​រក​ឃើញ​សព​ក្មេង​ស្រី ​ដែល​រអិល​ធ្លាក់​​ ក្នុង​ទឹកធ្លាក់​ក្បាលឆាយ

ក្មេង​ស្រី​រង​គ្រោះ​ដែល​រអិល​ធ្លាក់​​ក្នុង​ទឹកធ្លាក់​ក្បាលឆាយ ​ត្រូវ​បាន​កម្លាំង​ជំនាញ​រុករក​ឃើញ​សាក​សព​ហើយ។

កាលពី​វេលា​ម៉ោង​០៧​និង​៥០​នាទី​ព្រឹក ថ្ងៃ​ទី​២២ ខែ​តុលា ឆ្នាំ​២០២០ កម្លាំង​ប្រតិបត្តិ​ការរុករក​ និង​សង្គ្រោះ​គ្រោះ​មហន្តរាយ ប្រចាំការ​ខេត្ត ដឹកនាំ​ដោយ​លោក​ឧត្ដមសេនីយ៍​ត្រី ហេង ប៊ុន​ទី មេបញ្ជា​ការ កងរាជអាវុធហត្ថ​ខេត្ត​ព្រះសីហនុ សហការ​ជាមួយ​កម្លាំង​គណៈបញ្ជាកា​រ​ឯកភាព​រដ្ឋបាល​ខេត្ត បាន​រកឃើញ​សាកសព​ក្មេង​ស្រី​រងគ្រោះ ដែល​បាន​រអិល​ជើង​ធ្លាក់​ទឹកជ្រោះ នៅ​តំបន់​រមណីយដ្ឋាន​ទឹក​ធ្លាក់​ក្បាលឆាយ ក្រុងព្រះសីហនុ​។

​ក្មេង​ស្រី​រង​គ្រោះ​ដែល​រអិល​ធ្លាក់​​ក្នុង​ទឹកធ្លាក់​ក្បាលឆាយ ​មាន​ឈ្មោះ រឿង បញ្ញា អាយុ​១៣​ឆ្នាំ​ ត្រូវ​បាន​កម្លាំង​ជំនាញ​រុករក​ឃើញ​សាកសព​ រួច​ប្រគល់​ជូន​ក្រុម​គ្រួសារ​ ដើម្បី​យក​ទៅ​ធ្វើបុណ្យ​តាម​ប្រពៃណី​៕

​​