កីឡា

ចាន់ វាសនា តែងតែមើលការប្រកួតរៀមច្បង វឿន វាសនា និងយកតិចនិកមកពង្រឹងសមត្ថភាពខ្លួនឯង

បានផុស

៥ ខែ មុន

នៅ

ថ្ងៃអង្គារ ៣ កុម្ភៈ ២០២៦

ដោយ

កីឡាករវ័យក្មេងរបស់ស្នងការរាជធានីភ្នំពេញ កីឡាករ ចាន់ វាសនា ថារាល់ពេលទំនេររូបគេតែងតែទស្សនាការប្រកួតរបស់រៀមច្បង វឿន វាសនា តាមយូធូបដើម្បីមើលពីទម្រង់លេង បច្ចេកទេសលេងផង និងបានយកមកពង្រឹងសមត្ថភាពខ្លួនឯងផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ចាន់ វាសនា

កីឡាករ ចាន់ វាសនា បានឲ្យដឹងថា សមត្ថភាពរបស់ខ្លួននៅមានកម្រិតនៅឡើយទេ ដូច្នេះត្រូវបន្តពង្រឹងសមត្ថភាពជាច្រើនចំណុចទៀតដូចជាការចាប់សេវា លោតម៉ាត់ ការធ្វើរនាំងជាដើម។ ចំពោះកីឡាកររៀមច្បងគឺខ្លួនចូលចិត្តទស្សនាវីដេអូប្រកួតរបស់ វឿន វាសនា នៅតាមយូធូប។

ស្មាត់មកពីខេត្តកំពង់ចាមរូបនេះបន្ថែមទៀតថា រៀមច្បង វឿន វាសនា ទម្រង់លេងគឺល្អ និងមានសមត្ថភាពកាន់តែខ្លាំងថែមទៀតអំឡុងពេលនេះ។ ការម៉ាត់ច្បាស់ និងការលោតធ្វើរនាំងធំថែមទៀតផង។ ឥលូវនេះកំពុងមានប្រជាប្រិយភាពកាន់តែខ្លាំងនៅឯតៃវ៉ាន់នោះ។

កីឡាករ វឿន វាសនា

កីឡាករវ័យ ២២ឆ្នាំរូបនេះបន្ថែមទៀតថា ខ្លួនតែងតែយកតិចនិករបស់រៀមច្បង វឿន វាសនា មកហ្វឹកហាត់តាមដើម្បីពង្រឹងសមត្ថភាពរបស់ខ្លួនជានិច្ច។ ដោយសារតែខ្លួនចង់មានសមត្ថភាពល្អ និងចង់ក្លាយជាកីឡាករល្អមួយរូបនៅក្នុងវិស័យបាល់ទះនេះ។

កីឡាករ វឿន វាសនា

បញ្ជាក់ដែរថា ចាន់ វាសនា ជាកីឡាករវ័យក្មេង និងទើបប្រឡូកក្នុងវិស័យបាល់ទះបានប៉ុន្មានឆ្នាំនេះទេ។ រូបគេលេងក្នុងតំណែងស្មាត់នៅក្លឹបបាល់ទះស្នងការរាជធានីភ្នំពេញ។ បច្ចុប្បន្ននេះរូបគេចាត់ចូលជាកីឡាករវ័យក្មេងមានសមត្ថភាពលេចធ្លោម្នាក់ផងដែរ និងកំពុងត្រៀមខ្លួនលេងពានរង្វាន់សម្ដេច ក្រឡាហោម លើកទី៤ នៅថ្ងៃទី៧ ខែកុម្ភៈ ឆ្នាំ២០២៦ នេះ៕