ព័ត៌មានអន្ដរជាតិ

អានុទីនធ្វើឲ្យលោកអាន់វ៉ាភ្ញាក់ផ្អើល ជុំវិញការអះអាងរបស់ក្រុមអ្នកប្រឆាំងថៃ

បានផុស

៦ ខែ មុន

នៅ

ថ្ងៃពុធ ២៦ វិច្ឆិកា ២០២៥

ដោយ

នាយករដ្ឋមន្ត្រីថៃ លោក អានុទីន ឆានវីរៈគុល (Anutin Charnvirakul) បានចេញមុខការពារនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ក្រោយពីមានការរិះគន់ដោយក្រុមអ្នកជាតិនិយមជ្រុលថៃមួយចំនួនដែលបានចោទប្រកាន់ លោក អាន់វ៉ា ថាបានជ្រៀតជ្រែកក្នុងកិច្ចការផ្ទៃក្នុងរបស់ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន New Straits Times បានផ្សាយថា នាយករដ្ឋមន្ត្រីថៃ លោក អានុទីន បាននិយាយទូរស័ព្ទជាមួយនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ក្នុងអំឡុងពេលដែលលោកស្ថិតនៅក្នុងបេសកកម្មនៅតំបន់អាហ្វ្រិក ដោយអះអាងថា លោកអានុទីន បានធានាថា អ្វីដែលក្រុមជ្រុលនិយមថៃចោទប្រកាន់នាយករដ្ឋមន្ត្រីម៉ាឡេស៊ី ជារឿងមិនពិត។

លោក អាន់វ៉ា ត្រូវបានស្រង់សម្តីដូចបាននិយាយថា៖«គាត់ [អានុទីន] បានទូរស័ព្ទមកខ្ញុំពេលព្រឹកដើម្បីធានាខ្ញុំថាអ្វីដែលបានចោទប្រកាន់ (ដោយក្រុមថៃ) មិនពិត»។

លោក អាន់វ៉ា អ៊ីប្រាហ៊ីម បានសរសើរលោក អានុទីន ថា«មានចិត្តល្អ» ហើយគាត់គិតថាការរិះគន់នេះអយុត្តិធម៌ ដោយលោកអាន់វ៉ា បញ្ជាក់តាមន័យដើមរបស់លោក អានុទីនថា៖‍«អាន់វ៉ា សូមមេត្តា… តាមដែលយើងបារម្ភ យើងដឹងពីតួនាទីរបស់អ្នក។ អ្នកសម្របសម្រួលរឿងនេះ (ធានាសន្តិភាពរវាងថៃ និងកម្ពុជា)»។

ការបញ្ជាក់របស់ អាន់វ៉ា បែបនេះទៅកាន់អ្នកកាសែតនៅលើជើងហោះហើរត្រឡប់ពីតំបន់អាហ្វ្រិក ទៅកាន់ទីក្រុង កូឡាំឡាំពូវិញ។ លោក អាន់វ៉ា ចាត់ទុកការអះអាងរបស់លោកអានុទីន ជាអ្វីដែលធ្វើឱ្យគាត់ភ្ញាក់ផ្អើលជាងការរិះគន់ប្រឆាំងនឹងរូបលោកដោយក្រុមថៃគឺការឆ្លើយតបដោយជនជាតិម៉ាឡេស៊ីមួយចំនួន។

សារព័ត៌មាន New Straits Times ស្រង់សម្តី លោកអាន់វ៉ា ដូចបាននិយាយថា៖«អ្វីដែលធ្វើឱ្យខ្ញុំភ្ញាក់ផ្អើលជាងនេះទៅទៀតនោះគឺថា ប្រជាជនម៉ាឡេស៊ីមួយចំនួនមានការរំភើបហួសហេតុដែលពួកយើងកំពុងរងការរិះគន់នៅក្នុងប្រទេសថៃ… តើដើម្បីអ្វីទៅ?»។

លោក បញ្ជាក់ថា៖«វាមិនមែនជារឿងរបស់អាន់វ៉ាម្នាក់ឯងទេ…មានអ្នកផ្សេងទៀតចូលរួម (ជួយបញ្ចប់ជម្លោះព្រំដែនកម្ពុជា-ថៃ)។ អ្នករិះគន់ហាក់ដូចជាគិតថាវាជាតួនាទីរបស់មនុស្សម្នាក់… វាមិនពិតទេ»។

ឆ្លើយតបចំពោះក្រុមជាតិនិយមដែលតវ៉ាកាលពីថ្ងៃទី២២ខែវិច្ឆិកា ដោយចោទប្រកាន់តួនាទីរបស់ម៉ាឡេស៊ី និងសហរដ្ឋអាមេរិក ថាបានជ្រៀតចូលក្នុងកិច្ចការផ្ទៃក្នុងថៃ លោកអាន់វ៉ា បានច្រានចោលការចោទប្រកាន់ដោយក្រុមនៅក្នុងប្រទេសថៃ៕

រ៉ាន់ រើយ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា