ព័ត៌មានអន្ដរជាតិ
អ៊ីស្រាអែលសម្លាប់មនុស្ស ហួសពីតំបន់ស្នូលក្នុងបទឈប់បាញ់ ដោយចោទហេសបូឡារំលោភបទឈប់បាញ់
ក្រសួងសុខាភិបាលលីបង់លើកឡើងថា ការវាយប្រហាររបស់អ៊ីស្រាអែលកាលពីថ្ងៃអាទិត្យ បានសម្លាប់មនុស្ស ១៤នាក់ និងរបួស ៣៧នាក់ ខណៈយោធាអ៊ីស្រាអែល បានព្រមានប្រជាជនឱ្យចាកចេញពីទីក្រុងចំនួន ៧ ហួសពីតំបន់ស្នូលដែលកាន់កាប់ដោយយោធាអ៊ីស្រាអែល មុនពេលបទឈប់បាញ់បរាជ័យក្នុងការបញ្ឈប់អរិភាពទាំងស្រុង។ នេះបើយោងតាមភ្នាក់ងារសារព័ត៌មាន រ៉យទ័រ ផ្សាយថ្ងៃទី២៦ ខែមេសា ឆ្នាំ២០២៦ ។
ក្រសួងសុខាភិបាលលីបង់ បន្ថែមនៅក្នុងសេចក្តីថ្លែងការណ៍មួយថា ចំនួនអ្នកស្លាប់នៅថ្ងៃអាទិត្យរួមមានកុមារពីរនាក់ និងស្ត្រីពីរនាក់។
ចំណែកភាគីអ៊ីស្រាអែលវិញ បានអះអាងថា ទាហានម្នាក់របស់ខ្លួនក៏ត្រូវបានសម្លាប់ ខណៈបទឈប់បាញ់ដ៏ផុយស្រួយមួយស្ថិតនៅក្រោមភាពតានតឹងបន្ថែមទៀត។
អ្នកនាំពាក្យយោធាអ៊ីស្រាអែល និយាយនៅក្នុងសេចក្តីថ្លែងការណ៍មួយផ្សព្វផ្សាយតាមរយៈបណ្តាញសង្គម X ថា៖ « ក្រុមប្រដាប់អាវុធហេសបូឡា (Hezbollah) នៅលីបង់ កំពុងរំលោភបំពានលើបទឈប់បាញ់ ហើយអ៊ីស្រាអែលនឹងធ្វើសកម្មភាពប្រឆាំងនឹងវា[ក្រុមហេសបូឡា] ដោយប្រាប់ប្រជាជនឱ្យធ្វើដំណើរទៅទិសខាងជើង និងខាងលិចឆ្ងាយពីទីក្រុងនានា»។
គួរបញ្ជាក់ថា ទីក្រុងទាំងនោះស្ថិតនៅភាគខាងជើងនៃទន្លេ Litani និងតំបន់នៅភាគខាងត្បូងប្រទេសលីបង់ ដែលកាន់កាប់ដោយកងទ័ពអ៊ីស្រាអែល បន្តប្រតិបត្តិការយោធា ទោះបីជាមានបទឈប់បាញ់ក៏ដោយ។
យោធាអ៊ីស្រាអែលអះអាងថា ខ្លួនបានវាយប្រហារយន្តហោះចម្បាំងរបស់ក្រុមហេសបូឡា កាំភ្លើងបាញ់រ៉ុក្កែត និងឃ្លាំងអាវុធ។
គួរកត់សម្គាល់ថា មនុស្សជាង ២ ៥០០នាក់ត្រូវបានសម្លាប់នៅក្នុងការវាយប្រហាររបស់អ៊ីស្រាអែល ចាប់តាំងពីសង្គ្រាមថ្មីបំផុតរវាងក្រុមហេសបូឡា និងអ៊ីស្រាអែលចាប់ផ្តើមនៅថ្ងៃទី០២ ខែមីនា ប៉ុន្មានថ្ងៃបន្ទាប់ពីសហរដ្ឋអាមេរិកនិងអ៊ីស្រាអែលបានបើកការវាយប្រហារប្រឆាំងនឹងអ៊ីរ៉ង់។
យោងតាមក្រសួងសុខាភិបាលលីបង់ អ្នកស្លាប់រួមមានស្ត្រី ២៧៧នាក់ កុមារ ១៧៧នាក់ និងគ្រូពេទ្យ ១០០នាក់៕
ប្រែសម្រួល៖ ណឺ មិនា
-
ព័ត៌មានអន្ដរជាតិ៧ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៦ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា២ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៧ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
កីឡា៥ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានជាតិ៤ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
ព័ត៌មានអន្ដរជាតិ២ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន