ព័ត៌មានជាតិ

កងប្រតិបត្តិការសង្គ្រោះគ្រោះមហន្តរាយ៧១១ បន្តបាញ់ថ្នាំសម្លាប់មេរោគ នៅតាមបណ្តាគោលដៅផ្សារមួយចំនួន

បានផុស

៤ years មុន

នៅ

ថ្ងៃអង្គារ ២០ មេសា ២០២១

ដោយ

នៅថ្ងៃទី២០ ខែមេសា ឆ្នាំ២០២១ កងប្រតិបត្តិការរុករក និងសង្គ្រោះគ្រោះមហន្តរាយ៧១១ កងពលតូចលេខ៧០ បានប្រើប្រាស់កម្លាំង និងរថយន្តមួយចំនួន បានបន្តបាញ់ថ្នាំសម្លាប់មេរោគ នៅតាមបណ្តាគោលដៅមួយចំនួន ដើម្បីចូលរួមប្រយុទ្ធប្រឆាំង ការពារ និងទប់ស្កាត់ជំងឺ COVID-19។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្តាគោលដៅមួយចំនួនចុះបាញ់ថ្នាំនោះរួមមាន ផ្សារត្រពាំងថ្លឹង, ផ្សារទួលពង្រ, ផ្សារពោធិ៍ចិនតុង, ភូមិបឹងសាឡាង, ផ្សារស៊ិនជូរី, ផ្សារកណ្តាល, ផ្សារនាគមាស និងផ្សារដើមគរ។

ការបាញ់ថ្នាំនេះ ដើម្បីចូលរួមប្រយុទ្ធប្រឆាំង ការពារ និងទប់ស្កាត់ជំងឺ COVID-19 ក្នុងគ្រា ដែលប្រទេសកម្ពុជា កំពុងមានព្រឹត្តិការណ៍ (សហគមន៍ ២០កុម្ភៈ )។ សកម្មភាពចុះបាញ់ថ្នាំនៅថ្ងៃទី២០ ខែមេសា ឆ្នាំ២០២១ នេះ ប្រើប្រាស់កម្លាំងចំនួន២៣នាក់ និងរថយន្ត Mazda ចំនួន៤ គ្រឿង។

សូមបញ្ជាក់ថា នៅថ្ងៃទី២០ ខែមេសា ឆ្នាំ២០២១នេះ ក្រសួងសុខាភិបាលកម្ពុជា បានប្រកាសរកឃើញអ្នកឆ្លងថ្មី៤៣១ នាក់ទៀត និងជាសះស្បើយ ៣១នាក់។ ក្នុងនោះ ករណីឆ្លងសហគមន៍៤២៩ នាក់, អ្នកដំណើរពីបរទេសចំនួន២ នាក់។ ក្នុងចំណោមអ្នកឆ្លងថ្មី៤៣១ នាក់នោះ នៅភ្នំពេញ ២៧២នាក់, ព្រះសីហនុ ១៣៣នាក់, កណ្ដាល ១០ នាក់, កំពង់ចាម ៤ នាក់, តាកែវ ៤នាក់, ព្រៃវែង ២នាក់, ត្បូងឃ្មុំ ១នាក់, ស្វាយរៀង ១នាក់, កំពង់ឆ្នាំង ១នាក់, កំពង់ធំ ១នាក់ និងកំពត ១នាក់។