងទីក្រុង​តែល​ អាវីវ ក៏ពិតមែន ប៉ុន្តែមិន​​មាន​អ្នក​រង​របួសឡើយ៕

អត្ថបទ៖ សុខ សុវណ្ណ

ចុចអាន៖ អ៊ីស្រាអែល​ហាម​​អគ្គលេខាធិការ​ UN ​ចូល​ទឹកដីខ្លួន ក្រោយមិនថ្កោលទោស​អ៊ីរ៉ង់​

The post ប្រមុខ UN ថ្កោលទោសអ៊ីរ៉ង់ ក្រោយអ៊ីស្រាអែល ដាក់សម្ពាធខ្លាំងពេក appeared first on Kampuchea Thmey Daily.