ព័ត៌មានអន្ដរជាតិ
រុស្ស៊ី បង្អួតកម្លាំងយោធាទ្រង់ទ្រាយធំ នៅសមុទ្របាល់ទិក និងមហាសមុទ្រប៉ាស៊ីហ្វិក
កាលពីថ្ងៃអង្គារ ទី៦ ខែមិថុនា លោកប្រធានាធិបតីរុស្ស៊ី វ្ល៉ាឌីមៀរ ពូទីន បានធ្វើការបង្ហាញកម្លាំងយោធាដ៏ធំ នៅក្នុងសមុទ្របាល់ទិក និងមហាសមុទ្រប៉ាស៊ីហ្វិក ខណៈសង្គ្រាមនៅអ៊ុយក្រែន កំពុងបន្ត។
នាវាចម្បាំងប្រហែល ៤០ គ្រឿង និងយន្តហោះ ២៥ គ្រឿង បានចូលរួមក្នុងសមយុទ្ធកងទ័ពជើងទឹកនៅសមុទ្របាល់ទិក ជាមួយយោធាប្រហែល ៣,៥០០ នាក់ក្នុងសមយុទ្ធដែលគ្រោងនឹងបន្តរហូតដល់ថ្ងៃទី១៥ ខែមិថុនា ។
គួរបញ្ជាក់ថា រុស្ស៊ី មានព្រំដែនសមុទ្រ ជាមួយប្រទេសជាសម្ព័ន្ធមិត្តអាត្លង់ទិកខាងជើងចំនួន៧ បូករួមទាំងស៊ុយអែត ដែលនឹងក្លាយជាសមាជិកណាតូក្នុងពេលឆាប់ៗនេះផងដែរ។ ប្រទេសសម្ព័ន្ធមិត្តទាំងប្រាំពីរដែលមានព្រំប្រទល់ជាប់សមុទ្របាល់ទិកគឺ ដាណឺម៉ាក ហ្វាំងឡង់ អេស្តូនី ឡាតវី លីទុយអានី ប៉ូឡូញ និងអាល្លឺម៉ង់។
សមយុទ្ធរបស់រុស្ស៊ីនេះ កើតឡើងត្រឹមមួយថ្ងៃប៉ុណ្ណោះ បន្ទាប់ពីប្រទេសជាសមាជិកណាតូ ចាប់ផ្តើមសមយុទ្ធបាល់ទិកប្រចាំឆ្នាំរៀងៗខ្លួន។
អ្នកនាំពាក្យក្រសួងការពារជាតិរុស្ស៊ីបានប្រាប់អ្នកសារព័ត៌មានថា “សមយុទ្ធប្រតិបត្តិការជាមួយក្រុមកងនាវាចរដែលបញ្ជាដោយមេបញ្ជាការកងនាវាចរបាល់ទិក អនុឧត្តមនាវីឯក Vladimir Vorobyov គឺបានចាប់ផ្តើមកាលពីថ្ងៃទី៥ ខែមិថុនានៅសមុទ្របាល់ទិក និងនៅទីលានហ្វឹកហាត់ប្រយុទ្ធក្នុងតំបន់ Kaliningrad”។
ចំណែកនៅតំបន់ចុងបូព៌ារុស្សីឯណោះវិញ នាវាកងទ័ពជើងទឹក និងនាវាជំនួយជាង ៦០ គ្រឿងព្រមទាំងយន្តហោះ ៣៥ គ្រឿង ក៏ដូចជាកងទ័ពជាង ១១,០០០ នាក់ ក៏ត្រូវបានបញ្ជូនទៅធ្វើសមយុទ្ធសង្គ្រាមយុទ្ធសាស្ត្រនៅសមុទ្រជប៉ុន និង Okhotsk ដែលចាប់ផ្តើមពីថ្ងៃទី៥ ដល់ថ្ងៃទី២០ ខែមិថុនា ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ៣៦ប្រទេស ចាប់ផ្តើមសមយុទ្ធជើងទឹក នៅឥណ្ឌូណេស៊ី ចំពេលតំបន់អាស៊ីប៉ាស៊ីហ្វិក កំពុងតានតឹងខ្លាំង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង