រថយន្ត Prius បុកម៉ូតូNex បណ្តាលឲ្យបុរស២នាក់ ស្លាប់ភ្លាមៗ នៅកន្លែងកើតហេតុ
Connect with us
Helistar Cambodia - Helicopter Charter Services

ចរាចរណ៍

រថយន្ត Prius បុកម៉ូតូNex បណ្តាលឲ្យបុរស២នាក់ ស្លាប់ភ្លាមៗ នៅកន្លែងកើតហេតុ

បានផុស

នៅ

បុរស២នាក់បានស្លាប់ភ្លាមៗ នៅនឹងកន្លែងកើតហេតុ ខណៈកំពុងជិះម៉ូតូស្រាប់តែមានរថយន្ត Toyota Prius មួយគ្រឿងបានបុកពេញទំហឹង កាលពីវេលាម៉ោង៩ និង២០នាទីយប់ថ្ងៃទី១៨ ខែកក្កដា ឆ្នាំ២០២១ ត្រង់ចំណុចខាងជើង ក្រសួងរៀបចំដែនដីនគរូបនីយកម្ម និងសំណង់ តាមបណ្ដោយផ្លូវហ្គ្រេនភ្នំពេញ ក្នុងសង្កាត់ស្វាយប៉ាក ខណ្ឌឬស្សីកែវ។ សពបុរសរងគ្រោះទាំង២នាក់ខាងលើ នៅមិនទាន់ស្គាល់អត្តសញ្ញាណនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មាន ពីកន្លែងកើតហេតុបានឲ្យដឹងថា មុនកើតហេតុ គេឃើញម៉ូតូមួយគ្រឿងម៉ាក Nex ពណ៌ស ពាក់ស្លាកលេខភ្នំពេញ1AF-2197 ជិះគ្នាពីរនាក់ទាំងអ្នកឌុប គ្នាធ្វើដំណើរតាមបណ្ដោយផ្លូវហ្គ្រេនភ្នំពេញ ទិសដៅពីត្បូងទៅជើង ខណៈដល់ចំណុចកើតហេតុ ក៏ត្រូវរថយន្តម៉ាក Toyota Prius ពណ៌ប្រផេះ ពាក់ស្លាកលេខភ្នំពេញ 2AQ-5612 ធ្វើដំណើរបញ្ច្រាស់គ្នា ហើយបុកម៉ូតូជនរងគ្រោះពេញទំហឹង អូសទៅចញ្ចើមផ្លូវ រងការខូចខាតទាំងស្រុង  និង​បណ្ដាលឲ្យបុរស២នាក់ ភាគីខាងម៉ូតូស្លាប់ភ្លាមៗនៅនិងកន្លែង។ ដោយឡែករថយន្តបង្ក បានរេចង្កូតទៅធ្លាក់ចូលក្នុងដីឡូត៍ ចំងាយប្រហែល៥០ម៉ែត្រ រងការខូចខាតផ្នែកខាងមុខយ៉ាងដំណំផងដែរ។

ក្រោយកើតហេតុ សមត្ថកិច្ចមូលដ្ឋានបានចុះមកដល់ និងបានទាក់ទងទៅជំនាញចរាចរណ៍ ឲ្យមកធ្វើការវាស់យករថយន្តបង្ក និងម៉ូតូ ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមក្រោយ។ ចំណែកឯសពជនរងគ្រោះទាំង២ ត្រូវបានក្រុមគ្រូពេទ្យដឹក យកទៅតម្កល់ទុកនៅវត្តទឹកថ្លាបណ្ដោះអាសន្ន ដើម្បីទាក់ទងទៅសាច់ញាតិ មកទទួលយកទៅធ្វើបុណ្យតាមប្រពៃណី៕ (ដោយ)៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

វ៉ាក់សាំង​ស៊ី​ណូ​វ៉ា​ក់ ១​លាន​ដូ​ស​បន្ថែម​ទៀត នឹង​មកដល់​កម្ពុជា​នៅ​ព្រឹកស្អែក​នេះ

ជីវិតកម្សាន្ដ១០ នាទី មុន

ភរិយា​ស្ដេច​ប្រដាល់ អេ ភូ​ថង បញ្ជាក់​ពី​ស្ថានភាព​ជំងឺ​ស្វាមី

សេចក្ដីជូនដំណឹង៤៥ នាទី មុន

សេចក្តីជូនដំណឹង ស្តីពីការងារ ជួសជុលផ្លូវ​មេតុង​មេ ដាក់លូ សាងសង់ក្បាលលូ និង​ដាក់​ស្លាកព័ត៌មាន នៅ​ភូមិតាគម ឃុំពាមឯក ស្រុកឯកភ្នំ ខេត្តបាត់ដំបង

សុខភាព៤៨ នាទី មុន

ទូរសព្ទដៃអាចជាភ្នាក់ងារចម្លងកូវីដ ខណៈវីរុសអាចលាក់ខ្លួនលើស្រ្គីនរហូត៤ថ្ងៃ

ព័ត៌មានជាតិ១ ម៉ោង មុន

ឈ្មួញនាំសត្វក្របីឆ្លងដែនទៅប្រទេសវៀតណាម ផ្គើននឹងបំរាមអាជ្ញាធរ

Sokha Hotels

ព័ត៌មានពេញនិយម

Helistar Cambodia - Helicopter Charter Services