ព័ត៌មានជាតិ

អាជ្ញាធរខណ្ឌសែនសុខ សម្អាតបរិស្ថានតាមបណ្ដោយផ្លូវលេខ ១០០៧ នៅសង្កាត់ភ្នំពេញថ្មី

បានផុស

៣ ខែ មុន

នៅ

ថ្ងៃសុក្រ ១៣ មីនា ២០២៦

ដោយ

កាលពីព្រឹកថ្ងៃទី ១៣ ខែមីនា ឆ្នាំ ២០២៦ ក្រុមការងាររដ្ឋបាលខណ្ឌសែនសុខ សហការជាមួយក្រុមហ៊ុន 800 Super រដ្ឋបាលសង្កាត់ភ្នំពេញថ្មី ព្រមទាំងប្រជាពលរដ្ឋក្នុងមូលដ្ឋាន បានចូលរួមអនុវត្តសកម្មភាពអនាម័យបរិស្ថាន ដោយរៀបចំបោសសំអាតប្រមូលសំរាមតាមបណ្ដោយកំណាត់ផ្លូវភ្លោះលេខ ១០០៧ និងនៅលើបរិវេណសួនច្បារ ស្ថិតក្នុងភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពនេះធ្វើឡើងក្នុងគោលបំណងលើកកម្ពស់អនាម័យបរិស្ថាន សោភណភាពទីក្រុង និងបង្កើនការយល់ដឹងរបស់ប្រជាពលរដ្ឋអំពីសារៈសំខាន់ នៃការថែរក្សាអនាម័យជុំវិញទីលំនៅ និងសហគមន៍។ ជាមួយគ្នានោះ ក្រុមការងារ បានចុះរៀបចំបោសសម្អាតតាមដងផ្លូវ ប្រមូលសំរាម និងរៀបចំបរិស្ថានឲ្យមានសណ្ដាប់ធ្នាប់ល្អ ប្រកបដោយសោភ័ណភាព។

អាជ្ញាធរមូលដ្ឋាន ក៏បានអំពាវនាវដល់ប្រជាពលរដ្ឋទាំងអស់ សូមចូលរួមសហការរួមគ្នា ដោយទុកដាក់វេចខ្ចប់សំរាមឲ្យបានត្រឹមត្រូវ បញ្ចេញសំរាមតាមម៉ោងកំណត់ ដើម្បីងាយស្រួលដល់ការប្រមូលសំរាម និងធានាឲ្យបរិស្ថានក្នុងសហគមន៍មានភាពស្អាត អនាម័យល្អ និងរស់នៅដោយផាសុកភាព។

អាជ្ញាធរខណ្ឌសែនសុខ បញ្ជាក់ថា ការចូលរួមរបស់ប្រជាពលរដ្ឋគឺជាកត្តាសំខាន់ក្នុងការរក្សាបរិស្ថានឲ្យមានសោភ័ណភាព និងបង្កើតសហគមន៍រស់នៅប្រកបដោយអនាម័យ និងគុណភាពជីវិតល្អប្រសើរ។ ដូច្នេះ សូមប្រជាពលរដ្ឋបន្តចូលរួមថែរក្សាអនាម័យ និងអនុវត្តតាមការណែនាំរបស់អាជ្ញាធរមូលដ្ឋាន ដើម្បីរួមចំណែកអភិវឌ្ឍន៍សហគមន៍ឲ្យកាន់តែប្រសើរឡើង៕

អត្ថបទ ៖ សំណាង