បច្ចេកវិទ្យា

ជំនាញទីផ្សារឌីជីថល៖ ផ្សាយលើបណ្ដាញសង្គមដោយមិនចាយលុយ Boost

បានផុស

៣ years មុន

នៅ

ថ្ងៃអង្គារ ៨ ធ្នូ ២០២០

ដោយ

ជារៀងរាល់ថ្ងៃ មានអត្ថបទប្រមាណជាងមួយលាន ដែលត្រូវបានផ្សព្វផ្សាយនៅលើ អ៊ីនធឺណិត។ Google រកឃើញថា ៧៥ ភាគរយ នៃការចុះផ្សាយ លើប្លក់ពុំមានបណ្ដាញភ្ជាប់ទៅដល់អ្នកដែលត្រូវការមើលទេ ហើយច្រើនជាងពាក់កណ្ដាលទៀត ដែលមិនធ្លាប់ស៊ែរបន្តទៅលើហ្វេសប៊ុកឬហ្វេសប៊ុកមិនបញ្ជូនចេញឲ្យ។

ស្ដាប់ទៅដូចជាមនុស្សភាគច្រើនកំពុងបាននិងខ្ជះខ្ជាយពេលវេលារបស់ពួកគេ ទាំងលើការចំណាយផលិតមាតិកាខ្សោយៗ ឬផលិតល្អដែរ តែមិនបានបញ្ជូនចេញទូលំទូលាយ។

របៀបប្រើឧបករណ៍ឌីជីថលបញ្ជូនមាតិកាកើនចំនួនអតិថិជនដោយមិនអាចប្រកែកបាន គ្រប់តែគ្នា ត្រូវតែមានឧបករណ៍ទីផ្សារឌីជីថលដើម្បីជួយឲ្យរីកចម្រើនព្រោះថាបណ្តា អ្នកទីផ្សារឌីជីថលសព្វថ្ងៃរស់នៅនិងស្លាប់ដោយឧបករណ៍ដែលគេប្រើ។ មិនថាយើងកំពុងជីករកទិន្នន័យឬកែសម្រួលវត្តមានបណ្ដាញសង្គមរបស់យើង បើពឹងផ្អែកលើឧបករណ៍ទីផ្សារឌីជីថលត្រឹមត្រូវ មានន័យថា សន្សំសំចៃ ពេលវេលានិងរក្សាអនាម័យ (ក្រេឌីត) របស់យើង។ ហេតុអ្វីក្រេឌីតសំខាន់? ព្រោះថ្ងៃណាមួយយើងនឹងត្រូវ Google ដាក់ទណ្ឌកម្មរហូតបិទចោល ដោយសារគំនិត ចម្លង រូបលួចបន្លំ និងច្រើនទៀត ដែលជាច្បាប់ដ៏តឹងរ៉ឹងលើអនឡាញ។

បញ្ជីឧបករណ៍ដែលមានតម្លៃសម្រាប់អ្នកទីផ្សារប្រើប្រាស់មានប្រសិទ្ធភាពលើអនឡាញ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រុមអ្នកធ្វើទីផ្សារទាំងអស់នាពេលឥឡូវ កំពុងរៀនដូចតែយើងដែរទេ សំខាន់ឌីជីថលជារបត់ថ្មី តើអ្នកណាម្នាក់អាចមានបទពិសោធន៍ខ្ពស់ជាអ្នកណាទៅ? ឧបករណ៍នានាលើទីផ្សារ រួមមាន SEO និ ងទិន្នន័យអនឡាញដទៃ ត្រូវបានបង្កើតឡើងពេលដែលយើងដឹងស្មើៗគ្នាទេ ខុសត្រង់ អ្នកខ្លះចង់ប្រើវិធីត្រឹមត្រូវដោយការរៀនបណ្ដើរ ធ្វើបណ្ដើរ អ្នកខ្លះចង់ឆាប់ជោគជ័យដោយលួចបន្លំ។

ប្រសិនបើយើងជាអ្នកទីផ្សារស្ថិតនៅលើក្រុមហ៊ុនទំហំតូច កម្រិតសហគ្រាសយើងអាចសាកធ្វើខ្លួនឯង មិនចាំបាច់ទិញគេឬប្រើអ្នកជំនាញទេ។

ឧបករណ៍ទីផ្សារឌីជីថលដែលងាយប្រើនិងរៀនបានរហ័សតាមការអនុវត្តគឺ៖
ប្រព័ន្ធផ្សព្វផ្សាយសង្គមសរីរាង្គ(មិនBoost)

គិតត្រឹមខែកញ្ញាឆ្នាំ ២០១៧ ហ្វេសប៊ុកមានអ្នកប្រើប្រាស់សកម្មប្រចាំខែជាង ២ ពាន់លាននាក់ធ្វីតធ័រមាន ៣២០ លាននាក់ហើយ Instagram មានជាង ៧០០ លាននាក់។ ដោយមានមនុស្សជាច្រើនចំណាយពេលច្រើនក្នុងបណ្ដាញនេះ ទាំងបីខាងលើបានក្លាយជាបណ្ដាញដ៏សំខាន់បំផុតសម្រាប់យីហោនានាផ្សព្វផ្សាយផលិតផលនិងសេវាកម្មខ្លួន។ នោះហើយជាមូលហេតុដែលឧបករណ៍គ្រប់គ្រងប្រព័ន្ធផ្សព្វផ្សាយសង្គមបានក្លាយជាគំរូនិងតម្រូវការសម្រាប់ទាំងក្រុមហ៊ុនធំទាំងតូច។

នៅពេលប្រព័ន្ធផ្សព្វផ្សាយសង្គមមានការវិវត្តរហ័សដូច្នេះ ការរំពឹងទុករបស់អតិថិជនទាក់ទងនឹងតម្លាភាពភាពត្រឹមត្រូវ និងការតភ្ជាប់ម៉ាកប្រេននានាមកក្នុងជីវិតពួកគេគឺជិតស្និទ្ធ។

ពួកគេផ្ដោតធ្ងន់លើមាតិកាអន្តរកម្មដែល ទាន់សម័យនិងច្បាស់លាស់ឧទាហរណ៍ បើអ្នកលក់ម្ហូបបញ្ចុះតម្លៃ២០ភាគរយកុំនិយាយបែបនេះហើយពេលគេចូលទៅចុះតែមួយមុខណាដែលគេមិនចង់ទិញ ហើយមុខផ្សេងទៀតគិតពេញធម្មតា នេះមិនអាចទៅរួចលើអនឡាញទេ។

និយាយអំពីការផ្សាយទំនិញ ផលិតផលឬសេវាកម្ម ដែលមិនចង់បង់ប្រាក់Boostយើងត្រូវការមនុស្សដែលគេចូលចិត្តច្រើនមកនិយាយជំនួស ឬ ត្រូវការឃ្លីបដែលល្អមើលមកឱ្យអ្នកមើលចូលចិត្តជួយស៊ែរ ចំណែកការប្រើអក្សរច្រើន ឬ និយាយបែបផ្លូវការទំនងជាមិនត្រូវនឹងមាតិកាផ្សាយហ្វ្រីឡើយ។

ដូច្នេះអ្វីដែលជាគន្លឹះដើម្បីឲ្យមាតិកាត្រូវបានមើលឃើញដោយមនុស្សគោលដៅ?

ឥឡូវនេះហ្វេសប៊ុកស្ទើរតែលែងជាបណ្ដាញរាប់អានស្មោះ តែជាការចំណាយសម្រាប់អាជីវកម្ម។ ជាមួយនឹងអាជីវកម្មខ្នាតតូចដែលសកម្មជាង ៥០ លានតួលេខនៅលើហ្វេសប៊ុក មាន៧៥ ភាគរយនៃម៉ាកទាំងនោះដែលនឹងចំណាយលុយដើម្បីផ្សព្វផ្សាយ Boost។

ការសម្រេចចិត្តថា គួរតែមិនBoost ហើយធានាបាននូវភាពជោគជ័យអតិបរមា គឺដោយពឹងផ្អែកលើចំនួនមាតិកាដើម(Original)យទាក់ទាញអារម្មណ៍ ដែលយ៉ាងហោចណាស់គួរមានផលិតឡើងមួយដងក្នុងមួយសប្តាហ៍។ ការបញ្ចេញទេពកោសល្យពិតៗ និងសម្ភាសន៍ជីវិតបុគ្គលដែលមិនចាំបាច់ត្រូវការboostទេ តែវានឹងដំណើរការយ៉ាងល្អដោយសារមនុស្សចូលចិត្តតែមាតិកាពិតនិងមានលក្ខណៈខុសប្លែកពីមាតិកាអ្នកផ្សេង។

ប្រសិនបើផុសរូបថត ហេតុអ្វីត្រូវពាក់អាវ ឬឈរស្ទីលដូចអ្នកដទៃ ឬចម្លងតាមក្រុមមនុស្សល្បីៗបើគេឃើញរួចម្ដងហើយ តើមានអ្នកណាចង់មកមើលមាតិកាយើងទៀត?

ប្រែសម្រួល៖ សុភា

ប្រភព CNBC/socialmediaexaminer

ចុចអាន៖អ្នកជំនាញស៉ើបដឹងការពិត រឿងសារចម្លែកភាសាចិន លើកម្មវិធី WhatsApp

ចុចអាន៖សម័យមេរោគ គំនិតដែលធ្លាប់មិនឲ្យតម្លៃលើបណ្ដាញបច្ចេកវិទ្យានឹងខកចិត្ត

Related Topics:បច្ចេកវិទ្យា