ព័ត៌មានជាតិ
អាជ្ញាធរខេត្ត នឹងផាកពិន័យ ជនណាដែលមិនពាក់ម៉ាស និង ជួបជុំគ្នាច្រើន នៅផ្សារលើធំថ្មី
អាជ្ញាធរខេត្តសៀមរាប នឹងប្រើធម៌ក្តៅផាកពិន័យ នៅផ្សារលើធំថ្មី ចំពោះអាជីវករនិងប្រជាពលរដ្ឋរូបណា ដែលមិនគោរពគោលការណ៍ ដែលមិនពាក់ម៉ាស និង នៅជួបជុំគ្នាច្រើន។
ក្នុងឱកាសដឹកនាំមន្ត្រីជំនាញ និងអ្នកពាក់ព័ន្ធចុះពិនិត្យ និងសិក្សានៅផ្សារលើធំថ្មី ក្នុងក្រុងសៀមរាប កាលពីថ្ងៃទី០៩ ខែសីហា ឆ្នាំ២០២១ថ្មីៗនេះ លោក ទៀ សីហា អភិបាលខេត្តសៀមរាប បានមានប្រសាសន៍ថា អាជ្ញាធរខេត្ត នឹងធ្វើការផាកពិន័យធ្ងន់ធ្ងរជាងមុនទៅលើអាជីវករណាដែលមិនពាក់ម៉ាស់ និង ពាក់ម៉ាស់មិនត្រឹមត្រូវ ព្រមទាំងប្រជាពលរដ្ឋណាដែលធ្វើការជួបជុំគ្នាច្រើន ខុសពីការណែនាំរបស់រាជរដ្ឋាភិបាល ក៏ដូចក្រសួងសុខាភិបាល ក្នុងការចូលរួមទប់ស្កាត់ការរីករាលដាលជំងឺកូវីដ១៩ ហើយការផាកពិន័យនេះ គឺធ្ងន់ធ្ងរជាងលើកមុន ព្រោះក្នុងគោលបំណងមិនឲ្យមេរោគកូវីដ-១៩ ឆ្លងរាលដាលទាំងអ្នកលក់និង ទាំងអ្នកទិញ។
លោកអភិបាលខេត្តសៀមរាប បានមានប្រសាសន៍ទៀតថា ការផាកពិន័យលើអាជីវករផ្សារលើធំថ្មី កាលពីពេលកន្លងមកនេះ នៅមិនទាន់ពិន័យជាប្រាក់មានចំនួនច្រើននោះទេ ដោយសារយើងមានការយោគយល់ដល់ប្រជាពលរដ្ឋ តែឥឡូវនេះជំងឺកូវីដ-១៩ បំប្លែងថ្មី ប្រភេទដែលតា បានកំពុងរាលដាលខ្លាំងក្នុងសហគមន៍ខេត្ដសៀមរាបហើយ ដូច្នេះ អាជ្ញាធរខេត្ត នឹងអនុវត្តច្បាប់ផាកពិន័យតែម្ដង ទៅលើអ្នកមិនពាក់ម៉ាស និងការជុំគ្នាច្រើននៅកន្លែងសាធារណៈ ពិសេស ក្នុងពេលបើកផ្សារលើធំថ្មីឡើងវិញ អាជីវករត្រូវអនុវត្ដកាតព្វកិច្ចពាក់ម៉ាស និងត្រូវអនុវត្ដវិធានការរបស់រាជរដ្ឋាភិបាលឲ្យបានត្រឹមត្រូវ គឺ៣កុំ និង៣ការពារ ប៉ុន្តែបើសិនបើកផ្សារឡើងវិញហើយ តែនៅមានការឆ្លងម្ដងទៀត អាជ្ញាធរនឹងបិទផ្សារនោះឡើងវិញ ។
គួររំលឹកថា កាលពីថ្ងៃទី០៩ ខែមិថុនា ឆ្នាំ២០២១ កន្លងទៅនេះ លោក ពិន ប្រាកដ អភិបាលរងខេត្ដសៀមរាប បានដឹកនាំក្រុមការងារ ចុះធ្វើការផាកពិន័យចំពោះអ្នកដែលមិនបានអនុវត្តនៃការពាក់ម៉ាសនៅផ្សារលើធំថ្មីម្ដងរួចមកហើយ ហើយក៏ជាលើកទី១ផងដែរ សម្រាប់ខេត្តសៀមរាប ដែលនៅពេលនោះ មានអាជីវករផ្សារលើធំថ្មី ចំនួនជាង៣០នាក់ ត្រូវទទួលការផាកពិន័យ ដែលក្នុងមួយនាក់ ចំនួន២សែនរៀល ប៉ុន្តែអ្នកដែលមានថវិកាត្រូវបង់នៅកន្លែងផ្ទាល់ រីឯអ្នកមិនទាន់មានថវិកា ត្រូវយកទៅបង់នៅមន្ទីរសុខាភិបាល នៃរដ្ឋបាលខេត្តសៀមរាប។
ក្នុងឱកាសនោះលោក ពិន ប្រាកដ មានប្រសាសន៍ថា មុននឹងចុះធ្វើការផាកពិន័យនេះ អាជ្ញាធរបានចុះណែនាំជាច្រើនដងមកហើយ ប៉ុន្ដែអាជីវករមួយចំនួនតូចមិនអនុវត្ដតាម ទើបអាជ្ញាធរ អនុវត្ដទៅតាមផ្លូវច្បាប់ ខណៈដែលការមិនពាក់ម៉ាស់នេះ សង្កេតឃើញថា មានអាជីវករប្រមាណ៥ភាគរយប៉ុណ្ណោះ ដែលពួកគាត់មិនអនុវត្តតាមច្បាប់៕
អត្ថបទ៖ គឿនវេត
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម