បើយោងតាមទិន្នន័យរបស់ក្រុមហ៊ុនឧស្ម័នអឺរ៉ុប GIE បានឲ្យដឹងថា បរិមាណឧស្ម័នបម្រុងស្តុកទុកក្រោមដី (UGS) របស់អឺរ៉ុបបានធ្លាក់ចុះក្រោម ៧៥ ភាគរយ ដូច្នេះ UGS ត្រូវបំពេញឧស្ម័ន ៧៤.៥ ភាគរយក្នុងទំហំឧស្ម័នសរុប ៨១.២ ពាន់លានម៉ែត្រគូប បន្ទាប់ពីបាត់បង់ ១.១៤ ភាគរយក្នុងមួយថ្ងៃ ។

ចំណែកគិតត្រឹមរយៈពេលដួចគ្នា ពោលនៅថ្ងៃទី ២៨ ខែមករា ឆ្នាំ ២០២២ កន្លងទៅ សមត្ថភាពផ្ទុកឧស្ម័នរបស់អឺរ៉ុប បានធ្លាក់ចុះត្រឹមកម្រិត ៣៨.៩៣ ភាគរយប៉ុណ្ណោះ ។

ពាក់ព័ន្ធនឹងបញ្ហានេះដែរ ប្រធានគណៈកម្មការអឺរ៉ុបលោកស្រី Ursula von der Leyen និយាយកាលពីដើមខែនេះថា EU បានគ្រប់គ្រងឧស្ម័នរហូតដល់ ៨០ ភាគរយដើម្បីជំនួសឧស្ម័នដែលរុស្ស៊ីធ្លាប់ជាអ្នកផ្គត់ផ្គង់ ដោយបានកាត់បន្ថយតម្រូវការក្នុងស្រុក និងបង្កើនការផ្គត់ផ្គង់ឧស្ម័នធម្មជាតិរាវពីសហរដ្ឋអាមេរិកវិញ ។

គួរបញ្ជាក់ថា បណ្តាប្រទេសលោកខាងលិច បាននឹងកំពុងស្វែងរកមធ្យោបាយផ្សេងៗដាក់ទណ្ឌកម្មលើប្រាក់ចំណូលរបស់ទីក្រុងមូស្គូពីការនាំចេញប្រេង និងឧស្ម័ន ប៉ុន្តែយុទ្ធនាការដាក់ទណ្ឌកម្មលើរុស្ស៊ីនេះ មិនមែនខាតតែរដ្ឋាភិបាលទីក្រុងមូស្គូឡើយ ពោលប្រទេសផ្សេងទៀត​ដែលរុស្ស៊ីធ្លាប់ផ្គត់ផ្គង់ឲ្យក៏ត្រូវខាតបង់ជាច្រើនដូចគ្នា ដោយសារតែរុស្ស៊ីជាអ្នកផ្គត់ផ្គង់ឧស្ម័នធម្មជាតិដ៏ធំបំផុតដែលមានចំនួនជិត ៤០ ភាគរយនៃតម្រូវការឆ្នាំ ២០២១ ៕​

ប្រែសម្រួលដោយ ៖ នាង រតនៈ

ប្រភព ៖ Sputnik

ចុចអាន ៖ រុស្ស៊ី ថា ជម្លោះនៅ អ៊ុយក្រែន តែ អាមេរិក ជាអ្នកទទួលផលចំណេញ