អាជ្ញាធរសង្កាត់ចោមចៅទី៣ សហការជាមួយមន្ត្រីសាលារាជធានីចុះបូមស្តារប្រព័ន្ធលូជូនពលរដ្ឋ នៅភូមិត្រពាំងពោធិ៍

អាជ្ញាធរសង្កាត់ចោមចៅទី៣ សហការជាមួយមន្ត្រីរាជធានីភ្នំពេញចុះស្តារប្រព័ន្ធលូជូនពលរដ្ឋ នៅភូមិត្រពាំងពោធិ៍ 

ដោយមានភ្លៀងធ្លាក់ជាប់គ្នាប៉ុន្មានថ្ងៃមកនេះ ធ្វើឲ្យប្រព័ន្ធក្នុងភូមិសាស្ត្រសង្កាត់ចោមចៅទី៣ នៃខណ្ឌពោធិ៍សែនជ័យមានការស្ទះចរន្តទឹកហូរ ។កាលពីថ្ងៃទី១៩ ខែមិថុនា ឆ្នាំ២០២៦ នៅអាជ្ញាធរសង្កាត់ចោមចៅទី៣ បានសហការជាមួយមន្ត្រីសាលារាជធានីភ្នំពេញ បានចុះបូមស្តារអណ្តូងលូ ក្នុងភូមិត្រពាំងពោធិ៍ ដើម្បីសម្រួលចរន្តទឹកឲ្យបានហូរលឿន។

លោក សៅ សារិន មេភូមិត្រពាំងពោធិ៍បានឲ្យដឹងថា ក្រោយមេឃធ្លាក់ភ្លៀងជាប់ៗគ្នា នៅក្នុងភូមិសាស្ត្រ ភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ ធ្វើឲ្យទឹកហូរទឹកចេញពីប្រព័ន្ធលូ ដក់ជាប់ផ្លូវប៉ះពាល់ដល់ ការធ្វើដំណើរក៏ដូចជា ការរស់នៅរបស់ប្រជាពលរដ្ឋ។ ទើបនៅថ្ងៃទី១៩ ខែមិថុនា ឆ្នាំ២០២៦នេះ លោក ស្នើរសុំរថយន្តបូមលូរបស់មន្ទីរសាធារណៈការ និង ដឹកជញ្ជូន សាលារាជធានីភ្នំពេញមួយគ្រឿង ដើម្បីចុះមកបូមស្តារប្រព័ន្ធលូខាងលើ។

ក្នុងនាមអាជ្ញាធរលោកសូមអរគុណដល់លោក ឃួង ស្រេង អភិបាលរដ្ឋធានីភ្នំពេញ និងលោក សាំងពិសិដ្ឋ ប្រធានមន្ទីរសាធារណៈការ និងដឹកជញ្ជូនរាជធានីភ្នំពេញ ដែលបានផ្តល់រថយន្តមកបូមលូទាន់ពេលវេលា។ ហើយសូមសំណូមពរដល់ប្រជាពលរដ្ឋមេត្តាទុកដាក់សំរាមឲ្យបានត្រឹមត្រូវ៕ ដោយសុខា