ចរាចរណ៍

បុរសម្នាក់ បើករថយន្តបុករបាំងថ្មចែកទ្រូងផ្លូវទៅមុខលែងរួច

បានផុស

២ years មុន

នៅ

ថ្ងៃអង្គារ ១០ ធ្នូ ២០២៤

ដោយ

អ៊ិន ពិសី

បុរសម្នាក់ បានបើករថយន្តទៅបុករបាំងថ្មពុះចែកទ្រូងផ្លូវ បណ្ដាលឲ្យរងការខូចខាតទាំងរថយន្ត និងរបាំងថ្ម ទាំងកណ្ដាលអធ្រាត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងកាលពីវេលាម៉ោង ១២ រំលងអធ្រាត្រ ឈានចូលថ្ងៃទី ១០ ខែធ្នូ ឆ្នាំ ២០២៤ តាមបណ្ដោយផ្លូវលេខ ១៨២ ស្ថិតក្នុងមូលដ្ឋានសង្កាត់ផ្សារដេប៉ូទី ១ ខណ្ឌទួលគោក រាជធានីភ្នំពេញ។

យោងតាមប្រភពព័ត៌មានពីបុរសម្ចាស់រថយន្តខាងលើ បានរៀបរាប់ឲ្យដឹងថា មុនពេលកើតហេតុ គាត់បានបើកបររថយន្ត Mazda BT-50 ពណ៌ស ពាក់ស្លាកលេខភ្នំពេញ 2BP.5246 តាមបណ្ដោយផ្លូវលេខ ១៨២ ទិសដៅពីលិចទៅកើត លុះមកដល់ចំណុចកើតហេតុ គាត់ក៏បានជ្រុះទូរស័ព្ទដៃទៅក្រោម ក៏ធ្វើសកម្មភាពឱនរើសទូរស័ព្ទនោះ បណ្ដាលឲ្យរេចង្កូតរថយន្តបុករបាំងថ្មពុះចែកទ្រូងផ្លូវ ទាំងកំរោលតែម្ដង។

ក្នុងហេតុការណ៍ខាងលើនេះបានបណ្ដាលឲ្យរថយន្តបង្ករងការខូចខាតផ្នែកខាងមុខ និងគាបជាប់ជាមួយរបាំងថ្មពុះចែកទ្រូងផ្លូវ។ ចំណែករបាំងថ្មពុះចែកទ្រូងផ្លូវ មិនបានរងការខូចខាតធ្ងន់ធ្ងរនោះទេ។

ក្រោយកើតហេតុសមត្ថកិច្ចមូលដ្ឋានសង្កាត់ផ្សារដេប៉ូទី ១ បានទាក់ទងទៅកាន់សមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង និងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំម្ចាស់រថយន្តចូលខ្លួនដោះស្រាយតាមនីតិវិធីច្បាប់នាពេលក្រោយ៕

អត្ថបទ ៖ ម៉េង