Connect with us

ព័ត៌មានអន្ដរជាតិ

មេដឹកនាំពិភពលោកពីររូប ផ្ញើសាររំលែកទុក្ខជនរងគ្រោះក្នុងឧបទ្ទវហេតុរត់ជាន់គ្នា នៅកូរ៉េខាងត្បូង

បានផុស

នៅ

ក្រោយពេលផ្ទុះហេតុការណ៍ត់ជាន់គ្នា បណ្ដាលឱ្យមនុស្សយ៉ាងហោច ១៥១នាក់បានស្លាប់ និង ៨១នាក់បានរងរបួស ក្នុងអំឡុងពេលប្រារព្ធពិធីបុណ្យ Halloween កាលពីម្សិលមិញនេះ មេដឹកនាំពិភពលោកពីររូប បានចូលរួមរំលែកទុក្ខដល់ប្រជាជនកូរ៉េខាងត្បូងភ្លាមៗ ជាពិសេសជូនចំពោះសាច់ញាតិជនរងគ្រោះតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីមួយ ប្រធានាធិបតីសហរដ្ឋអាមេរិក Joe Biden និងជំទាវទីមួយ Jill Biden បានផ្ញើសាររំលែកទុក្ខដោយសរសេរថា “យើងមានសេចក្ដីក្រៀមក្រំយ៉ាងខ្លាំងជាមួយប្រជាជននៃសាធារណរដ្ឋកូរ៉េសម្រាប់ការបាត់បង់មួយនេះ ហើយសូមជូនពរចំពោះអ្នករងរបួសទាំងអស់ឆាប់ជាសះស្បើយផងដែរ” ។

ដោយឡែក នាយករដ្ឋមន្ត្រីថ្មីថ្មោងរបស់អង់គ្លេស Rishi Sunak ឯណោះវិញ បានសរសេរសារមួយនៅលើ Twitter ថា “យើងសូមចូលរួមរំលែកទុក្ខជាមួយប្រជាជនកូរ៉េខាងត្បូងទាំងអស់ដែលកំពុងស្ថិតនៅក្នុងគ្រាដ៏លំបាកនេះផង”។

ឆ្លើយតបទៅនឹងឧបទ្ទវហេតុដ៏រន្ធត់នេះ ប្រធានាធិបតីកូរ៉េខាងត្បូង បានប្រកាសកាន់ទុក្ខជូនជនរងគ្រោះទូទាំងប្រទេស និងបានប្ដេជ្ញាចិត្ត មិនឱ្យមានរឿងបែបនេះកើតចំពោះប្រជាជាតិរបស់លោកទៀតឡើយ៕

ប្រែសម្រួល៖ សន្យា

ប្រភព៖​ Reuters

ចុចអាន៖ ខ្លីៗគួរដឹងពី Itaewon​ ដែលជាទីតាំងកើតឧបទ្ទវហេតុរត់ជាន់គ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម