ព័ត៌មានអន្ដរជាតិ

នាយករដ្ឋមន្ត្រី អង់គ្លេស បណ្ដេញប្រធានគណបក្សអភិរក្សនិយម ចេញពីតំណែង

បានផុស

១ ខែ មុន

នៅ

ថ្ងៃចន្ទ ៣០ មករា ២០២៣

ដោយ

នាយករដ្ឋមន្ត្រីអង់គ្លេសលោក Rishi Sunak កាលពីថ្ងៃអាទិត្យបានបណ្តេញលោក Nadhim Zahawi ចេញពីតំណែងជាប្រធានគណបក្សអភិរក្ស បន្ទាប់ពីការស៊ើបអង្កេតរឿងចម្រូងចម្រាសលើកិច្ចការពន្ធដារបស់លោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងលិខិតមួយកាលពីថ្ងៃអាទិត្យ លោក Sunak បាននិយាយថា បន្ទាប់ពីរៀបចំសេចក្តីប្រកាសផ្នែកហិរញ្ញវត្ថុផ្ទាល់ខ្លួនរបស់សមាជិកសភាមក លោកបានបញ្ជាឲ្យមានការស៊ើបអង្កេតលើបញ្ហានេះ ហើយលោកបានកត់សម្គាល់ថា លោក Zahawi ពិតជាមានការរំលោភបំពានលើបញ្ហាពន្ធដារមែន ។

លោក Zahawi បានប្រឈមមុខនឹងការលាលែងពីតំណែង បន្ទាប់ពីមានការបំភ្លឺថា គាត់បានដោះស្រាយវិវាទពន្ធរាប់លានផោនជាមួយនាយកដ្ឋានចំណូល និងគយ (HMRC) ខណៈពេលកំពុងបម្រើការជាអធិការបតីកាលពីឆ្នាំមុន ។

ទន្ទឹមនោះ បញ្ហានេះកើតឡើងជុំវិញការខកខានប្រកាសឲ្យបានត្រឹមត្រូវនូវប្រាក់ចំណេញរបស់លោក Zahawi ដែលទទួលបានពីការលក់ភាគហ៊ុនរបស់គាត់នៅក្នុងក្រុមហ៊ុន YouGov ជាក្រុមហ៊ុនបោះឆ្នោតដែលគាត់បានសហការគ្នាបង្កើតឡើងក្នុងឆ្នាំ ២០០០ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ បរិមាណឧស្ម័នបម្រុងរបស់ អឺរ៉ុប ធ្លាក់ចុះក្រោម ៧៥ ភាគរយ ក្រោយ ព្យាយាមដាក់ទណ្ឌកម្ម រុស្ស៊ី