ព័ត៌មានអន្ដរជាតិ

រុស្ស៊ីនឹងដាក់ពង្រាយទ័ពជើងទឹក បើអឺរ៉ុបរឹបអូសនាវាដឹកប្រេងរបស់ក្រុងម៉ូស្គូ

បានផុស

៤ ខែ មុន

នៅ

ថ្ងៃអង្គារ ១៧ កុម្ភៈ ២០២៦

ដោយ

រុស្ស៊ីនឹងដាក់ពង្រាយទ័ពជើងទឹក ដើម្បីការពារពីមហាអំណាចអឺរ៉ុបក្នុងការរឹបអូសនាវារបស់ខ្លួន ហើយអាចសងសឹកលើការដឹកជញ្ជូនតាមផ្លូវទឹករបស់អឺរ៉ុប ប្រសិនបើរឹបអូសកប៉ាល់របស់ក្រុងម៉ូស្គូ។ នេះបើតាម លោក Nikolai Patrushev មនុស្សជិតស្និទ្ធរបស់ប្រធានាធិបតីរុស្ស៊ី លោក វ្ល៉ាឌីមៀរ ពូទីន (Vladimir Putin) កាលពីថ្ងៃអង្គារ។

លោក Nikolai Patrushev និង លោក ពូទីន។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរ៉យទ័រ ចុះផ្សាយថ្ងៃទី១៧ ខែកុម្ភៈឱ្យដឹងថា រដ្ឋលោកខាងលិច រួមទាំងអាមេរិកបានព្យាយាមកាត់ផ្តាច់រុស្ស៊ីចេញពីពាណិជ្ជកម្មពិភពលោក និងធ្វើឱ្យហិរញ្ញវត្ថុរុស្ស៊ីគ្មានចលនា ដោយដាក់ទណ្ឌកម្មជាង ៣០ ០០០ ជុំវិញសង្រ្គាមរស្ស៊ីលើអ៊ុយក្រែន។

លើសពីនេះ ពួករដ្ឋខាងលិចក៏បានព្យាយាមរារាំងនាវាដឹកប្រេងដែលសង្ស័យថាមានជាប់ពាក់ព័ន្ធនឹងការដឹកជញ្ជូនប្រេងរបស់រុស្ស៊ី។

កាលពីខែមករា សហរដ្ឋអាមេរិកបានរឹបអូសនាវាដឹកប្រេងដែលមានទង់ជាតិរុស្ស៊ី ដើម្បីទប់ស្កាត់ការនាំចេញប្រេងរបស់វ៉េណេស៊ុយអេឡា។

ចំណែកប្រធានាធិបតីរុស្ស៊ី លោក វ្ល៉ាឌីមៀរ ពូទីន បានពណ៌នាសកម្មភាពនេះថាជាការប្លន់។

លោក Patrushev ជំនួយការរបស់វិមានក្រឹមឡាំង និងជាប្រធានក្រុមប្រឹក្សាដែនសមុទ្ររុស្ស៊ី បានប្រាប់សារព័ត៌មានរុស្ស៊ីថា៖ « ប្រសិនបើយើងមិនផ្តល់ការបដិសេធយ៉ាងតឹងរ៉ឹងទេ នោះក្នុងពេលឆាប់ៗនេះ ជនជាតិអង់គ្លេស បារាំង និងសូម្បីតែក្រុមបាល់ទិក (ប្រទេសបាល់ទិក) នឹងមានភាពក្រអឺតក្រទមដល់កម្រិតមួយ ដែលពួកគេព្យាយាមបិទច្រកចូលសមុទ្ររបស់ប្រទេសយើង នៅប្រកៀកអាត្លង់ទិក»។

លោក Patrushev បានបន្តថា៖ « យើងជឿដូចរាល់ដងថាការធានាដ៏ល្អបំផុតចំពោះសុវត្ថិភាពនៃការធ្វើនាវាចរណ៍ គឺកងទ័ពជើងទឹក។ នៅក្នុងតំបន់ដែនសមុទ្រសំខាន់ៗ រួមទាំងតំបន់ឆ្ងាយពីប្រទេសរុស្ស៊ី កងកម្លាំងសំខាន់ៗត្រូវតែត្រូវបានដាក់ពង្រាយជាប្រចាំ ជាពិសេសកងកម្លាំងដែលមានសមត្ថភាពធ្វើការបែបធម៌ត្រជាក់ ទៅជាឃោរឃៅសម្រាប់ចោរសមុទ្រលោកខាងលិច»៕

ប្រែសម្រួល៖ ណឺ មិនា