ព័ត៌មានអន្ដរជាតិ

NYT៖ អាមេរិកនិងអ៊ីស្រាអែលអាចវាយប្រហារអ៊ីរ៉ង់ជាថ្មីនៅសប្តាហ៍ក្រោយ

បានផុស

៤ សប្តាហ៍ មុន

នៅ

ថ្ងៃសៅរ៍ ១៦ ឧសភា ២០២៦

ដោយ

ក្រោយជំនួបចរចាជាមួយប្រធានាធិបតិចិន លោក ស៊ី ជិនពីង ដែលត្រូវបានគេមើលឃើញថា ដើម្បីឈានទៅបញ្ចប់ភាពតានតឹងក្នុងសកល ជាពិសេសជម្លោះនៅមជ្ឈិមបូព៌ា ស្រាប់តែសារព័ត៌មានអាមេរិក The New York Times បានចេញផ្សាយអត្ថបទដែលអះអាងថា សហរដ្ឋអាមេរិក និងអ៊ីស្រាអែលកំពុងរៀបចំយ៉ាងសកម្មសម្រាប់ការបន្តប្រតិបត្តិការយោធាឡើងវិញប្រឆាំងនឹងអ៊ីរ៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថប់ទដែលត្រូវបានដកស្រង់និងចែកផ្សាយបន្តដោយសារព័ត៌មានបរទេសជាច្រើន បានអះអាងថា សាធារណរដ្ឋអ៊ីស្លាមអ៊ីរ៉ង់ អាចនឹងរងការវាយប្រហារថ្មីនៅដើមសប្តាហ៍ក្រោយ។ គោលបំណងនៃការវាយប្រហារនោះ គឹដើម្បីដកហូតធាតុអ៊ុយរ៉ាញ៉ូមដែលជាវត្ថុធាតុដើមសំខាន់សម្រាប់ផលិតអាវុធនុយក្លេអ៊ែរ។

The New York Times បានផ្សាយថា ទីប្រឹក្សារបស់ប្រធានាធិបតីអាមេរិក ដូណាល់ ត្រាំ បានរៀបចំផែនការសម្រាប់ការវាយប្រហារឡើងវិញ ប៉ុន្តែមេដឹកនាំអាមេរិកមិនទាន់បានធ្វើការសម្រេចចិត្តចុងក្រោយនៅឡើយទេ។

ជម្រើសដែលកំពុងត្រូវបានពិចារណាដោយលោក ត្រាំ ត្រូវបានគេរាយការណ៍ថា រួមមានការផ្លាស់ប្តូរទៅការទម្លាក់គ្រាប់បែកដ៏ខ្លាំងក្លាជាងមុនលើអ៊ីរ៉ង់ និងប្រតិបត្តិការតាមផ្លូវគោករបស់កងកម្លាំងពិសេស ដើម្បីទាញយកអ៊ុយរ៉ាញ៉ូមដែលចម្រាញ់ចេញពីរោងចក្រនុយក្លេអ៊ែរអ៊ីរ៉ង់។

ក្នុងពេលកន្លងមក ប៉ុស្តិ៍ទូរទស្សន៍ NBC News បានរាយការណ៍ ដោយដកស្រង់ប្រភពព័ត៌មានថា មន្ទីរបញ្ចកោណកំពុងពិចារណាដាក់ឈ្មោះយុទ្ធនាការបន្តឡើងវិញដែលអាចកើតមានប្រឆាំងនឹងអ៊ីរ៉ង់ថា ដែលឲ្យឈ្មោះ ប្រតិបត្តិការ នោះថា «Sledgehammer» ប្រសិនបើបទឈប់បាញ់បរាជ័យ ដោយជំនួសប្រតិបត្តិការ Epic Fury ដែលបានចាប់ផ្តើមនៅថ្ងៃទី ២៨ខែកុម្ភៈ។

ទោះបីជាបែបណា កាលថ្ងៃទី១២ឧសភា ប្រធានាធិបតីអាមេរិក លោក ដូណាល់ ត្រាំ និយាយថា អ៊ីរ៉ង់នឹងបញ្ឈប់ទាំងស្រុងនូវការចម្រាញ់អ៊ុយរ៉ាញ៉ូម និងបោះបង់ចោលការស្វែងរកអាវុធនុយក្លេអ៊ែរណាមួយ ទោះបីជាមានការចរចាជាប់គាំងរវាងទីក្រុងវ៉ាស៊ីនតោន និងទីក្រុងតេអេរ៉ង់ក៏ដោយ។

ក្នុងជំនួបជាមួយប្រធានាធិបតីចិន ស៊ី ជីនពីង កាលថ្ងៃទី១៤និង១៥ខែឧសភានេះ ភាពតាងតឹងក្នុងជម្លោះអ៊ីរ៉ង់ហាក់មានប្រសើរឡើង ដោយមេដឹកនាំសហរដ្ឋអាមេរិកនិងចិន បានជជែកជុំវិញដំណោះស្រាយអ៊ីរ៉ង់នេះយ៉ាងច្រើន ហើយ បើតាមប្រធានាធិបតី ត្រាំ ចិនក៏បានយល់ព្រមថា អ៊ីរ៉ង់មិនត្រូវមានអាវុធនុយក្លេអ៊ែរ និង ត្រូវបើកច្រកហ័រមូសឡើងវិញ៕

រ៉ាន់ រើយ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា