​ទោះបី​ជា​​បែបនេះ​ក្តី អតីតនាយករដ្ឋមន្ត្រី​អង់គ្លេស​ លោក Sunak ដែលបង្ហាញ​ការ​គាំទ្រ​អ៊ុយក្រែន​ក្នុងសង្គ្រាម​​​តស៊ូ​​​ដើម្បីសេរីភាព​ប្រឆាំង​មហាអំណាច​​រុស្ស៊ី បានព្រមាន​​ពីហានិភ័យ​ពីការ​បាត់​បង់់​ទ្រព្យសម្បត្តិដែលបង្កក​​​នៅ​លោក​ខាងលិច​​នោះ ទៅក្នុងដៃ​​របស់​លោក​ពូទីនវិញ​។

​លោក Sunak ដែល​បានសរសេរ​​​​​​​​​ចុះ​​ផ្សាយ​នៅ​​សារ​ព័ត៌មាន The Sun របស់​ប្រទេស​អង់​គ្លេស បាន​អះអាង​ថា រុស្សី​បាន​​បង្ក​ការ​ខូច​ខាត​ តម្លៃ​​៥០០​ពាន់​លាន​ដុល្លារ ដែល​ជាខូច​ខាត​​ផ្ទះ​សំបែង និង​ហេដ្ឋារចនាសម្ព័ន្ធ​សំខាន់ៗ។

​​ទ្រព្យ​សម្បត្តិរុស្ស៊ី​​ដែលត្រូ​វ​បាន​បង្កក​​នៅ​​បណ្តា​បស្ចឹមប្រទេស​​ប្រឈម​ហានិភ័យ​​​បាត់​បង់​ដោយ​ត្រូវ​ប្រគល់​ឲ្យ​​រុស្ស៊ីវិញ​ស្ងាត់​ៗ ខណៈពេលដែល​​​រដ្ឋបាល​​ លោក ដូណាល់ ត្រាំ ​ងាក​​ស្ទើរ​តែ​​​១៨០​​​ដឺក្រេ​​ទៅ​ឱប​ក្រសោប​រុស្ស៊ី​​ក្នុងការ​ចរចា​បញ្ចប់សង្គ្រាម​នៅអ៊ុយក្រែន​។ ​​នេះ​តាមសំណេរ​ដែល​បាន​ចុះ​ផ្សាយ​។​

​លោក Sunak ​បានលើក​ឡើងថា៖«ប៉ុន្តែជំនួស​ឱ្យ​លោក ពូទីន រ៉ាប់រងការចំណាយ វាមានហានិភ័យកើនឡើងដែលអ៊ុយក្រែននឹងត្រូវទុកឲ្យសាងសង់ឡើងវិញ​ដោយ​ខ្លួន​ឯង​ម្នាក់​ឯង​​ ខណៈដែលទ្រព្យសម្បត្តិរដ្ឋដែល​បង្កក​របស់រុស្ស៊ីត្រូវបានប្រគល់ឱ្យទីក្រុងម៉ូស្គូវិញដោយស្ងាត់ស្ងៀម»​។

​លោក Sunak ​បញ្ជាក់​ថា៖«​នោះមិនត្រូវកើតឡើងទេ»​។

បើតាមសំណេរ​របស់​​អតីត​នាយករដ្ឋមន្ត្រី​អង់គ្លេស​រូបនេះ ឥឡូវនេះ ទ្រព្យសម្បត្តិរុស្ស៊ី​​មាន​​តម្លៃ​​ប្រមាណ​៣០០ពាន់លានដុល្លារ​ដែល​ជា​ទ្រព្យសម្បត្តិរដ្ឋរបស់រុស្ស៊ីដែលជាប់គាំងស្ថិតនៅក្នុងប្រព័ន្ធហិរញ្ញវត្ថុលោកខាងលិច ដែលភាគច្រើននៅអឺរ៉ុប។

​​លោក បាន​ព្រមានថា៖«​ប្រសិន​បើ​យើង​មិន​ចាត់​ការ​ឲ្យ​បាន​ឆាប់​ទេ មូលនិធិ​ទាំង​នោះ​អាច​នឹង​ធ្លាក់​ទៅ​ក្នុង​ដៃ​របស់​លោក ពូទីន ដែល​អនុញ្ញាត​ឲ្យ​ពូទីន​​​​យក​ទៅផលិ​តអាវុធ​​វិញ​ និង​គំរាម​កំហែង​អ៊ុយក្រែន​បន្ត​ទៅមុខ​ទៀត​​»​។

​អតីត​នាយករដ្ឋមន្ត្រីអង់គ្លេសដែល​មិន​ញ៉ម​ជាមួយលោក ពូទីន បាន​​លើក​ឡើង​បន្តថា លោកខាងលិចមានសំណុំរឿងផ្លូវច្បាប់ និងសីលធម៌ ដើម្បីរឹបអូសទ្រព្យសម្បត្តិទាំងនេះ ហើយប្រើវាដើម្បីជួយអ៊ុយក្រែនកសាង និងការពារខ្លួនឡើងវិញ។ នេះគឺជាការសាកល្បងនៃការដោះស្រាយរបស់លោកខាងលិច។

​លោក Sunak ​បញ្ជាក់​ចុងក្រោយ​ថា៖​«យើងត្រូវតែបង្ហាញជនផ្តាច់ការនៅគ្រប់ទីកន្លែង​ថា​សង្រ្គាម​ឈ្លានពាន​មិនមែន​មិនបង់ថ្លៃទេ»៕​

​ដោយ រ៉ាន់ រើយ​

The post ​​លោក Sunak៖ ទ្រព្យ​​សម្បត្តិរដ្ឋរុស្ស៊ី​​​​ដែល​បង្កក ​​ប្រឈមហានិភ័យ​បានទៅរុស្ស៊ីវិញ​​ appeared first on Kampuchea Thmey Daily.

លោក Sunak បាននិយាយនៅក្នុងសន្និសីទសារព័ត៌មានមួយជាមួយនាយករដ្ឋមន្ត្រីអ៊ីស្រាអែល Benjamin Netanyahu ថា “ខ្ញុំមានមោទកភាពក្នុងការឈរនៅទីនេះជាមួយអ្នក នៅក្នុងពេលវេលាងងឹតបំផុតរបស់អ៊ីស្រាអែល។ យើងនឹងឈរជាមួយអ្នកដោយសាមគ្គីភាព។ យើងនឹងឈរជាមួយអ្នក និងប្រជាជនរបស់អ្នក។ ហើយ​យើង​ក៏​ចង់​ឲ្យ​អ្នក​ឈ្នះ​ដែរសង្រ្គាមដែរ” ។

អង់គ្លេស​បាន​ប្រកាសប្រកៀក​ស្មា​ជាមួយ​អ៊ីស្រាអែល ក្រោយ​ការ​វាយប្រហារ​របស់​ក្រុម​ហាម៉ាស់​លើ​ទឹកដី​អ៊ីស្រាអែល​ដែល​បាន​សម្លាប់​មនុស្ស​ជាង ១៤០០នាក់ និងបានចាប់មនុស្សយ៉ាងហោចណាស់ ១៩៩នាក់ជាឈ្លើយ។

ក្រោយវត្តមានរបស់នាយកមន្ត្រីអង់គ្លេសនៅលើទឹកដីអ៊ីស្រាអែល ពិភពលោកកំពុងបារម្ភថា ជម្លោះអ៊ីស្រាអែល និងប៉ាឡេស្ទីនអាចនឹងមិនថមថយ តែបែរកើនឡើងទៅជាសង្គ្រាមរាលដាលដល់តំបន់មជ្ឈិមបូព៌ាទាំងមូល។

ដោយឡែកការិយាល័យរបស់លោក Sunak បានប្រាប់ទីភ្នាក់ងារសារព័ត៌មានថា នាយកមន្ត្រីអង់គ្លេសទៅកាន់ទឹកអ៊ីស្រាអែលដើម្បីចូលរួមរំលែកទុក្ខជាមួយប្រជាជនសម្រាប់ការបាត់បង់ជីវិតមនុស្សរាប់ពាន់នាក់ទាំងនៅអ៊ីស្រាអែល និងតំបន់ហ្គាហ្សា ព្រមទាំងឆ្លៀតព្រមានប្រឆាំងនឹងការកើនឡើងនៃជម្លោះផងដែរ។

រាយការណ៍ពីទីក្រុង Tel Aviv អ្នកឆ្លើយឆ្លងព័ត៌មាន Al Jazeera លោក Alan Fisher បាននិយាយថា សេចក្តីប្រកាសរបស់នាយករដ្ឋមន្ត្រី Sunak ស្តីពីការចង់ឱ្យអ៊ីស្រាអែលឈ្នះសង្រ្គាមគឺជាសេចក្តីប្រកាសផ្លូវការ៕

ប្រែសម្រួល៖ សន្យា

ប្រភព៖ Aljazeera

ចុចអាន៖ រុស្ស៊ី ប្រើមីស៊ីលវាយឆ្មក់ផ្លូវអាកាសលើ អ៊ុយក្រែន

The post អង់គ្លេសប្រកាសគាំទ្រអ៊ីស្រាអែល ក្នុងសង្រ្គាមជាមួយប៉ាឡេស្ទីន appeared first on Kampuchea Thmey Daily.

វគ្គបង្ហាត់បង្រៀនថ្មីនេះត្រូវបានគេមើលឃើញ ជាសញ្ញាមួយបញ្ជាក់ថា ចក្រភពអង់គ្លេសអាចនឹងផ្ដល់យន្តហោះចម្បាំង និងនាវាចម្បាំងស្ដង់ដារអង្គការណាតូទៅតាមសំណើរបស់លោក Zelensky ដើម្បីទប់ទល់នឹងការវាយលុកពីសំណាក់កងកម្លាំងរបស់រុស្ស៊ី ។

ស្របពេលជាមួយគ្នានេះ នាយករដ្ឋមន្ត្រីអង់គ្លេសលោក Rishi Sunak បាននិយាយថា “ដំណើរទស្សនកិច្ចរបស់លោក Zelensky មកកាន់អង់គ្លេស គឺជាសក្ខីភាពមួយចំពោះភាពក្លាហាន ការប្ដេជ្ញាចិត្ត និងការតស៊ូរបស់អ៊ុយក្រែន ហើយជាសក្ខីភាពនៃមិត្តភាពដែលមិនអាចបំបែកបានរវាងប្រទេសទាំងពីរ” ។

ចាប់តាំងពីឆ្នាំ ២០១៤ មក ចក្រភពអង់គ្លេសបានផ្តល់ការបណ្តុះបណ្តាលសំខាន់ៗដល់កងកម្លាំងអ៊ុយក្រែន ដើម្បីបង្កើនសមត្ថភាពការពារប្រទេស ការពារអធិបតេយ្យភាព និងប្រយុទ្ធដើម្បីទឹកដីរបស់ពួកគេជាដើម ។

ទន្ទឹមនោះ ចក្រភព​អង់គ្លេស​ក៏​គ្រោង​នឹង​ប្រកាស​ទណ្ឌកម្ម​ថ្មី​ដែល​កំណត់​គោលដៅលើ​អ្នក​ដែល​បាន​ជួយ​លោក វ្ល៉ាឌីមៀរ ពូទីន ក្នុងប្រតិបត្តិការសឹក និង​ក្រុមហ៊ុន​ដែល​បាន​កេងចំណេញ​ពី​សង្រ្គាមមួយនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Force

ចុចអាន ៖ រុស្ស៊ី គំរាមឆ្លើយតបធ្វើឲ្យពិភពលោកទាំងមូលជួបផលវិបាក បើសិន អង់គ្លេស ផ្តល់យន្តហោះចម្បាំងឲ្យ អ៊ុយក្រែន

The post អង់គ្លេស នឹងបង្ហាត់បង្រៀនកងទ័ពលោក Zelenksy ឲ្យចេះបើកទាំងយន្តហោះ និងនាវាចម្បាំង appeared first on Kampuchea Thmey Daily.

នៅក្នុងលិខិតមួយកាលពីថ្ងៃអាទិត្យ លោក Sunak បាននិយាយថា បន្ទាប់ពីរៀបចំសេចក្តីប្រកាសផ្នែកហិរញ្ញវត្ថុផ្ទាល់ខ្លួនរបស់សមាជិកសភាមក លោកបានបញ្ជាឲ្យមានការស៊ើបអង្កេតលើបញ្ហានេះ ហើយលោក​បាន​កត់​សម្គាល់​ថា លោក Zahawi ពិតជាមានការរំលោភបំពានលើបញ្ហាពន្ធដារមែន ។

លោក Zahawi បានប្រឈមមុខនឹងការលាលែងពីតំណែង បន្ទាប់ពីមានការបំភ្លឺថា គាត់បានដោះស្រាយវិវាទពន្ធរាប់លានផោនជាមួយនាយកដ្ឋានចំណូល និងគយ (HMRC) ខណៈពេលកំពុងបម្រើការជាអធិការបតីកាលពីឆ្នាំមុន ។

ទន្ទឹមនោះ បញ្ហានេះកើតឡើងជុំវិញការខកខានប្រកាសឲ្យបានត្រឹមត្រូវនូវប្រាក់ចំណេញរបស់លោក Zahawi ដែលទទួលបានពីការលក់ភាគហ៊ុនរបស់គាត់នៅក្នុងក្រុមហ៊ុន YouGov ជាក្រុមហ៊ុនបោះឆ្នោតដែលគាត់បានសហការគ្នាបង្កើតឡើងក្នុងឆ្នាំ ២០០០ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ បរិមាណឧស្ម័នបម្រុងរបស់ អឺរ៉ុប ធ្លាក់ចុះក្រោម ៧៥ ភាគរយ ក្រោយ ព្យាយាមដាក់ទណ្ឌកម្ម រុស្ស៊ី

The post នាយករដ្ឋមន្ត្រី អង់គ្លេស បណ្ដេញប្រធានគណបក្សអភិរក្សនិយម ចេញពី​តំណែង appeared first on Kampuchea Thmey Daily.

ការិយាល័យនាយករដ្ឋមន្ត្រី បាននិយាយថា លោក Sunak ទទួលកំហុសទាំងស្រុង ហើយបានសុំទោស។ លោកនឹងបង់ប្រាក់ពិន័យ។

គួរបញ្ជាក់ថា អ្នក​ដំណើរ​ដែល​មិន​ពាក់​ខ្សែក្រវាត់​សុវត្ថិភាព ​អាច​ត្រូវ​ផាក​ពិន័យជាទឹកប្រាក់ចំនួន ១០០ ផោន (១២៣ដុល្លារ)។ ប្រាក់ពិន័យនឹងកើនដល់ ៥០០ផោន (៦១៩ដុល្លារ) ប្រសិនបើករណីនេះឡើងទៅតុលាការ។

លោក Sunak កំពុងស្ថិតក្នុងតំបន់ Lancashire នៅពេលដែលវីដេអូនេះត្រូវបានថត អំឡុងពេលធ្វើដំណើរឆ្លងកាត់ភាគខាងជើងនៃប្រទេសអង់គ្លេស។

វីដេអូនេះគឺដើម្បីផ្សព្វផ្សាយអំពីការបង្កើនកម្រិតចំណាយរបស់រដ្ឋាភិបាល ហើយត្រូវបានបង្ហោះនៅលើគណនី Instagram របស់លោក Sunak។

នេះ​ជា​លើក​ទី​ពីរ​ហើយ​ដែល​លោក Sunak ត្រូវពិន័យនៅ​ក្នុង​ជួរ​រដ្ឋាភិបាល។

កាលពីខែមេសាឆ្នាំមុន លោកត្រូវបានពិន័យរួមជាមួយលោក Boris Johnson និងភរិយា Carrie សម្រាប់ការបំពានច្បាប់រឹតត្បិតកូវីដ ដោយសារចូលរួមក្នុងពិធីខួបកំណើតអតីតនាយករដ្ឋមន្រ្តីក្នុងវិមាន Downing Street នៅខែមិថុនាឆ្នាំ២០២០៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លោក Sunak នឹងបំបែកប្រវត្តិសាស្រ្តអង់គ្លេស ពេលឡើងកាន់តំណែង ជានាយករដ្ឋមន្ត្រី

The post អង់គ្លេស ផាកពិន័យនាយករដ្ឋមន្ត្រី ដោយសារជិះឡានមិនពាក់ខ្សែក្រវាត់ appeared first on Kampuchea Thmey Daily.

លោក Sunak បាននិយាយនៅថ្ងៃអង្គារទី២៨ខែវិច្ឆិកាថា ចក្រភពអង់គ្លេស ត្រូវវិវឌ្ឍវិធីសាស្រ្តរបស់ខ្លួនចំពោះប្រទេសចិន។ យុគសម័យមាសត្រូវបានបញ្ចប់ រួមជាមួយនឹងគំនិតដ៏ឆោតល្ងង់ដែលថា វិស័យពាណិជ្ជកម្ម នឹងនាំឲ្យមានកំណែទម្រង់សង្គម និងនយោបាយ។

លោក Sunak បន្តថា រដ្ឋាភិបាលចិន បានសម្រេចចិត្តធ្វើការបង្រ្កាបបន្ថែមទៀត ជាជាងស្តាប់សំឡេងរបស់ប្រជាជនខ្លួន។

ពិតណាស់ យើងមិនអាចព្រងើយកន្តើយអំពីសារសំខាន់របស់ប្រទេសចិន ក្នុងកិច្ចការពិភពលោកចំពោះស្ថិរភាពសេដ្ឋកិច្ចសកល ឬបញ្ហាដូចជាការប្រែប្រួលអាកាសធាតុនោះទេ។ សហរដ្ឋអាមេរិក កាណាដា អូស្ត្រាលី ជប៉ុន និង​ប្រទេស​ជា​ច្រើន​ទៀត​ក៏​យល់​អំពី​បញ្ហា​នេះ​ដែរ។

ទន្ទឹមនេះ លោកនាយករដ្ឋមន្ត្រីបានសង្កត់ធ្ងន់ថា រួមគ្នាជាមួយប្រទេសទាំងនោះ អង់គ្លេសនឹង គ្រប់គ្រងការប្រកួតប្រជែងដ៏មុតស្រួចនេះ រួមទាំងផ្នែកការទូត និងការចូលរួមនានាផងដែរ៕

ប្រែសម្រួល៖ Vann Vann

ប្រភព៖ NHK

ចុចអាន៖ តើ ក្រដាស ស តំណាងឲ្យអ្វី ក្នុងបាតុកម្មដ៏កម្រ នៅ ចិន?

The post លោក Sunak ថា “យុគសម័យមាស” អង់គ្លេស-ចិន ដល់ទីបញ្ចប់ហើយ  appeared first on Kampuchea Thmey Daily.

លោក Sunak បាននិយាយក្នុងសន្និសីទកាសែតជាមួយលោកប្រធានាធិបតី Volodymyr Zelensky នៅទីក្រុងកៀវថា “ថ្ងៃនេះខ្ញុំមកទីនេះ ដើម្បីនិយាយថា ចក្រភពអង់គ្លេសនឹងបន្តឈរជាមួយអ្នក រហូតដល់អ៊ុយក្រែនទទួលបានសន្តិភាព និងសន្តិសុខដែលខ្លួនត្រូវការ និងសមនឹងទទួលបាន”។

ស្របពេលជាមួយគ្នានោះ មេដឹកនាំអង់គ្លេសរូបនេះ ក៏បានប្រកាសកញ្ចប់ជំនួយផ្នែកការពារដែនអាកាសថ្មីដែលមានតម្លៃ ៦០ លានដុល្លារផងដែរ។ លោក Sunak ​និយាយ​ថា កញ្ចប់​នោះ​រួម​មាន កាំភ្លើងយន្តបាញ់​យន្តហោះ ១២០ ដើម, រ៉ាដា និង​ឧបករណ៍​ប្រឆាំង​ដ្រូន។

នេះគឺជាដំណើរទស្សនកិច្ចលើកដំបូងទៅកាន់ទីក្រុងកៀវ សម្រាប់មេដឹកនាំអង់គ្លេសថ្មី ដែលប្រទេសរបស់ពួកគេគឺជាសម្ព័ន្ធមិត្តដ៏រឹងមាំ ចាប់តាំងពីរុស្ស៊ី ចាប់ផ្តើមការវាយលុកកាលពីខែកុម្ភៈ។

ក្នុងអំឡុងពេលសន្និសីទសារព័ត៌មានរួមគ្នា លោក Zelensky បានសរសើរដំណើរទស្សនកិច្ចនេះថា មានអត្ថន័យ និងមានប្រយោជន៍សម្រាប់ប្រទេសទាំងពីរ៕

ប្រែសម្រួល៖ Vann Vann

ប្រភព៖ Hindustan Times

ចុចអាន៖ ប៉ូឡូញ មានព័ស្តុតាងដែលថា មីស៊ីលធ្លាក់នៅទឹកដីខ្លួន គឺជារបស់ អ៊ុយក្រែន

The post ធ្វើទស្សនកិច្ចលើកដំបូងនៅទីក្រុងកៀវ, លោក Sunak ប្រកាសកញ្ចប់ជំនួយ ៦០លានដុល្លារ ឲ្យអ៊ុយក្រែន  appeared first on Kampuchea Thmey Daily.

ទីមួយ ប្រធានាធិបតីសហរដ្ឋអាមេរិក Joe Biden និងជំទាវទីមួយ Jill Biden បានផ្ញើសាររំលែកទុក្ខដោយសរសេរថា “យើងមានសេចក្ដីក្រៀមក្រំយ៉ាងខ្លាំងជាមួយប្រជាជននៃសាធារណរដ្ឋកូរ៉េសម្រាប់ការបាត់បង់មួយនេះ ហើយសូមជូនពរចំពោះអ្នករងរបួសទាំងអស់ឆាប់ជាសះស្បើយផងដែរ” ។

ដោយឡែក នាយករដ្ឋមន្ត្រីថ្មីថ្មោងរបស់អង់គ្លេស Rishi Sunak ឯណោះវិញ បានសរសេរសារមួយនៅលើ Twitter ថា “យើងសូមចូលរួមរំលែកទុក្ខជាមួយប្រជាជនកូរ៉េខាងត្បូងទាំងអស់ដែលកំពុងស្ថិតនៅក្នុងគ្រាដ៏លំបាកនេះផង”។

ឆ្លើយតបទៅនឹងឧបទ្ទវហេតុដ៏រន្ធត់នេះ ប្រធានាធិបតីកូរ៉េខាងត្បូង បានប្រកាសកាន់ទុក្ខជូនជនរងគ្រោះទូទាំងប្រទេស និងបានប្ដេជ្ញាចិត្ត មិនឱ្យមានរឿងបែបនេះកើតចំពោះប្រជាជាតិរបស់លោកទៀតឡើយ៕

ប្រែសម្រួល៖ សន្យា

ប្រភព៖​ Reuters

ចុចអាន៖ ខ្លីៗគួរដឹងពី Itaewon​ ដែលជាទីតាំងកើតឧបទ្ទវហេតុរត់ជាន់គ្នា

The post មេដឹកនាំពិភពលោកពីររូប ផ្ញើសាររំលែកទុក្ខជនរងគ្រោះក្នុងឧបទ្ទវហេតុរត់ជាន់គ្នា នៅកូរ៉េខាងត្បូង appeared first on Kampuchea Thmey Daily.