ចរាចរណ៍
ជិះម៉ូតូបត់ឆ្លងផ្លូវមិនប្រយ័ត្ន ត្រូវម៉ូតូមួយគ្រឿងទៀតបុកស្លាប់ម្នាក់
មនុស្សចំណាស់ម្នាក់បានស្លាប់ និងពីរនាក់ទៀតរងរបួសស្រាលក្នុងហេតុការណ៍គ្រោះថ្នាក់ចរាចរណ៍ ម៉ូតូ២គ្រឿងបុកគ្នាក្នុងទិសដៅខ្វែងដូចគ្នា ។
ហេតុការណ៍ខាងលើនេះបានកើតឡើងនៅវេលាម៉ោង១៣និង៣០នាទី ថ្ងៃទី២៤ ខែសីហា ឆ្នាំ២០២២ នៅចំណុចមុខក្លោងទ្វារវត្តលាជលើផ្លូវជាតិលេខ៥ ចន្លោះគីឡូម៉ែត្រលេខ៥០និង៥១ ក្នុងភូមិលាជ ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង។
លោក នន ស៊ីណាត អធិការនគរបាលស្រុកកំពង់ត្រឡាច នៅល្ងាចថ្ងៃទី២៤ ខែសីហា បានអោយដឹងថា គ្រោះថ្នាក់ចរាចរណ៍នេះបានកើតឡើងរវាងម៉ូតូម៉ាកC100 កូរ៉េ ពណ៌ក្រហម ពាក់ផ្លាកលេខ កំពង់ឆ្នាំង1F-4964 អ្នកបើកបរឈ្មោះ ផាត់ សុផល ភេទប្រុស អាយុ៥៤ឆ្នាំ (គេច់ខ្លួន) រស់នៅភូមិកាអត ឃុំពានី ស្រុកកំពង់ត្រឡាច ខេត្តកំពង់ឆ្នាំង ដោយមានអ្នករួមដំណើរម្នាក់ឈ្មោះ អុល គង់ ភេទប្រុស អាយុ៦៤ឆ្នាំ (បានស្លាប់ពេលដឹកទៅសង្គ្រោះនីមន្ទីរពេទ្យ ) រស់នៅភូមិលាជ ឃុំអូឬស្សី ស្រុកកំពង់ត្រឡាច ខេត្តកំពង់ឆ្នាំង បើកបរតាមបណ្ដោយផ្លូវជាតិលេខ៥ ក្នុងពីទិសខាងជើងឆ្ពោះទៅទិសខាងត្បូង។ លុះមកដល់ចំណុចកើតហេតុបានបត់ឆ្វេង (ប្ដូរទិសផ្លូវមិនប្រុងប្រយ័ត្ន)ក៏បុកម៉ូតូម៉ាកហុងដាសេ 125 ពណ៌ខ្មៅ ពាក់ផ្លាកលេខកំពង់ឆ្នាំង1J-5382 អ្នកបើកបរឈ្មោះ យឹម រាមុល ភេទប្រុស អាយុ២៦ឆ្នាំ រស់នៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង បើកបរតាមបណ្ដោយផ្លូវជាតិលេខ៥ ក្នុងទិសខាងត្បូងឆ្ពោះទៅខាង ជើងក្នុងដំណើរខ្វែងទិសគ្នា ។
ករណីគ្រោះថ្នាក់នេះ បង្កឲ្យឈ្មោះ អុល គង់ ជាអ្នករួមដំណើរជិះពីក្រោយបានស្លាប់ក្នុងពេលដឹកបញ្ជូនទៅសង្គ្រោះនៅមន្ទីរពេទ្យខេត្តស្រុកកំពង់ត្រឡាច ។ ចំណែកឈ្មោះ ផាត សុផល (រត់គេចខ្លួន) និងឈ្មោះ យឹម រ៉ាមុល ជាអ្នកបើកបរម៉ូតូបានរងរបួសស្រាល និងម៉ូតូ២គ្រឿងបានខូចខាតស្រាល ត្រូវបានសមត្ថកិច្ចអូសយកទៅរក្សាទុកនៅអធិការដ្ឋាននគរបាលស្រុកកំពង់ត្រឡាច ដើម្បីកសាងសំណុំរឿងតាមនីតិវិធី។
ករណីនេះសមត្ថកិច្ចបានសន្និដ្ឋានថា បណ្ដាលមកពីកត្តាមនុស្ស គឺប្ដូរទិសផ្លូវបត់ឆ្វេងមិនប្រុងប្រយ័ត្ន៕
អត្ថបទ៖ ឈៀង ថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ