កីឡា
តើ វិសាខា អាចបញ្ចប់កំណត់ត្រា ភ្នំពេញក្រោន បានទេល្ងាចនេះ?
ក្រុម វិសាខា ត្រូវបើកទ្វារផ្ទះរបស់ខ្លួនទទួលក្រុមមិនស្គាល់ចាញ់ ភ្នំពេញក្រោន វេលាម៉ោង ៦ ល្ងាច ថ្ងៃសៅរ៍ ទី៨ ខែវិច្ឆិកា ឆ្នាំ ២០២៥ សម្រាប់ការប្រកួតខេមបូឌានព្រីមៀរលីគ សប្តាហ៍ទី១១។
វិសាខា មិនសូវទទួលបានលទ្ធផលល្អប្រសើរទេនៅរដូវកាលនេះ ដោយឆ្លងកាត់ ៩ ប្រកួត គឺឈ្នះ ២ ស្មើ ៤ និងចាញ់ ៣ រកបាន ១០ ពិន្ទុ កំពុងឈរលេខ ៩ ក្នុងតារាង។ ចំណែកភ្នំពេញក្រោន មិនទាន់ស្គាល់បរាជ័យឡើយ ដោយឈ្នះ ៥ និងស្មើ ២ មាន ១៧ ពិន្ទុ កំពុងឈរលេខ ៣។ ពួកគេជាក្រុមតែមួយគត់ដែលមិនទាន់ស្គាល់រសជាតិចាញ់នៅក្នុងលីគរដូវកាលនេះ។
មិនត្រឹមតែប៉ុណ្ណោះសម្រាប់ការប្រកួតពានអន្តរជាតិ AFC Challenge League ក៏ភ្នំពេញក្រោន មិនទាន់ចាញ់ដែរ។ ការប្រកួតជម្រុះ (Playoff) ពួកគេបានយកឈ្នះក្រុមព្រុយណេ Kasuka យ៉ាងចាស់ដៃ ៦-០ ហើយនៅវគ្គសន្សំពិន្ទុក្នុងពូល ស្មើក្រុម Dewa United ១-១, ឈ្នះ Shan United ៣-១ និងឈ្នះក្រុម Tainan City ៣-២។
ប្រវត្តិជួបគ្នាគ្រប់កម្មវិធីរវាង ភ្នំពេញក្រោន និង វិសាខា គឺ ៣១ លើក ក្នុងនោះ ភ្នំពេញក្រោន ឈ្នះ ១០ លើក វិសាខា ឈ្នះ ៩ លើក និងស្មើគ្នា ១២លើក។ បើនិយាយតែក្នុងលីគធ្លាប់ជួបគ្នា ២១ លើក ដោយ វិសាខា ឈ្នះ ៦ ភ្នំពេញក្រោន ឈ្នះ ៧ និងស្មើគ្នា ៨។
ផ្អែកលើស្ថិតិ ក្រុមទាំងពីរប្រហាក់ប្រហែលគ្នា ប៉ុន្តែអ្វីដែលអ្នកគាំទ្រចាប់អារម្មណ៍បំផុតសម្រាប់ការប្រកួតល្ងាចនេះថា វិសាខា អាចបញ្ចប់កំណត់ត្រាមិនទាន់ចាញ់របស់ ភ្នំពេញក្រោន បានទេ។ ឬមួយ ភ្នំពេញក្រោន រក្សាកំណត់ត្រាបន្តទៀត។
លទ្ធផលការប្រកួតក្នុងលីគ
- សប្តាហ៍ទី១៖ ស្មើ បឹងកេត ០-០
- សប្តាហ៍ទី២៖ ស្មើ កងយោធពលខេមរភូមិន្ទ ១-១
- សប្តាហ៍ទី៣៖ ឈ្នះ ឡាយហ្វ ខេត្តព្រះសីហនុ ៤-៣
- សប្តាហ៍ទី៤៖ ឈ្នះ អឹមអូអាយ កំពង់ដេវ៉ា ១-០
- សប្តាហ៍ទី៤៖ ឈ្នះ ព្រះខ័នរាជស្វាយរៀង ៣-២
- សប្តាហ៍ទី៥៖ ឈ្នះ គិរីវង់សុខសែនជ័យ ៤-១
- សប្តាហ៍ទី៦៖ ឈ្នះ អាយអេសអាយ ដង្កោសែនជ័យ ៤-២
- សប្តាហ៍ទី៧៖ ភ្នំពេញក្រោន vs វិសាខា
លទ្ធផលការប្រកួតពាន AFC Challenge League
- ឈ្នះ Kasuka ៦-០
- ស្មើ Dewa United ១-១
- ឈ្នះ Shan United ៣-១
- ឈ្នះ Tainan City ៣-២
អត្ថបទ៖ វីរបុត្រ
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS