ព័ត៌មានជាតិ

ចុះពិនិត្យមើលស្ថានភាពទឹក នៅសណ្តស្ទឹងព្រែកត្នោត ដើម្បីត្រៀមលក្ខណៈបង្ការ ខណៈទឹកឡើងខ្ពស់នាប៉ុន្មានថ្ងៃនេះ

បានផុស

៥ years មុន

នៅ

ថ្ងៃព្រហស្បតិ៍ ២១ តុលា ២០២១

ដោយ

ភ្នំពេញ ៖ ដោយសារតែប៉ុន្មានថ្ងៃកន្លងមកនេះមានភ្លៀងធ្លាក់ច្រើន បណ្តាលអោយកម្ពស់ ទឹក ស្ទឹង ព្រែក ត្នោតកើនឡើងនិងដោយទទួលបានណែនាំពី លោកឃួង ស្រេង ប្រធានគណៈកម្មាធិការសាខាកាកបាទក្រហមកម្ពុជា រាជធានីភ្នំពេញនៅ ថ្ងៃទី ២១ ខែ តុលា ឆ្នាំ ២០២១នេះ លោក ជិន ប៊ុនធឿន នាយកប្រតិបត្តិសាខា បានដឹកនាំក្រុមការងារសាខា បានចុះពិនិត្យពីស្ថានភាពទឹកនៅតាមមូលដ្ឋាននានាតាមសណ្តស្ទឹងព្រែកត្នោត ដើម្បីត្រៀមលក្ខណៈបង្ការទប់ស្កាត់គ្រោះធម្មជាតិទាំងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជិន ប៊ុនធឿន ខណៈចុះពិនិត្យនោះ បានស្នើឲ្យបងប្អូនប្រជាពលរដ្ឋដែលរស់នៅតាមសណ្តស្ទឹងព្រែកត្នោតទាំងអស់ ត្រូវត្រៀមលក្ខណៈ និងមានការប្រុងប្រយ័ត្នខ្ពស់ពីស្ថានភាពទឹក ដែលអាចបង្កជាទឹកជំនន់ ទន្ទឹមនឹងនេះក៏សូមយកចិត្តទុកដាក់ពីសុខភាព បរិភោគអាហារដែលចំអិនបានឆ្អិន ពិសារទឹកដាំពុះ និងសូមប្រុងប្រយ័ត្នចំពោះសត្វអសេពិសនានា ជាពិសេសប្រុងប្រយ័ត្នចំពោះក្មេងតូចៗកុំឲ្យលេងទឹក ហើយសូមកុំធ្វេសប្រ ហែសចំពោះការការពារខ្លួនពីជំងឺកូវីដ-១៩ ដោយអនុវត្តឲ្យបានខ្ជាប់ខ្ជួននូវវិធានការរបស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី គឺ៖ ៣ការពារ និង ៣ កុំ ។

លោកនាយកប្រតិបត្តិសាខា បានលើកឡើងបន្តថា កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន តែងតែណែនាំក្រើនរំលឹកជាប្រចាំដល់តាមសាខាអនុសាខាទាំងអស់ត្រូវតែចុះឲ្យជាប់ជិតដិតជាមួយប្រជាពលរដ្ឋដើម្បីបានដឹងពីសុខទុក្ខ និងនៅពេលពួកគាត់ជួបប្រទះនូវទុក្ខលំបាក ត្រូវធ្វើការដោះ ស្រាយឆ្លើយតបជួយសង្គ្រោះឲ្យបានទាន់ ពេលវេលា ដោយមិនទុកឲ្យប្រជាពលរដ្ឋណាម្នាក់ស្លាប់ដោយយើងមិនបានដឹង ហើយមិនបានដោះស្រាយ នោះឡើយ៕

ដោយ ៖ ស្រីរ័ត្ន