Kane ទម្លាក់ Ronaldo ក្លាយជាកីឡាករស្ថិតនៅចំណាត់ថ្នាក់កំពូលទាំង ៣ រកបាន ៥០០ គ្រាប់លឿនបំផុត

ខ្សែប្រយុទ្ធ Hary Kane របស់ក្រុម Bayern Munich បានទម្លាក់ខ្សែប្រយុទ្ធ Al-Nassr កីឡាករ Cristiano Ronaldo មកឈរនៅចំណាត់ថ្នាក់លំដាប់កំពូលទាំង ៣ ជាកីឡាករស៊ុតបញ្ចូលទីបាន ៥០០ គ្រាប់លឿនបំផុតក្នុងប្រវត្តិសាស្តបាល់ទាត់។

Kane បានសម្រេចគ្រាប់បាល់ទី ៥០០ របស់ខ្លួន បន្ទាប់ពីស៊ុតបញ្ចូលទី ២ គ្រាប់ ជួយឲ្យ Bayern Munich យកឈ្នះលើក្រុម Werder Bremen ៣-០ កាលពីថ្ងៃ សៅរិ៍ ទី ១៤ ខែ កុម្ភៈ ឆ្នាំ ២០២៦។ ស្ថិតិនេះបានធ្វើឲ្យខ្សែប្រយុទ្ធសញ្ជាតិ អង់គ្លេស វ័យ ៣២ ឆ្នាំក្លាយជាកីឡាករទី ៣ ដែលរកបាន ៥០០ គ្រាប់លឿនបំផុត បន្ទាប់ពី Lionel Messi ដែលឈរលេខ ១ និង Robert Lewandowski ឈរលេខ ២។

Lionel Messi ឈរទី ១ ក្នុងនាមជាកីឡាកររកបាន ៥០០ លឿងជាងគេបំផុត ដោយចាយ ៦៣២ ប្រកួត។ Lewandowski ឈរលេខ ២ ចាយ ៧៣០ ប្រកួត និងចុងក្រោយ Harry Kane ឈរលេខ ៣ ចាយ ៧៤៣ ប្រកួត។

គួរឲ្យដឹងផងដែរ ថា ដើមឡើយតំណែងឈរលេខ ៣ គឺជា Cristiano Ronaldo ដោយចាយ ៧៥៣ ប្រកួត ប៉ុន្តែបច្ចុប្បន្នតំណែងនេះត្រូវបានបំបែកដោយ Kane ជាផ្លូវការហើយ៕

ប្រែសម្រួល៖ សេម កុសល

ប្រភព៖ Transfer Market