ព័ត៌មានអន្ដរជាតិ

ទីប្រឹក្សាកំពូលរបស់លោកស្រី ស៊ូជី ដែលជាប់ពន្ធនាគារស្លាប់ដោយកូវីដ

បានផុស

៥ years មុន

នៅ

ថ្ងៃពុធ ២១ កក្កដា ២០២១

ដោយ

អ្នកនយោបាយលោក Nyan Win ដែលជាទីប្រឹក្សាកំពូលរបស់មេដឹកនាំបណ្តេញចេញលោកស្រី អ៊ុងសាន ស៊ូជី បានស្លាប់ដោយកូវីដ-១៩ ទាំងកំពុងជាប់ពន្ធនាគារនៅឡើយ។ នេះបើតាមការឲ្យដឹងពីគណបក្សរបស់លោក។

លោក Win ត្រូវបានចាប់ខ្លួន និងដាក់ពន្ធនាគារជាមួយនឹងឥស្សរជននយោបាយសំខាន់ផ្សេងៗទៀត បន្ទាប់ពីរដ្ឋប្រហារទី១កុម្ភៈ ដែលបានបណ្តាលឲ្យប្រទេសនេះធ្លាក់ចូលក្នុងភាពវឹកវរយ៉ាងអាក្រក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសរបស់គណបក្សសម្ព័ន្ធជាតិដើម្បីប្រជាធិបតេយ្យបានឲ្យដឹងថា អ្នកនយោបាយអាយុ៧៨ឆ្នាំបានស្លាប់កាលពីថ្ងៃអង្គារ៍នៅក្នុងមន្ទីរពេទ្យជាកន្លែងដែលលោកទើបបញ្ជូនចេញពីពន្ធនាគារ Insein ក្នុងទីក្រុងយ៉ាំងហ្គោនកាលពីសប្តាហ៍មុន។

គណបក្សបាននិយាយថា ៖«យើងសន្យាបន្តប្រយុទ្ធនឹងការងារដែលមិនទាន់ចប់របស់យើងដើម្បីបញ្ចប់អំណាចផ្តាច់ការនៅក្នុងប្រទេស និងបង្កើតសហភាពប្រជាធិបតេយ្យសហព័ន្ធ»។

គណបក្សបានចូលរួមរំលែកទុក្ខក្រៀមក្រំដល់ក្រុមគ្រួសារ សាច់ញាតិ និងមិត្តភក្តិដែលបាត់បង់លោក Win។ លោកជាមេធាវី និងទីប្រឹក្សាជាន់ខ្ពស់របស់លោកស្រី អ៊ុងសាន ស៊ូជី ដែលត្រូវបានយោធាផ្តួលរំលំដោយរដ្ឋប្រហារនៅថ្ងៃទី១ ខែកុម្ភៈ។

ប្រទេសមីយ៉ាន់ម៉ាប្រឈមនឹងវិបត្តិកូវីដ-១៩កំពុងកើនឡើងយ៉ាងអាក្រក់ដែលធ្វើឲ្យអង្គការសហប្រជាជាតិបានចាត់ទុកស្ថានភាពឆ្លងកូវីដ-១៩នៅមីយ៉ាន់ម៉ាថាជា ការកើនឡើងគួរឲ្យព្រួយបារម្ភ។