ព័ត៌មានជាតិ

សម្តេច ម៉ែន សំអន សាទរ «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង»

បានផុស

៥ ខែ មុន

នៅ

ថ្ងៃព្រហស្បតិ៍ ២៩ មករា ២០២៦

ដោយ

សម្តេចកិត្តិសង្គហបណ្ឌិត ម៉ែន សំអន ប្រធានសមាគមមិត្តភាពកម្ពុជា-វៀតណាម បានថ្លែងថា «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង» កិច្ចសហប្រតិបត្តិការបណ្តាខេត្តជាប់ព្រំដែន ត្រូវបានធានា និងពង្រឹងជាបន្តបន្ទាប់ យ៉ាងមានប្រសិទ្ធភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះខណៈពេលអញ្ជើញចូលរួមអបអរសាទរ និងជូនពរក្នុងឱកាសបុណ្យចូលឆ្នាំថ្មី ឆ្នាំមមែ ដែលបានរៀបចំឡើងនៅខេត្តតៃនិញ (ប្រទេសវៀតណាម កាលពីព្រឹកថ្ងៃព្រហស្បតិ៍ ១១ កើត ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ២៩ ខែមករា ឆ្នាំ ២០២៦។

ជារៀងរាល់ឆ្នាំ គណៈប្រតិភូប្រទេសទាំងពីរ តែងតែប្រារព្ធពិធីអបអរសាទរបុណ្យចូលឆ្នាំប្រពៃណីជាតិទាំងពីរ និងជូនពរគ្នាទៅវិញទៅមក។ នេះជាសញ្ញាដ៏ល្អដែលបានបញ្ជាក់ពីចំណងសាមគ្គីភាព រវាងប្រទេសទាំងពីរ ពិសេសខេត្តដែលជាប់ព្រំដែនទាំងឡាយ នៃប្រទេសទាំងពីរ ដោយរក្សាបាននូវ «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង» កិច្ចសហប្រតិបត្តិការបណ្ដាខេត្តជាប់ព្រំដែន ត្រូវបានធានា និងពង្រឹងជាបន្តបន្ទាប់ យ៉ាងមានប្រសិទ្ធភាព ដែលឆ្លុះបញ្ចាំងតាមរយៈការសហការ សម្របសម្រួលយ៉ាងជិតស្និទ្ធ ធ្វើឲ្យធានាបាននូវនិរន្តរភាព នៃការផ្លាស់ប្ដូរ និងការចរាចរណ៍ទំនិញ និងផលកសិកម្ម នៅតាមព្រំដែន ការបង្កលក្ខណៈងាយស្រួលដល់ប្រជាពលរដ្ឋទាំងសងខាង ធ្វើការប្រមូលផលដំណាំផ្សេងៗ នៅតាមព្រំដែនបានរលូន និងល្អប្រសើរ ការរួមគ្នា កែលម្អ និងពង្រីកហេដ្ឋារចនាសម្ព័ន្ធព្រំដែន ការផ្ដល់ព័ត៌មានគ្នាទៅវិញទៅមក ក្នុងការទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទ៕

អត្ថបទ ៖ វិមាន