ចរាចរណ៍

រថយន្ត Lexus GS 300 បើកលឿនមិនប្រយ័ត្ន បុករបាំងថ្មពុះចែកទ្រូងផ្លូវបាក់ចំនួន ២ កង់

បានផុស

១ year មុន

នៅ

ថ្ងៃចន្ទ ១៦ ធ្នូ ២០២៤

ដោយ

បុរសម្នាក់ បើករថយន្តម៉ាក Lexus GS 300 ១ គ្រឿង បោះពួយយ៉ាងលឿន ខ្វះការប្រុងប្រយ័ត្ន ក៏បានរេចង្កូតជ្រុលទៅបុករបាំងថ្មពុះចែកទ្រូងផ្លូវបាក់ចំនួន ២ កង់ ហើយរថយន្តបង្កខូចខាតផ្នែកខាងមុខយ៉ាងដំណំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងកាលពីវេលាម៉ោង ១១ និង ៣០ នាទី យប់ ថ្ងៃទី ១៥ ខែធ្នូ ឆ្នាំ ២០២៤ ស្ថិតលើផ្លូវឧកញ៉ាម៉ុងរិទ្ធី សង្កាត់ទួលសង្កែទី ២ ខណ្ឌឫស្សីកែវ រាជធានីភ្នំពេញ។

ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្ត ១ គ្រឿង ម៉ាក Lexus GS 300 ពណ៌ស ពាក់ស្លាកលេខ ភ្នំពេញ 2AY-7774 បើកបរដោយបុរសម្នាក់ ធ្វើដំណើរតាមបណ្ដោយផ្លូវឧកញ៉ាម៉ុងរិទ្ធី ទិសដៅពីកើតទៅលិច ល្បឿនលឿន ខណៈមកដល់ចំណុចកើតហេតុខាងលើស្រាប់តែរេចង្កូតជ្រុលបុកនឹងរបាំងថ្មពុះចែកទ្រូងផ្លូវយ៉ាងពេញទំហឹងបាក់ចំនួន ២ កង់។ ចំណែករថយន្តបង្ករងការខូចខាតយ៉ាងដំណំ សំណាងល្អមិនបង្កឲ្យមានគ្រោះថ្នាក់ដល់មនុស្ស។ ភ្លាមៗ នោះដែរ អ្នកបើករថយន្តបង្ក ត្រូវបានសមត្ថកិច្ចឃាត់នៅនឹងកន្លែងកើតហេតុ។

ក្រោយកើតហេតុ សមត្ថកិច្ចមូលដ្ឋាន សហការជាមួយជំនាញចរាចរណ៍ ចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំភាគីម្ចាស់រថយន្តចូលខ្លួនដោះស្រាយពេលក្រោយ៕

អត្ថបទ ៖ សំណាង