កីឡា

វិរបុរសកីឡាករអង់គ្លេស ៨ នាក់ មកប្រកួតកីឡាវាយកូនហ្គោលអន្តរជាតិធំបំផុតនៅកម្ពុជា

បានផុស

១៧ នាទី មុន

នៅ

ថ្ងៃអង្គារ ១៨ វិច្ឆិកា ២០២៥

ដោយ

ព្រឹត្តិការណ៍ប្រកួតកីឡាវាយកូនហ្គោលអន្តរជាតិ «វឌ្ឍនៈលេជេនស៍»ធំបំផុតលើកដំបូងនៅកម្ពុជានឹងចាប់ផ្តើមជាផ្លូវការនៅថ្ងៃទី ១៩ ខែវិច្ឆិកា ឆ្នាំ ២០២៥ នៅទីលាន វឌ្ឍនៈ ហ្គោល រីហ្សត ក្នុងខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីគគណៈកម្មការរៀបចំការប្រកួតគឺមានកីឡាករដែលសុទ្ធតែជាវីរបុរស និងល្បីៗទូទាំងពិភពលោកចំនួន ៣០ នាក់មកចូលរួមប្រកួតនៅក្នុងព្រឹត្តិការណ៍ដែលមានសារសំខាន់លើសពីកីឡា។

ក្នុងចំណោមកីឡាករល្បីៗទាំង ៣០ នាក់នោះមានកីឡាករជនជាតិអង់គ្លេស ៨ នាក់ ខណៈ ២២ នាក់ផ្សេងទៀតមកពីប្រទេស ស្កុតឡេន វែលស៍ ប្រេស៊ីល អូស្ត្រាលី ស៊ុយអែត អាហ្វ្រិកខាងត្បូង នូវែលហ្សេឡង់ អាល្លឺម៉ង់ ឥណ្ឌា អៀរឡង់ ហូឡង់ និង អ៉ីតាលី ជាដើម។

កីឡាករដែលល្បីបំផុតនៅលើលោក គឺលោក Michael Campbell ដែលបានឈ្នះពានរង្វាន់ U.S Open ឆ្នាំ ២០០៥ ដែលជាពានរង្វាន់កីឡាវាយកូនហ្គោលអន្តរជាតិធំបំផុតក្នុងពិភពលោក។

លោក Adilson Da Silva ជនជាតិប្រេស៊ីល បានឈ្នះពានរង្វាន់អន្តរជាតិចំនួន ២០ ក្នុងនោះមានពាន Sunshine Tour ១២ លើក, ជើងឯកអឺរ៉ុប European Senior Tour ៧លើក និងជើងឯកអាស៊ី Asian Tour ១លើក។
លោក Markus Brier ជនជាតិប្រេស៊ីល ជាកីឡាករវាយកូនហ្គោលអូស្ត្រាលីទី១ដែលបានឈ្នះជើងឯក DP World Tour នៅឆ្នាំ ២០០៦។
លោក Peter Baker ជនជាតិអង់គ្លេស បានឈ្នះជើងឯក Legends Tour ៨ លើក ក្នុងនោះពាន Costa Navarino Legends Tour គឺទើបតែឈ្នះនៅឆ្នាំ ២០២៥។
លោក Scott Hend ជនជាតិអូស្ត្រាលី បានឈ្នះជើងឯក DP World Tour ៣ លើក និងធ្លាប់ចូលរួមប្រកួតក្នុងព្រឹត្តិការណ៍ PGA Tour ចំនួន ៨៦ លើកដោយបញ្ចប់នៅចំណាត់ថ្នាក់លំដាប់កំពូលទាំង ១០ ចំនួន ៦ លើក។
លោក Simon Griffiths ជនជាតិអង់គ្លេស ជាកីឡាករដ៏ឆ្នើមម្នាក់ដែលបានឈ្នះជើងឯក Staysure Marbellla Legends នៅឆ្នាំ ២០២៥។
លោក Joakim Haeggman ជនជាតិស៊ុយអេត បានចូលរួមប្រកួតពាន Legends Tour នៅឆ្នាំ ២០១៩ និងបានឈ្នះពាន HSBC India Legends Championship ។
លោក Kiet Horne ជនជាតិអាហ្វ្រិកខាងត្បូង ធ្លាប់បានចូលរួមប្រកួត European Tour, Asian Tour និង Sunshine Tour ហើយបានឈ្នះជើងឯក Zambia Golf Legends នៅឆ្នាំ ២០២៤។
លោក Stephen Dodd ជនជាតិវែលស៍ បានឈ្នះជើងឯក Legends Tour ៤ លើក។
លោក James Kingston ជនជាតិអាហ្វ្រិកខាងត្បូង ឈ្នះជើងឯក Legends Tour ៤ លើក។
លោក Greig Hutcheon ជនជាតិស្កុតឡេន បញ្ចប់ចំណាត់ថ្នាក់លេខ១២ ក្នុងព្រឹត្តិការណ៍ Swiss Senior Open និងលេខ ៩ ក្នុងព្រឹត្តិការណ៍ Grass & Co English Legends ។
លោក Michael Campbell ជនជាតិនូវែលហ្សេឡង់ បានឈ្នះជើងឯក U.S Open ឆ្នាំ ២០០៥។
លោក Robert Coles ជនជាតិអង់គ្លេស បានឈ្នះជើងឯក Challenge Tour ៣ លើក និង PGA Cup ១លើក។
លោក Thomas Gogele ជនជាតិអាល្លឺម៉ង់ ជាកីឡាករឆ្នើមលំដាប់កំពូលទាំង១០ ចំនួន ៣ លើក និងលេខ៣ ក្នុងព្រឹត្តិការណ៍ Riegler and Partner Legends។
លោក Andrew Marshal ជនជាតិអង់គ្លេស មានបទពិសោធជោកជាំក្នុងពាន Challenge Tour និង DP World Tour ដោយទទួលបានចំណាត់ថ្នាក់លេខ២ ក្នុងព្រឹត្តិការណ៍ Madeira Island Open ឆ្នាំ ២០០៣។
លោក David Howell ជនជាតិអង់គ្លេស ឈ្នះជើងឯកអឺរ៉ុប European Tour ៥លើក។
លោក Jamie Donaldson ជនជាតិវែលស៍ ឈ្នះជើងឯកអឺរ៉ុប European Tour ៣លើក
លោក Simon Khan ជនជាតិអង់គ្លេស ឈ្នះជើងឯក Legends Tour ឆ្នាំ ២០០២៣
លោក Greg Owen ជនជាតិអង់គ្លេស ឈ្នះជើងឯក British Master នៅឆ្នាំ ២០០៣
លោក Patrik Sjoland ជនជាតិស៊ុយអែត បានចូលរួមប្រកួត Legends Tour តាំងពីឆ្នាំ ២០១៧ និងបានឈ្នះ២លើកក្នុងពារង្វាន់ Order of Merit។
លោក Stephen Gallacher ជនជាតិស្កុតឡេន បានឈ្នះពាន Paul McGinleys និងបានចូលរួមប្រកួត Ryder Cup នៅឆ្នាំ ២០១៤។
លោក Phillip Price ជនជាតិវែលស៍ បានឈ្នះជើងឯក Legends Tour ៣ លើក និងឈ្នះ Order of Merit នៅឆ្នាំ ២០១៩។
លោក Niclas Fasth ជនជាតិស៊ុយអែត បានចូលរួមប្រកួត Legends Tour នៅឆ្នាំ ២០២២ ដោយបានចូលរួមប្រកួត Riegler & Amp រហូតបញ្ចប់ចំណាត់ថ្នាក់ T-30។
លោក Anthony Wall ជនជាតិអង់គ្លេស បានបញ្ចប់រដូវកាលទី ២២ របស់លោកស្ថិតក្នុងចំណោមកីឡាករកំពូល ១០០ លើលោកក្នុងព្រឹត្តិការណ៍ Race to Dubai។
លោក Jeev Milkha Singh ជនជាតិឥណ្ឌា ធ្លាប់ឈ្នះជើងឯក DP World Tour ៤ លើក។
លោក Darren Fichardt ជនជាតិអាហ្វ្រិកខាងត្បូង បានឈ្នះជើងឯកអឺរ៉ុប European Tour លើកទី៥ លើក និងឈ្នះជើងឯក Sao Paulo Brazil Open នៅឆ្នាំ ២០០១។
លោក David Drysdale ជនជាតិស្កុតឡេន បានឈ្នះជើងឯក Challenge Tour ២លើក។
លោក Peter Lawrie ជនជាតិអៀរឡង់ ធ្លាប់ចូលរួមប្រកួតព្រឹត្តិការណ៍ DP World Tour ជាង ៤០០ដង ក្នុងនោះឈ្នះជើងឯក ១ លើក រហូតត្រូវបានដាក់ឈ្មោះជា Sir Henry Cotton Rookie នៅឆ្នាំ ២០១៣។
លោក Johan Edfors ជនជាតិស៊ុយអែត បានឈ្នះជើងឯកអឺរ៉ុប European Tour ៣លើក។
លោក Marten Lafeber ជនជាតិហូឡង់ ជាអតីតជើងឯកហូឡង់ ស្វីស និងអេស្ប៉ាញ និងចូលរួមប្រកួត Challenge Tour នៅឆ្នាំ ១៩៩៩។
លោក Emanuel Canonica ជនជាតិអ៉ីតាលី ទទួលបានចំណាត់ថ្នាក់លេខ៣ ពាន Senior Italian Open ឆ្នាំ ២០២១ និងលេខ២ ក្នុងពាន Irish Legends ឆ្នាំ ២០២២។

សូមបញ្ជាក់ថា ព្រឹត្តិការណ៍នេះផ្សាយបន្តផ្ទាល់ទូទាំងពិភពលោកតាមប្រព័ន្ធផ្សព្វផ្សាយធំៗ ក្នុងគោលបំណងផ្សព្វផ្សាយសក្កានុពលកម្ពុជាទៅកាន់ពិភពលោក ជាពិសេសវិស័យទេសចរណ៍៕