ព័ត៌មានអន្ដរជាតិ

លោក ណេតាន់យ៉ាហ៊ូ ប្តេជ្ញាចិត្តបន្តកម្ទេចរបបគ្រប់គ្រងនៅអ៊ីរ៉ង់

បានផុស

២ ខែ មុន

នៅ

ថ្ងៃពុធ ១ មេសា ២០២៦

ដោយ

នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) លើកឡើងកាលពីថ្ងៃទី៣១ ខែមីនា ថា អ៊ីស្រាអែលនឹងបន្តយុទ្ធនាការយោធារបស់ខ្លួនប្រឆាំងនឹងទីក្រុងតេហេរ៉ង់ ដែលអ៊ីស្រាអែលចាត់ទុកជាការកម្ទេចរបបភេរវកម្មរបស់អ៊ីរ៉ង់។

យោងតាម The Straits Times ផ្សាយថ្ងៃទី០១ ខែមេសា ឆ្នាំ២០២៦ លោក ណេតាន់យ៉ាហ៊ូ បាននិយាយបែបនេះក្នុងសេចក្តីថ្លែងការណ៍ថា៖ «យុទ្ធនាការនេះមិនទាន់ចប់នៅឡើយទេ។ យើងនឹងបន្តកម្ទេចរបបភេរវកម្មអ៊ីរ៉ង់»។

នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអត្ថាធិប្បាយរបស់នាយករដ្ឋមន្រ្តីអ៊ីស្រាអែលរូបនេះកើតឡើងភ្លាមៗ បន្ទាប់ពីប្រធានាធិបតីអ៊ីរ៉ង់ លោក Masoud Pezeshkian បាននិយាយថាប្រទេសរបស់លោកមានឆន្ទៈយ៉ាងចាំបាច់ ដើម្បីបញ្ចប់សង្គ្រាមជាមួយអ៊ីស្រាអែលនិងសហរដ្ឋអាមេរិក ប៉ុន្តែកំពុងស្វែងរកការធានាថាជម្លោះនេះនឹងមិនកើតឡើងម្តងទៀត។ នេះបើតាមសេចក្តីថ្លែងការណ៍មួយដែលលោកលើកឡើងមុនបុណ្យ Jewish ។

លោក ណេតាន់យ៉ាហ៊ូ បន្តថា៖«យើងត្រូវតែធ្វើសកម្មភាព ហើយយើងបានធ្វើសកម្មភាពរួចហើយ»។

លោកបន្ថែមថា៖«យើងនៅតែរឹងមាំក្នុងបេសកកម្មរបស់យើង ហើយយើងបានផ្លាស់ប្តូរមុខមាត់របស់មជ្ឈិមបូព៌ា។ ទោះបីជាមានសង្គ្រាមកំពុងបន្តក៏ដោយ អ៊ីស្រាអែលបានលេចចេញជាមហាអំណាចក្នុងតំបន់»។

គួរបញ្ជាក់ថា លោក ណេតាន់យ៉ាហ៊ូ និងប្រធានាធិបតីសហរដ្ឋអាមេរិកលោក ដូណាល់ ត្រាំ បានចាប់ផ្តើមសង្គ្រាមជាមួយអ៊ីរ៉ង់នៅថ្ងៃទី២៨ ខែកុម្ភៈ ដោយបានសម្លាប់អតីតមេដឹកនាំកំពូលរបស់អ៊ីរ៉ង់ លោក អាយ៉ាតូឡាស់ អាលី ខាមេណៃ (Ayatollah Ali Khamenei) និងបង្កឱ្យមានរលកនៃការវាយប្រហារសងសឹកនៅទូទាំងតំបន់មជ្ឈិមបូព៌ា។

ចំណែក លោក Yair Lapid មេដឹកនាំគណបក្សប្រឆាំងនិងជាប្រធានគណបក្សកណ្តាលនៃបក្ស Yesh Atid បានរិះគន់លោក ណេតាន់យ៉ាហ៊ូ បន្ទាប់ពីការថ្លែងសុន្ទរកថាយ៉ាងក្រអឺតក្រទមរាប់ពាន់ដង ដោយលោក ណេតាន់យ៉ាហ៊ូ និយាយថា៖ « ខ្ញុំបានផ្លាស់ប្តូរមជ្ឈិមបូព៌ា»។

លោក Yair Lapid បន្តថា៖ « អ្នកស្ទើរតែបានផ្លាស់ប្តូរមជ្ឈិមបូព៌ាហើយ តែនៅទីបំផុតវាបានបង្ហាញថាគ្មានការផ្លាស់ប្តូរអីទេ»៕

ប្រែសម្រួល៖ ណឺ មិនា

Related Topics:ជម្លោះអ៊ីស្រាអែល-អ៊ីរ៉ង់