ព័ត៌មានជាតិ
ទំនិញនៅផ្សារលើ ខេត្តកំពង់ឆ្នាំង ឡើងថ្លៃខ្ពស់ ក្រោយមានបុរសម្នាក់ ស្លាប់ដោយសារកូវីដ
បន្ទាប់ពីមានបុរសម្នាក់បានស្លាប់ ដោយសារវិជ្ជមានកូវីដ១៩ រដ្ឋបាលខេត្តកំពង់ឆ្នាំង ចេញសេចក្តីប្រកាសបិទទីតាំងចំនួន៣កន្លែង ស្រាប់តែមានទំនិញ៣ប្រភេទបានឡើងថ្លៃខ្ពស់នៅថ្ងៃទី ២០ ខែមេសានេះ ដោយមានមនុស្សយ៉ាងច្រើនសម្រុកទៅទិញទំនិញនៅផ្សារលើ ក្រុងកំពង់ ឆ្នាំង។
អភិបាលក្រុងកំពង់ឆ្នាំងលោក យិន សាវ៉េន បានបញ្ជាក់នៅព្រឹកថ្ងៃទី២១ ខែមេសានេះថា ជាការពិតទំនិញបានឡើងថ្លៃនៅថ្ងៃទី20 ខែមេសាម្សិលមិញនេះមែន ប៉ុន្តែមានតែទំនិញ៣មុខប៉ុណ្ណោះ ដែលឡើងថ្លៃ ក្នុងនោះមានពងទា ត្រីខកំប៉ុង និងមី។ ជាធម្មតាពងទា១០គ្រាប់ មានតម្លៃត្រឹម ៤៥០០រៀល ប៉ុន្តែបានឡើងពី៦០០០ ទៅ ៨០០០ រៀល។ ចំណែកត្រីខ កំប៉ុងវិញក៏ឡើងថ្លៃទ្វេមួយជាពីរដងផងដែរ ដោយឡែកមីមួយកេះតម្លៃធម្មតាត្រឹម២៥០០០រៀល តែបានហក់ឡើងដល់ ៤០០០០រៀល។
លោកអភិបាលក្រុងកំពង់ឆ្នាំងបានបញ្ជាក់ នៅព្រឹកថ្ងៃទី២១ ខែមេសានេះថា ក្រោយពីទទួលការណែនាំរបស់អាជ្ញាធរខេត្ត មន្ត្រីសាលាក្រុងកំពង់ឆ្នាំង សហការជាមួយមន្ទីរពាណិជ្ជកម្មខេត្ត និងមន្ទីរសេដ្ឋកិច្ចនិងហិរញ្ញវត្ថុខេត្ត បានចុះមកជាបន្ទាន់ធ្វើការផ្សព្វផ្សាយ និងណែនាំដល់អាជីវករលក់ដូរទំនិញ មិនឲ្យឡើងថ្លៃនោះទេ ហើយក៏ឃើញថា ទំនិញទាំងនេះបានចុះថ្លៃវិញខ្លះដែរ ប៉ុន្តែមិនទាំងស្រុងនោះទេ។ ដោយកន្លែងខ្លះបានចុះថ្លៃ កន្លែងខ្លះលក់ថ្លៃដដែល ដោយអះអាងថា គាត់ទិញថ្លៃពីដើមមកថ្លៃហើយដូចជាពងទា គាត់នៅតែលក់ក្នុងតម្លៃ១០គ្រាប់ ថ្លៃ៦០០០រៀល។ លោកអភិបាលក្រុងកំពង់ឆ្នាំងបានបន្ថែមថា មិនមែនតែអាជីវករលក់ដូរក្នុងផ្សារលើទេ នៅតាមគ្លីនិក និងកន្លែងលក់ថ្នាំជុំវិញផ្សារ ក៏បានធ្វើការណែនាំកុំឲ្យឡើងថ្លៃថ្នាំពេទ្យផងដែរ។
ប៉ុន្តែនៅព្រឹកថ្ងៃទី២១ ខែមេសានេះ ទំនិញមួយចំនួនបានចុះថ្លៃបន្តិចឡើងវិញ បន្ទាប់ពីមានការអន្តរាគមន៍ពីមន្ទីរពាក់ព័ន្ធនិងអាជ្ញាធរក្រុងកំពង់ឆ្នាំង។ ដោយឡែកសម្រាប់អាជីវករក្នុងផ្សារលើវិញ ក៏បានបញ្ជាក់ថា នៅថ្ងៃម្សិលមិញ គឺមានការឡើងថ្លៃមែន ហើយថ្ងៃនេះក៏បានចុះថ្លៃវិញដែរ ប៉ុន្តែមិនទាន់ប្រក្រតីដូចដើមទេ នៅថ្លៃបន្តិចបន្តួច។ មូលហេតុតម្លៃ ទំនិញចុះថ្លៃវិញទី១ មានការណែនាំពី អាជ្ញាធរក្រុង ទី២ គឺពុំមានមនុស្សចូលផ្សារ ច្រើនដូចសព្វដងឡើយ ផ្សារបានក្លាយជាសភាពស្ងាត់មនុស្សម្ល៉ោះហើយ ទំនិញត្រូវតែចុះថ្លៃមកវិញជាធម្មតាមិនដូចម្សិលមិញមានមនុស្សសម្រុកមកទិញច្រើននោះទេ។ សូមបញ្ជាក់ថា រដ្ឋបាលខេត្តកំពង់ឆ្នាំង បានចេញសេចក្តីប្រកាសបិទទីតាំងចំនួន៣កន្លែង បន្ទាប់ពីមានបុរសម្នាក់ បានស្លាប់ដោយសារ covid-19 ក្នុងនោះមានទីតាំងវត្តភ្នំយោង ទីតាំងគ្លីនិកព្យាបាលឯកជន នៅសង្កាត់ផ្សារឆ្នាំង៕
អត្ថបទ៖ ឈៀងថារិទ្ធ
សូមចុចអាន៖ លោកឃួង ស្រេងថាការកាន់រំពាត់ដេញពលរដ្ឋឱ្យចូលផ្ទះ មិនមែនជាការប្រើហិង្សានោះទេ
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS