​អ៊ីរ៉ង់​​ជាសម្ព័ន្ធ​មិត្ត​ដ៏សំខាន់របស់​រុស្ស៊ី​ក្នុងសង្គ្រាម​​នៅ​អ៊ុយក្រែន បាន​ទទួល​រងនូវការ​វាយប្រហារ​​តាមផ្លូវ​អាកាស​យ៉ាងដំណំ រហូត​ដល់​ស្លាប់​មេបញ្ចាការ​សំខាន់​ៗ​របស់ខ្លួន​ និង ការ​​ខូច​ខាត​ហេដ្ឋារចនាសម្ព័ន្ធ​​​​​រោងចក្រ​​ដែលគេ​សង្ស័យថា ជា​កន្លែងចម្រាញ់​សារធាតុ​អ៊ុយរ៉ានីញ៉ូម​សម្រាប់​ផលិត​អាវុធ​នុយក្លេអ៊ែរ។

ក្នុង​ដំណើរ​ទស្សនកិច្ច​បន្ទាន់​​នេះ លោក Sergey Shoigu នឹងជួបជាមួយមេដឹកនាំកូរ៉េខាងជើង លោក គីម ជុងអ៊ុន ដែល​​ជាសម្ព័ន្ធ​មិត្ត​ដ៏សំខាន់​​របស់​​រុស្ស៊ី និង​​អ៊ីរ៉ង់។​

នេះជាដំណើរទស្សនកិច្ចលើកទីបីរបស់លោក Shoigu ទៅកាន់កូរ៉េខាងជើងក្នុងរយៈពេលជិតបីខែ។ កាលពីថ្ងៃទី៤ ខែមិថុនា មេដឹកនាំកូរ៉េខាងជើង និងមេដឹកនាំ​​ជាន់​ខ្ពស​រុស្ស៊ី​ផ្នែ​ក​សន្តិសុខនេះ បានពិភាក្សាគ្នាអំពីស្ថានភាពជុំវិញអ៊ុយក្រែន ការស្ដារឡើងវិញនៃតំបន់ Kursk និងវិធានការដើម្បីបន្តការចងចាំដល់យុទ្ធជនកូរ៉េ ដែលបានជួយរំដោះតំបន់ជាប់ព្រំដែន​រុស្ស៊ី។ នេះ​បើយោងសេចក្តីរាយការណ៍​៕​

​​ប្រទេសរុស្ស៊ី​ជា​សម្ព័ន្ធ​មិត្ត​​​ដ៏ស្អិត​រមួត​​របស់អ៊ីរ៉ង់​និង​​កូរ៉េខាង​ជើង ដែល​ប្រទេស​ទាំងពីរ​នេះ​​​មាន​​មហិច្ឆតា​​​​ផលិត​អាវុធ​នុយក្លេអ៊ែរ​ ​ទោះបី​ជាក្រុមបស្ចឹមប្រទេស​ប្រឆាំង​​បំណង​របស់ពួក​គេ​​ ដោយ​ចាត់ទុកថា វា​ជា​គំរាម​កំហែង​ដល់សន្តិសុខ​ពិភពលោក។ ប៉ុន្តែមេដឹកនាំអឺរ៉ង់​ក្នុង​ប៉ុន្មានថ្ងៃ​ចុងក្រោយ​នេះ បាន​​អះអាង​ជា​បន្តបន្ទាប់ថា ខ្លួន​គ្មាន​​​​មហិច្ឆតា​ផលិត​អាវុធ​នុយក្លេអ៊ែរ​​យោធា​នោះទេ៕​

ដោយ រ៉ាន់ រើយ

The post ​មេ​សន្តិសុខ​រុស្ស៊ី​​ទៅកាន់​ទីក្រុង​ព្យុយ៉ាងបន្ទាន់ ត្រឹម​១២ថ្ងៃ ​ចំពេល​សម្ព័ន្ធមិត្តអ៊ីរ៉ង់​រងទុក្ខ​​ appeared first on Kampuchea Thmey Daily.

ការគំរាមនេះគឺចេញពីមាត់លេខាធិការក្រុមប្រឹក្សាសន្តិសុខជាតិរុស្ស៊ីលោក Sergey Shoigu ដោយលោកប្រើសម្តីធ្ងន់ៗថា ពាក្យ «កងរក្សាសន្តិភាព» កំពុងត្រូវបានគេប្រើ ធ្វើជាលេសដើម្បីបិទបាំងគោលបំណងពិតប្រាកដនៃការដាក់ការគ្រប់គ្រងលើអ៊ុយក្រែន និងធនធានរបស់ប្រទេសនេះប៉ុណ្ណោះ។ ​តាមពិតទៅបើប្រើពាក្យថា «អ្នកឈ្លានពាន» ឬ «អ្នកកាន់កាប់» ប្រហែលត្រូវជាង។ ការចល័តទ័ពបរទេសនៅទីនោះ នឹងនាំឲ្យមានការប៉ះទង្គិចដោយផ្ទាល់រវាងណាតូនិងរុស្ស៊ី ហើយឈានដល់ផ្ទុះសង្គ្រាមលោកលើកទី៣តែម្តង។

ពាក់ព័ន្ធកងរក្សាសន្តិភាពនេះ ត្រូវគេដឹងថា គឺជាចក្រភពអង់គ្លេសនិងប្រទេសបារាំង ដែលចេញមុខចេញមាត់ជាងគេ ក្នុងការប្រមែប្រមូលកងទ័ពបង្កើតជា «ក្រុមចម្រុះឆន្ទៈ» ដើម្បីបញ្ជូនកម្លាំងទៅអ៊ុយក្រែន ក្នុងគោលបំណងរក្សាសន្តិសុខ ពេលណារុស្ស៊ីនិងអ៊ុយក្រែន ឈានដល់កិច្ចព្រមព្រៀងសន្តិភាព។

នាយករដ្ឋមន្ត្រីអង់គ្លេស Keir Starmer ប្រកាសថា ដើម្បីធានាសន្តិសុខនៅអ៊ុយក្រែន ក្រុមចម្រុះនេះមិនមែនត្រឹមដាក់ទ័ពរាប់ម៉ឺននាក់ទេ ប៉ុន្តែក៏នឹងបញ្ជូនយន្តហោះទៅផងដែរ។ លោកអះអាងថា «យើងគាំទ្រអ៊ុយក្រែនទាំងជើងគោកនិងអាកាស ជាមួយប្រទេសអឺរ៉ុបផ្សេងទៀត»។

យ៉ាងណាក្តី ពាក់ព័ន្ធបញ្ហានេះ រុស្ស៊ីតែងព្រមានថា បើអឺរ៉ុបពិតជាដាក់កងរក្សាសន្តិភាពនៅ អ៊ុយក្រែនមែននោះ វានឹងបង្កឲ្យមានសង្គ្រាមធំរវាងណាតូ ជាមួយរុស្ស៊ីជាក់ជាមិនខានឡើយ។

សូមជម្រាបថា នេះមិនមែនទើបលើកដំបូងឡើយដែលរុស្ស៊ីព្រមានផ្ទុះសង្គ្រាមលោក បើណាតូ បញ្ជូនទ័ពទៅអ៊ុយក្រែន។ ជាក់ស្តែង អនុប្រធានក្រុមប្រឹក្សាសន្តិសុខ លោក Dmitry Medvedev ក៏ធ្លាប់គំរាមដូច្នេះដែរកាលពីខែមីនា។

កាលនោះ លោក Medvedev ព្រមានថា «នាយករដ្ឋមន្ត្រីអង់គ្លេសនិងប្រធានាធិបតីបារាំង ពិតជាឆោតល្ងង់ណាស់។ ពួកគេចង់បញ្ជូនទ័ពនិងជំនួយយោធាទៅឲ្យរដ្ឋណាស៊ីសម័យទំនើបនៅទីក្រុងកៀវ។ នោះមានន័យថា សង្គ្រាមជាមួយណាតូនឹងផ្ទុះឡើង។ ពួកគេគួរពិគ្រោះយោបល់ជាមួយប្រធានាធិបតីអាមេរិក ដូណាល់ ត្រាំ សិនទៅ»៕

អត្ថបទ៖ សុខ សុវណ្ណ

ចុចអាន៖ អ្នកវិភាគអន្តរជាតិ លើកចំណុចធំ១ ដែល ពូទីន នឹងបញ្ឆេះសង្គ្រាមលោកលើកទី៣

The post រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន appeared first on Kampuchea Thmey Daily.

​នៅ​ថ្ងៃចន្ទ អតី​​ត​រដ្ឋមន្ត្រី​ការ​ពារជាតិរុស្ស៊ី និង​បច្ចុប្បន្ន​ជា​​លេខាធិការក្រុមប្រឹក្សាសន្តិសុខ លោក Sergey Shoigu ​បានជួបពិភាក្សា​ជាមួយ​​ឧបនាយករដ្ឋមន្ត្រី​របស់​អាហ្វហ្គានីស្ថាន​ លោក Mohammed Abdul Kabir និង​ប្រមុខដឹកនាំ​ក្រុម​តាលីបង់​​ច្រើន​ទៀតដូច​ជា​រដ្ឋមន្ត្រី​ក្រសួង​ការពារជាតិ​តាលីបង់​ជាដើម​​ ដោយ​រុស្ស៊ីមានបំណងអភិវឌ្ឍកិច្ចសហប្រតិបត្តិការទ្វេភាគីជាមួយអាហ្វហ្គានីស្ថានក្នុងវិស័យផ្សេងៗ​រួ​មមាន​ ការ​ប្រឈមបញ្ហាសន្តិសុខ​ផង​ដែរ​​​។ នេះ​បើ​យោង​​ទីភ្នាក់ងារ​​​​ព័ត៌មាន​រុស្ស៊ី​ TASS។

ក្នុង​ដំណើរ​ទស្សនកិច្ចទៅកាន់ប្រទេសអាហ្វហ្គានីស្ថានកាលពីថ្ងៃចន្ទ ​លោក Shoigu បានជួបជាមួយថ្នាក់ដឹកនាំកំពូលរបស់ប្រទេស​អាហ្វហ្គា​នីស្ថាន​ ​ដោយ​បាន​​​ចរចា​​លើ​​បញ្ហា​សេដ្ឋកិច្ច ការដឹកជញ្ជូន និង​សន្តិសុខ​ជាមួយ​ឧបនាយករដ្ឋមន្ត្រី និង​រដ្ឋមន្ត្រី​​ចំនួន​៤​ផ្សេង​គ្នា​។

លោក Shoigu បាននិយាយថា៖«យើងមានបំណងអភិវឌ្ឍកិច្ចសហប្រតិបត្តិការទ្វេភាគីរវាងរុស្ស៊ី និងអាហ្វហ្គានីស្ថានលើវិស័យជាច្រើន។ ខ្ញុំបញ្ជាក់ពីការត្រៀមខ្លួនរបស់យើងក្នុងការបង្កើតកិច្ចពិភាក្សានយោបាយប្រកបដោយការស្ថាបនារវាងប្រទេសរបស់យើង រួមទាំងក្នុងគោលបំណងផ្តល់កម្លាំងរុញច្រានដល់ដំណើរការនៃដំណោះស្រាយផ្ទៃក្នុងអាហ្វហ្គានីស្ថាន»។

ទស្សនកិច្ច​​​របស់​​​ប្រមុខដឹកនាំ​ជាន់​ខ្ពស់រុស្ស៊ី​​នាពេល​នេះ ចំពេលដែលសង្គ្រាម​​​រុស្ស៊ី​-អ៊ុយក្រែន​​​កើន​​ឡើង​​យ៉ាង​ខ្លាំង ដោយសារ​តែ​​ការបង្កើន​​ការ​បាញ់ផ្លោង​ដោយ​មីស៊ីល​​របស់​រុស្ស៊ី​នៅ​​ទូទាំង​ប្រទេស​អ៊ុយក្រែន ជាពិសេស​ការ​ប្រើប្រាស់មីស៊ីល​​​ដ៏​មាន​ឥទ្ធិពល​​មិនធ្លាប់​ប្រើប្រាស់ គឹ​មីស៊ីល​ Oreshnik ទៅ​លើ​រោង​ចក្រ​ឧស្សាហកម្មផលិត​សម្ភារៈយោធារបស់​អ៊ុយក្រែន​កាល​ពីថ្ងៃព្រហស្បតិ៍​សប្តាហ៍មុន​។

​ប្រធានាធិបតី​អ៊ុយក្រែន លោក វ៉ុលឌីមៀ ហ្សេលេនស្គី បាន​និយាយ​​នៅ​ថ្ងៃចន្ទ​ថា ប្រទេសរុស្ស៊ី​បាន​ប្រើប្រាស់​យន្តហោះ​គ្មាន​មនុស្ស​​​បើក (ដ្រូន)​ ម៉ាក Shahed ៥០០គ្រឿង​ក្នុង​សប្តាហ៍​កន្លងទៅដើម្បី​បាញ់​ទៅលើ​ទឹកដីអ៊ុយក្រែន​។​ ដូ្រន Shahed ត្រូវ​បាន​​​ផ្តល់​ដោយ​ប្រទេស​អ៊ីរ៉ង់​​​​សម្រាប់​សង្គ្រាម​នៅអ៊ុយក្រែន។ លើសពី​នេះ រុស្ស៊ី​បាន​បង្កើត​រោងចក្រ​ចំនួន​២ ដើម្បី​ផលិត​ដ្រូន​ប្រភេទ​នេះ​សម្រាប់​សង្គ្រាម។

មិនត្រឹម​ទទួល​បាន​ការ​ផ្គត់ផ្គង់​សម្ភារៈយោធា​​ពីសម្ព័ន្ធ​មិត្ត​អ៊ីរ៉ង់​នោះទេ រុស្ស៊ី​ក៏ទទួលបាន​ការ​ផ្គត់ផ្គង់​​យោធា​ពីកូរ៉េ​ខាងជើរ​ប្រមាណ​១០០០០​នាក់​សម្រាប់​សង្គ្រាម​​នៅ​​អ៊ុយក្រែនផង​ដែរ។

ដំណើរ​ទៅ​កាន់​ប្រទេស​អាហ្វហ្គានីស្ថាន​​ របស់​ប្រមុខ​ដឹកនាំ​ជាន់ខ្ពស់​រុស្ស៊ី​​នាពេល​នេះ ត្រូវ​បាន​អ្នក​ជំនាញ​​​កិច្ច​ការ​អន្តរជាតិ​មើល​ឃើញថា រុស្ស៊ី​​​ទំនង​​បញ្ចុះ​​បញ្ចូល​​​រដ្ឋាភិបាល​តាលីបាន ឲ្យ​បញ្ជូន​កង​ទ័ព​​​ទៅ​ជួយ​​រុស្ស៊ីថែមទៀត ខណៈ​​ក្រុម​តាលីបាន​​កំពុង​​ប្រឈម​ទណ្ឌកម្ម​របស់​លោក​ខាងលិចស្រាប់​ផង​នោះ។

ក្នុងសម័យ​កាល​អតីតសហភាព​សូវៀតចន្លោះឆ្នាំ​១៩៧៩ ដល់​១៩៨៩ អាហ្វហ្គា​នីស្ថាន​ជា​​ប្រទេស​​ប្រយុទ្ធ​ប្រឆាំង​ការ​​​គ្រប់​គ្រង​ដោយ​រដ្ឋាភិបាល​​​ដែល​ទទួល​ការ​គាំទ្រ​​ដោយ​សហភាព​សូវៀត ហើយ​សង្គ្រាម​បាន​​​ផ្ទុះ​ឡើង​យ៉ាងខ្លាំង។ សង្គ្រាម​​របស់​សហភាព​សូវៀតណាមនៅ​អហ្វហ្គានីស្ថាន បាន​ធ្វើ​ឲ្យ​​សហភាព​សូវៀត​បាក់​មុខ​មាត់​នៅ​លើ​ឆាក​អន្តរជាតិ និង​ឈាន​ទៅ​ដួល​រលំ​នៅ​ឆ្នាំ​១៩៩១ ពោល​គឺ​២ឆ្នាំ​ក្រោយ​ការ​ដក​កងទ័ព​ចេញ​ពី​​អាហ្វហ្គានីស្ថាន។

យោង​តាមឯកសារ​ប្រវត្តិសាស្ត្រ ក្នុងសង្គ្រាម​​រយៈពេល​​១​ទសវត្សរ៍​នោះ សហភាព​សូវៀត​បាន​បាត់​បង់​​កម្លាំង​យោងធា​​​ប្រមាណ​១៥០០០​នាក់ ខណៈ​ខាងភាគី​អាហ្វហ្គានីស្ថាន​ត្រូវ​គេ​រាយការណ៍ថា បាន​បាត់​បង់​បុរស​​ប្រមាណ​២លាន​នាក់៕​

ដោយ រ៉ាន់ រើយ​

The post រុស្ស៊ី​​​ទំនង​​អូសទាញ​រដ្ឋាភិបាល​តាលីបង់របស់​អាហ្វហ្គានីស្ថាន​​ឲ្យ​ចូលរួម​សង្គ្រាម​នៅ​អ៊ុយក្រែន​​ appeared first on Kampuchea Thmey Daily.

លោកនិយាយថា កងកម្លាំងរុស្ស៊ី បាននិងកំពុងរារាំងការប៉ុនប៉ងរបស់ទីក្រុងកៀវ ក្នុងការបំបែកខែលការពាររបស់ពួកគេ និងបន្តបំបាក់យោធាអ៊ុយក្រែន ហើយទាហាន​អ៊ុយក្រែន នាំគ្នារត់ប្រាស់អាយុបន្ទាប់​ពី​ដឹង​ថា ​ការ​វាយបករបស់ពួកគេ​ ​ឥត​ប្រយោជន៍។

កន្លងមក រដ្ឋមន្ត្រីរូបនេះក៏បានចេញការវាយតម្លៃចុងក្រោយអំពីជនរងគ្រោះខាងអ៊ុយក្រែនផងដែរកាលពីចុងខែតុលា ដែលនៅពេលនោះលោកនិយាយថា ទាហានទីក្រុងកៀវលើស ៨០,០០០ នាក់បានបាត់បង់ជីវិត ចាប់តាំងពីអ៊ុយក្រែនបើកការវាយបកនៅដើមខែកក្កដា ។

របាយការណ៍របស់លោក Shoigu កើតមានឡើង បន្ទាប់ពីរដ្ឋមន្ត្រីការពារជាតិអាមេរិក លោក Lloyd Austin បានទៅបំពេញទស្សនកិច្ចនៅទីក្រុងកៀវ ដើម្បីជួបលោក Zelensky និងប្រកាសអំពីកញ្ចប់ជំនួយយោធាចុងក្រោយបង្អស់របស់ទីក្រុងវ៉ាស៊ីនតោន ដែលមានតម្លៃប្រហែល ១០០ លានដុល្លារ។

ទោះបីជាយ៉ាងណាក៏ដោយ មន្ទីរបញ្ចកោណព្រមានថា ខ្លួនជិតអស់លុយដែលអនុម័តដោយសភា ដើម្បីចំណាយលើអ៊ុយក្រែនហើយ ។

កាល​ពី​ថ្ងៃ​អង្គារ មេដឹកនាំ​អ៊ុយក្រែន ​បាន​ស្វាគមន៍​ឥស្សរជន​បរទេស​បន្ថែម​ទៀត​នៅ​ក្នុង​រដ្ឋធានី រួម​មាន​រដ្ឋមន្ត្រី​ការពារជាតិ​អាល្លឺម៉ង់ លោក Boris Pistorius, ប្រធាន​ក្រុមប្រឹក្សា​អឺរ៉ុប លោក Charles Michel និង​ប្រធានាធិបតី​ម៉ុលដាវី លោកស្រី Maia Sandu។

ប្រទេសនេះ កំពុងប្រារព្ធខួបលើកទី១០នៃអ្វីដែលទីក្រុងកៀវ ហៅថាជា “បដិវត្តន៍សេចក្តីថ្លៃថ្នូរ” ដែលជាការតវ៉ាដ៏ធំ និងការផ្តួលរំលំរដ្ឋាភិបាលជាប់ឆ្នោតតាមបែបប្រជាធិបតេយ្យរបស់អ៊ុយក្រែន ហើយទីបំផុតនាំទៅដល់ការប្រឈមមុខដាក់គ្នានាពេលបច្ចុប្បន្នជាមួយរុស្ស៊ី៕

ប្រែសម្រួល៖ Vann Vann

ប្រភព៖ RT

ចុចអាន៖ លោក Zelensky ទម្លាយថា គាត់រួចជីវិត ពីការប៉ុនប៉ងធ្វើឃាតរបស់រុស្ស៊ី ៦ដង

The post រុស្ស៊ី ថា មួយខែ អ៊ុយក្រែន ស្លាប់ទាហានជាង ១៣៧០០នាក់ និងខ្ទេចរថក្រោះ ១៨០០គ្រឿង  appeared first on Kampuchea Thmey Daily.

រដ្ឋមន្ត្រីរូបនេះបាននិយាយក្នុងអំឡុងកិច្ចប្រជុំរដ្ឋាភិបាល កាលពីថ្ងៃពុធទី១ខែវិច្ឆិកាថា “ទោះបីជាអង្គការណាតូ ផ្គត់ផ្គង់អាវុធប្រភេទថ្មីដល់អ៊ុយក្រែនក៏ដោយ ក៏ទីក្រុងកៀវ នៅតែចាញ់ដែរ។ កងកម្លាំងរុស្ស៊ី បានបន្តធ្វើកិច្ចការពារយ៉ាងសកម្ម ដោយបង្កការខូចខាតដល់សត្រូវយ៉ាងមានប្រសិទ្ធភាព”។

ទន្ទឹមនោះ លោក Shoigu បានគូសបញ្ជាក់យ៉ាងពិសេស អំពីជោគជ័យរបស់កងទ័ពការពារដែនអាកាសរុស្ស៊ី ដោយបានសរសើរពួកគេ សម្រាប់ការស្ទាក់ចាប់សព្វាវុធអ៊ុយក្រែនសរុប ១៤០០។ ក្នុងនោះក៏មានទាំង​យន្តហោះ ៣៧គ្រឿង និង​មីស៊ីល​យុទ្ធសាស្ត្រ ATACMS ៦គ្រាប់ផងដែរ។

រដ្ឋាភិបាលលោកខាងលិច បានប្តេជ្ញាថានឹងគាំទ្រអ៊ុយក្រែនជារៀងរហូត ដើម្បីកម្ចាត់រុស្ស៊ីនៅលើសមរភូមិ ប៉ុន្តែមកទល់ពេលនេះ នៅតែមានមន្ទិលសង្ស័យ ថាតើពួកគេអាចមានសមត្ថភាពជួយអ៊ុយក្រែន ដូចដែលសន្យាដែរឬទេ។

ជម្លោះនៅមជ្ឈិមបូព៌ា ដែលបានផ្ទុះឡើងកាលពីខែមុន និងបណ្តាលអ៊ីស្រាអែល មានតម្រូវការអាវុធកាន់តែខ្ពស់នោះ បានធ្វើឲ្យបណ្តាប្រទេសលោកខាងលិចមួយចំនួន កាត់បន្ថយការផ្តល់ជំនួយដល់អ៊ុយក្រែន៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី ថា លោកខាងលិច មានបំណងពង្រីកជម្លោះយោធាបច្ចុប្បន្ន មកកាន់តំបន់អាស៊ីប៉ាស៊ីហ្វិក

The post រុស្ស៊ី ប្រកាសថា អ៊ុយក្រែន ចាញ់ហើយ! appeared first on Kampuchea Thmey Daily.

លោកថ្លែងបែបនេះ អំឡុងវេទិកា Xiangshan ក្នុងទីក្រុងប៉េកាំង ដែលជាព្រឹត្តិការណ៍ការទូតយោធាប្រចាំឆ្នាំដ៏ធំបំផុតរបស់ប្រទេសចិន នៅថ្ងៃចន្ទទី៣០ខែតុលា។

លោក Shoigu និយាយថា “ជាមួយនឹងការរៀបចំវិបត្តិយ៉ាងស្រួចស្រាវនៅអឺរ៉ុប ឥឡូវលោកខាងលិចកំពុងសម្លឹងមើល ការរីករាលដាលរបស់វិបត្តិនេះ ទៅកាន់តំបន់អាស៊ីប៉ាស៊ីហ្វិក និងអាចលើសពីនេះទៀត នៅក្នុងទិសដៅជាច្រើន”។

លោកសង្កត់ធ្ងន់ថា ការចូលរួមដោយផ្ទាល់ពីរដ្ឋប្រដាប់អាវុធនុយក្លេអ៊ែរនៅក្នុងការប្រឈមមុខនឹងបង្កជាហានិភ័យជាយុទ្ធសាស្ត្រកាន់តែធំ។

មិនត្រឹមប៉ុណ្ណឹង រដ្ឋមន្ត្រីរុស្ស៊ីបានកត់សម្គាល់ថា ថ្មីៗនេះលោកខាងលិច បាននិងកំពុងព្យាយា​មយ៉ាងសកម្ម នូវលទ្ធភាពដាក់ពង្រាយយោធារបស់ខ្លួនទៅកាន់តំបន់ ក្រោមហេតុផលនៃការបង្កើតសម្ព័ន្ធភាពសន្តិសុខ អឺរ៉ូអាត្លង់ទិក និងឥណ្ឌូប៉ាស៊ីហ្វិក ដើម្បីបង្ហាញអំពីភាពត្រឹមត្រូវនៃវត្តមានមូលដ្ឋានទ័ពរបស់អង្គការណាតូ នៅក្នុងតំបន់អាស៊ី។ វិធីសាស្រ្តបែបនេះ ធ្វើឲ្យប៉ះពាល់យ៉ាងខ្លាំង ដល់គោលការណ៍សន្តិសុខបង្រួបបង្រួម ដែលលើកកម្ពស់ដោយរុស្ស៊ីនិងចិន។

ភាពតានតឹងនៅក្នុងតំបន់អាស៊ីប៉ាស៊ីហ្វិក បាននិងកំពុងកើនឡើងខ្ពស់នាពេលថ្មីៗនេះ ដែលបណ្តាលមកពីការប្រឈមមុខដាក់គ្នាលើបញ្ហាកោះតៃវ៉ាន់ រវាងសហរដ្ឋអាមេរិកនិងចិន។

កាលពីពេលថ្មីៗនេះ រដ្ឋាភិបាលក្រុងវ៉ាស៊ីនតោន បានយល់ព្រមលក់ឧបករណ៍យោធាតម្លៃ ៤៤០លានដុល្លារទៅឲ្យតៃវ៉ាន់ ដែលជាទង្វើមួយដែលត្រូវបានទីក្រុងប៉េកាំងថ្កោលទោសយ៉ាងខ្លាំង៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី ទាត់ចោលការចុះផ្សាយរបស់សារព័ត៌មានលោកខាងលិចថា លោក ពូទីន បាត់បង់ជីវិត ដោយសារគាំងបេះដូង

The post រុស្ស៊ី ថា លោកខាងលិច មានបំណងពង្រីកជម្លោះយោធាបច្ចុប្បន្ន មកកាន់តំបន់អាស៊ីប៉ាស៊ីហ្វិក appeared first on Kampuchea Thmey Daily.

លោក សយហ្គូ បាននិយាយក្នុងសុន្ទរកថាជាវីដេអូមួយថា “ក្នុងរយៈពេលបីថ្ងៃ អ៊ុយក្រែនបានចាប់ផ្តើមការវាយលុកដែលគេប្តេជ្ញាជាយូរមកហើយ នៅតាមសមរភូមិជួរខាងមុខ ដោយមានយោធា និងគ្រឿងសឹកជាច្រើនសម្រាប់គោលបំណងនោះ”។

លោក សយហ្គូ បន្តថា គិតចាប់តាំងពីថ្ងៃទី៤ខែមិថុនាមក អ៊ុយក្រែន បានបាត់បង់កម្លាំងប្រដាប់អាវុធដូចជា ទាហាន ៣,៧១៥ នាក់ រថក្រោះ ៥២ គ្រឿង រថពាសដែក ២០៧ គ្រឿង រថយន្ត ១៣៤ គ្រឿង យន្តហោះ ៥ គ្រឿង ឧទ្ធម្ភាគចក្រ ២ គ្រឿង កាំភ្លើងធំ ៤៨ គ្រឿង និងយន្តហោះដ្រូន ៥៣ គ្រឿង។

ចំណែក ខាងរុស្ស៊ីវិញ បានបាត់ទាហានចំនួន ៧១ នាក់ និងរបួស ២១០ នាក់ ហើយខ្ទេចរថក្រោះ ១៥ គ្រឿង រថពាសដែក ៩ គ្រឿង រថយន្ត ២ គ្រឿង និងកាំភ្លើងធំ ៩ គ្រឿង។

គួរបញ្ជក់ថា ការប្រយុទ្ធគ្នាខ្លាំងបំផុត បានកើតឡើងកាលពីថ្ងៃចន្ទ ដោយកងពលតូចអ៊ុយក្រែនចំនួន ៥ បានវាយប្រហារលើសមរភូមិជួរមុខចំនួន ៧ កន្លែង។

លោក សយហ្គូ គូសបញ្ជាក់ថា គ្រាន់តែក្នុងការប៉ះទង្គិចគ្នាត្រឹមមួយថ្ងៃនោះ អ៊ុយក្រែនបានបាត់បង់ទាហានដល់ទៅជាង ១,៦០០ នាក់ និងខ្ទេចរថយន្ត ១៣៦ គ្រឿងឯណោះ ហើយក្នុង​ចំណោម​រថក្រោះ​ចំនួន​ ២៨ ​គ្រឿង​ដែល​ត្រូវ​បាន​បំផ្លាញ មាន​ ៨ ​គ្រឿង​ជា​រថក្រោះ​ផលិត​ដោយ​អាល្លឺម៉ង់ និង​ ៣ គ្រឿង​ទៀត​ជារបស់បារាំង៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី បង្អួតកម្លាំងយោធាទ្រង់ទ្រាយធំ នៅសមុទ្របាល់ទិក និងមហាសមុទ្រប៉ាស៊ីហ្វិក

The post រុស្ស៊ី បង្ហាញទំហំនៃការខូចខាត និងចំនួនអ្នកស្លាប់ ក្នុងសមរភូមិ appeared first on Kampuchea Thmey Daily.

លោកពន្យល់ថា “ការយកបានទីក្រុង Artyomovsk នឹងអនុញ្ញាតឲ្យមានសកម្មភាពវាយលុកបន្ថែមទៀត ចូលទៅក្នុងបន្ទាយការពាររបស់កងកម្លាំងប្រដាប់អាវុធអ៊ុយក្រែន”។

ទីក្រុង Artyomovsk បានជួបប្រទះការប្រយុទ្ធដ៏ឃោរឃៅបំផុត ចំពេលយុទ្ធនាការយោធាដែលកំពុងបន្តរបស់រុស្ស៊ីនៅក្នុងប្រទេសអ៊ុយក្រែន។ ទីក្រុងនេះ គឺជាផ្នែកមួយនៃខែលការពារចម្ងាយ៧០គីឡូម៉ែត្រ ដែលបង្កើតឡើងដោយទីក្រុងកៀវ ចាប់តាំងពីការចាប់ផ្តើមប្រយុទ្ធនៅ Donbass ក្នុងឆ្នាំ២០១៤។

ក្នុង​យុទ្ធនាការ​រយៈពេល​មួយ​ខែ កងកម្លាំង​រុស្ស៊ី​ បាន​ដណ្តើម​យកទីតាំង​ជា​ប្រព័ន្ធ ​ជុំវិញ​ទីក្រុង និង​បាន​ឡោមព័ទ្ធ​ទីក្រុង Artyomovsk ពី​ខាងជើង ខាងត្បូង និង​ខាងកើត​។

ទន្ទឹមនឹងនោះ ប្រធានាធិបតីអ៊ុយក្រែន លោក Vladimir Zelensky បានទទូចម្តងហើយម្តងទៀតថា លោកនឹងមិនចោលទីក្រុងនេះទេ ថ្វីបើអ្នកគាំទ្រលោកខាងលិច និងទីប្រឹក្សាយោធា បានជំរុញឲ្យ ដកថយក៏ដោយ៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី គូសបន្ទាត់ក្រហម បើ ណាតូ ហ៊ានឆ្លង នោះនឹងក្លាយជាការចូលរួមសង្គ្រាមដោយផ្ទាល់

The post រុស្សី គូសបញ្ជាក់ពីសារសំខាន់ របស់ទីក្រុងក្នុងតំបន់ Donbass appeared first on Kampuchea Thmey Daily.