ចរាចរណ៍

រថយន្តដឹកឥដ្ឋ ១ គ្រឿង បើកចុះស្ពានបាឡេដាច់ហ្វ្រាំងបុករះរថយន្ត ២ គ្រឿង រងការខូចខាតទាំងស្រុង

បានផុស

១០ ខែ មុន

នៅ

ថ្ងៃព្រហស្បតិ៍ ២៨ សីហា ២០២៥

ដោយ

អ៊ិន ពិសី

រថយន្តដឹកឥដ្ឋ ១ គ្រឿង បើកចុះស្ពានបាឡេដាច់ហ្វ្រាំងបុករះរថយន្ត ២ គ្រឿង បណ្ដាលឲ្យរងការខូចខាតទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១ និង ២០ នាទីរសៀល ថ្ងៃទី ២៧ ខែសីហា ឆ្នាំ ២០២៥ ស្ថិតនៅចំណុចផ្លូវចុះស្ពានបាឡេ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។

តាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តដឹកឥដ្ឋ ១ គ្រឿង ពណ៌ស ពាក់ផ្លាកលេខ ភ្នំពេញ 3B-1686 បើកឡើងស្ពានបាឡេ ទិសដៅពីកើតមកលិច ខណៈពេលចុះស្ពាន អ្នកបើករថយន្តបានជាន់ហ្វ្រាំង តែមិនស៊ី ក៏ជ្រុលទៅបុករះរថយន្ត ២ គ្រឿង ម៉ាក Masda CX5 ពណ៌ទឹកប្រាក់ ពាក់ស្លាកលេខ ភ្នំពេញ 2AD- 8628 បណ្តាលឲ្យរងការខូចខាតយ៉ាងដំណំ ហើយរថយន្តបានបន្តរុញទៅបុករថយន្តដឹកទំនិញ ១ គ្រឿង ពណ៌ស ពាក់ផ្លាកលេខ ភ្នំពេញ 2AF-6521 រងការខូចខាត តែសំណាងល្អមិនបណ្តាលឲ្យអ្នកណាម្នាក់រងរបួសនោះឡើយ។

ក្រោយកើតហេតុ កម្លាំងសមត្ថកិច្ចជំនាញមូលដ្ឋាន បានចុះមកដល់ទីតាំងខាងលើ និងរាយការណ៍ទៅកាន់សមត្ថកិច្ចជំនាញផ្នែកការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីចុះមកធ្វើការវាស់វែងយករថយន្តបង្ក និងរថយន្តរងគ្រោះទាំង ២ គ្រឿងទៅរក្សាទុក រង់ចាំដោះស្រាយគ្នាផងដែរ៕

អត្ថបទ ៖ ម៉េង