ព័ត៌មានជាតិ

បាញ់ថ្នាំសម្លាប់មេរោគតាមគោលដៅទីតាំងពាក់ព័ន្ធនិងវិជ្ជមានកូវីដ១៩ និងក្នុងតំបន់ក្រហមនៅក្រុងប៉ោយប៉ែត

បានផុស

៥ years មុន

នៅ

ថ្ងៃសុក្រ ៧ ឧសភា ២០២១

ដោយ

បន្ទាយមានជ័យ ៖ ដើម្បីបង្កើនអនាម័យបរិស្ថាន និងឲ្យបរិយាកាសល្អ នៅក្នុងតំបន់ក្រហម នៃសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មន្ត្រីអាជ្ញាធរ មានសមត្ថកិច្ចកងកម្លាំងទាំង៣ នៅព្រឹក ថ្ងៃទី៧ ខែឧសភាឆ្នាំ២០២១បានបើកយុទ្ធនាការបាញ់ថ្នាំសម្លាប់មេរោគតាមគោលដៅ ទីតាំងពាក់ព័ន្ធ វិជ្ជមានកូវីដ១៩ ពិសេសនៅតំបន់ក្រហម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុទ្ធនាការនេះចូលរួម លោក គាត ហ៊ុល អភិបាលក្រុងប៉ោយប៉ែត រួមដំណើរដោយ លោក វរសេនីយ៍ទោ បោន សីហា អធិការស្ដីទី កម្លាំងអាវុធហត្ថ មន្ត្រីរដ្ឋបាលក្រុង អាជ្ញាធរមូលដ្ឋាន ចុះ ពិនិត្យនៅស្ថានីយរថយន្តភ្លើងក្នុងនោះបានបាញ់ថ្នាំសម្លាប់មេរោគ តាមគោលដៅ ទីតាំងពាក់ព័ន្ធ វិជ្ជមានកូវីដ១៩ និងក្នុងតំបន់ក្រហម។

លោកគាត ហ៊ុល បានប្រាប់ឲ្យដឹងថា ក្នុងកាលៈទេសៈដ៏លំបាកនេះ សូមបងប្អូនប្រជាពលរដ្ឋទាំងអស់គ្នាបន្តការពារខ្លួនឲ្យបានហ្មត់ចត់ដោយអនុវត្តវិធានការ ៣ ការពារ និង ៣ កុំ ព្រមជាមួយនឹងវិធានការសុខាភិបាលចាំបាច់ផ្សេងទៀតឲ្យបានខ្ជាប់ខ្លួនផងដែរ។

លោកបានបញ្ជាក់ឲ្យដឹងបន្តទៀតថា ក្រោយពីរដ្ឋបាលក្រុងប៉ោយប៉ែតបាញ់ថ្នាំសម្លាប់មេរោគ តាមគោលដៅ ទីតាំង ពាក់ព័ន្ធ វិជ្ជមានកូវីដ១៩ និងក្នុងតំបន់ក្រហមសង្ឃឹមថា ជំងឺកូវីដកូវីដ.១៩នេះនិងរលាយចេញពីតំបន់ក្រហមនេះជាមិនខានឡើយ៕

ដោយ ៖ វ៉ាន់ ណាង