ព័ត៌មានជាតិ

ចាត់ឲ្យក្រុមការងារបន្តបាញ់ថ្នាំសម្លាប់មេរោគ ក្នុងកន្លែងទទួលចាក់វ៉ាក់សាំងជូនពលរដ្ឋនិងកន្លែងធ្វើចត្តាឡីស័ក

បានផុស

៤ years មុន

នៅ

ថ្ងៃសុក្រ ២៨ ឧសភា ២០២១

ដោយ

លោកឧត្តមសេនីយ៍ឯក រ័ត្ន ស្រ៊ាង មេបញ្ជការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាលចុះជួយខណ្ឌដង្កោ បានចាត់ឲ្យក្រុមការងារជំនាញបន្តធ្វើការបាញ់ថ្នាំសម្លាប់មេរោគតាមតំបន់ធ្វើចត្តាឡីស័ក និងតំបន់ឈរជើង ការពារកន្លែងព្យាបាលអ្នកជំងឺកូវីដ១៩ រាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងល្ងាចម្សិលមិញក្រុមការងារបានចុះបាញ់សម្លាប់មេរោគក្នុងបរិវេណ សាលាបឋមសិក្សា អ្នកឧកញ៉ាមហាភក្តី ហ៊ុន នាង ព្រែកកំពឹស ដែលជាទីតាំងទើបបញ្ចប់ដំណើរការនៃយុទ្ធនាការចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋក្នុងមូលដ្ឋានសង្កាត់ព្រែកកំពឹស ខណ្ឌដង្កោរាជធានីភ្នំពេញ។

មន្ត្រីអាវុធហត្ថរាជធានីបានឲ្យដឹងមុននេះថា ទីតាំងសាលាបឋមសិក្សា អ្នកឧកញ៉ាមហាភក្តី ហ៊ុន នាង ព្រែកកំពឹស ត្រូវបានជ្រើសរើសធ្វើជាកន្លែងទទួលចាក់វ៉ាក់សាំងជូនពលរដ្ឋនូវដូសទី១ និងដូសទី២ ទើបតែរួចរាល់នេះ ដើម្បីធានាសុវត្ថិភាពជូនបុគ្គលិកសិក្សា លោកគ្រូ អ្នកគ្រូ និងសិស្សានុសិស្ស។ ប្រភពបានបន្តថា ការបាញ់សម្លាញ់មេរោគនេះក្នុងគោលបំណងចូលរួម បង្ការ និងទប់ស្កាត់ការឆ្លងរាលដាលវីរុសកូវីដ-១៩ តាមការណែនាំរបស់ ក្រសួងសុខាភិបាល ជាពិសេសអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជា “៣ការពារ ៣កុំ” តែម្ដង៕

អត្ថបទ៖ វិមាន

Related Topics:បាញ់ថ្នាំសម្លាប់មេរោគ