សន្តិសុខសង្គម

រថយន្តTundra មួយគ្រឿងសង្ស័យឆ្លងចរន្តអគ្គិសនីឆេះគ្មានសល់ ផ្អើលពលរដ្ឋក្នុងបុរីទាំងកណ្ដាលយប់

បានផុស

២ ខែ មុន

នៅ

ថ្ងៃអង្គារ ១៩ ឧសភា ២០២៦

ដោយ

រថយន្តម៉ាកTundra មួយគ្រឿងសង្ស័យឆ្លងចរន្តអគ្គិសនីឆេះយ៉ាងសន្ធោសន្ធៅ បណ្ដាលឲ្យរងការខូចខាតទាំងស្រុង បង្កមានការភ្ញាក់ផ្អើលទាំងកណ្ដាលយប់ ក្នុងបុរីមួយកន្លែង ខណៈពេលម្ចាស់ចតចោលនៅមុខផ្ទះ។ ហេតុការណ៍នេះបានកើតឡើងនៅវេលាម៉ោង០០និង៥០នាទីរំលងអធ្រាត្រឈានចូលថ្ងៃទី១៩ ខែឧសភា ឆ្នាំ២០២៦នៅក្នុងបុរីភ្នំពេញថ្មី ដែលស្ថិតនៅក្នុងភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្តដែលត្រូវភ្លើងឆេះត្រូវបាននគរបាលឲ្យដឹងថា ម៉ាកTundra ពណ៌ស ពាក់ស្លាកលេខ សៀមរាប 2B -5188 មានម្ចាស់ឈ្មោះ ម៉ី ចាន់ធារីភេទស្រី អាយុ៣៩ឆ្នាំ មុខរបរលក់ដូរ។

តាមព័ត៌មានបានឲ្យដឹងថា នៅយប់ថ្ងៃកើតហេតុម្ចាស់បានចតរថយន្តនៅក្នុងបុរីក្បែរសួនច្បារហើយបានចូលសម្រាកក្នុងផ្ទះបាត់ទៅ។ ពេលដែលកំពុងតែដេកលង់លក់ស្រាប់តែរថយន្តត្រូវភ្លើងឆាបឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលដល់សន្តិសុខនិងប្រជាពលរដ្ឋរស់នៅក្នុងបុរីភ្នំពេញថ្មីទាក់ទងហៅរថយន្តពន្លត់អគ្គិភ័យ១គ្រឿងទៅអន្តរាគមន៍ហើយភ្លើងក៏បានរលត់ទៅវិញ។ ទោះបីជាយ៉ាងណារថយន្តខាងលើត្រូវភ្លើងឆេះរងការខូចខាតទាំងស្រុង។

តាមនគរបាលការិយាល័យបង្ការពន្លត់អគ្គិភ័យនិងសង្គ្រោះ នៃស្នងការដ្ឋាននគរបាលរាជធានីភ្នំពេញ បានបញ្ជាក់ឲ្យដឹងថា អគ្គិភ័យនេះបណ្ដាលមកពីឆ្លងចរន្តប្រព័ន្ធភ្លើងរថយន្តបង្កជាអគ្គិភ័យតែម្តង៕ដោយ៖សុខា