កីឡា

ថៃត្រៀមសងសំណងដល់ប្រទេសចូលរួមប្រកួត នៅខេត្តសុងក្លា បន្ថែមលើការផ្លាស់ប្តូរទីលាន ១០ ប្រភេទកីឡា

បានផុស

៦ ខែ មុន

នៅ

ថ្ងៃសុក្រ ២៨ វិច្ឆិកា ២០២៥

ដោយ

ទីលានកីឡាចំនួន ១០ ប្រភេទដែលគ្រោងប្រកួតនៅខេត្ត សុងក្លា ក្នុងព្រឹត្តិការណ៍កីឡាស៊ីហ្កេម លើកទី៣៣ ត្រូវបង្ខំប្តូរទៅប្រកួតនៅទីក្រុងបាងកកវិញ មុនពេលព្រឹក្តិការណ៍មកដល់នាប៉ុន្មានថ្ងៃខាងមុខ ប៉ុន្តែម្ចាស់ផ្ទះថៃ ត្រៀមសងសំណងដល់បណ្តាប្រទេសដែលត្រូវទៅប្រកួតនៅខេត្តសុងក្លាថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទឹកជំនន់ធំបានវាយប្រហារនៅខេត្តជាច្រើនក្នុងប្រទេសថៃ ក្នុងនោះខេត្ត សុងក្លា ជាខេត្តមួយដែលជាទីកន្លែងរៀបចំការប្រកួតកីឡាស៊ីហ្គេម លើកទី៣៣ ក៏បានរងគ្រោះយ៉ាងធ្ងន់ធ្ងរគឺប៉ះពាល់ដល់ហេដ្ឋារចនាសម្ព័ន្ធ ផ្លូវថ្នល ទីលាន និងសោភ័ណ្ឌខេត្តដែលមិនស័ក្តិសមរៀបចំការប្រកួតលំដាប់អន្តរជាតិ។

លោក Chalitrat Chantarubeksa អគ្គលេខាធិការរងនៃគណៈកម្មាធិការជាតិអូឡាំពិកថៃ បានប្រកាសផ្លាស់ប្តូរទីតាំងទៅប្រកួតនៅទីក្រុងបាងកកវិញដែលការសម្រេចចិត្តនេះមុនពេលកីឡាស៊ីហ្គេមចាប់ផ្តើមប៉ុន្មានថ្ងៃប៉ុណ្ណោះ។ កីឡាចំនួន ១០ ប្រភេទ ដែលស្មើនឹង ១០៩ វិញ្ញាសាគឺ ប្រដាល់សកល បញ្ចស៊ីឡាត់ បាល់ទាត់លើតុ អុក យូដូ កាប៉ាឌី ការ៉ាតេ ចំបាប់ ប៉េតង និង វូស៊ូ។

បន្ថែមលើការខូចខាតហេដ្ឋារចនាសម្ព័ន្ធ បណ្តាប្រទេសដែលចូលរួមជាច្រើនបានសម្តែងការព្រួយបារម្ភអំពីសក្តានុពលនៃគ្រោះមហន្តរាយដែលអាចកើតឡើងថែមទៀត។ តាមសេចក្តីរាយការណ៍ ថៃ បានត្រៀមសងសំណងលើការចំណាយដល់បណ្តាប្រទេសដែលបានកក់ថ្លៃសំបុត្រយន្តហោះ និងការស្នាក់នៅ នៅក្នុងខេត្តសុងក្លា។

តាមការផ្សាយរបស់ TTG Asia បណ្តាប្រទេសមួយចំនួនបានកក់សំបុត្រយន្តសម្រាប់ការធ្វើទៅប្រកួតនៅខេត្តសុងក្លា មានដូចជា អាកាសចរណ៍ Thai AirAsia, Thai Vietjet Air, Nok Air និង Bangkok Airways ជាដើម៕