ព័ត៌មានជាតិ

ក្រសួងសុខាភិបាល អនុញ្ញាតប្រើប្រាស់ឱសថ ១ប្រភេទទៀត ព្យាបាលជំងឺកូវីដ-១៩

បានផុស

៣ years មុន

នៅ

ថ្ងៃពុធ ៣ វិច្ឆិកា ២០២១

ដោយ

ក្រសួងសុខាភិបាល បានអនុញ្ញាតឱ្យប្រើប្រាស់ឱសថព្យាបាលជំងឺកូវីដ-១៩ ១ប្រភេទទៀត ឈ្មោះ Molnupiravir ក្នុងលក្ខខណ្ឌបន្ទាន់ លេខ CAM 015 EUA-2021។ នេះបើយោងតាម វិញ្ញាបនបត្រអនុញ្ញាតប្រើប្រាស់ ក្នុងលក្ខខណ្ឌបន្ទាន់ ដែលចុះហត្ថលេខាដោយ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល នៅថ្ងៃទី០៣ ខែវិច្ឆិកា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គុណភាពព្យាបាល ឱសថនេះផលិតនៅប្រទេសឥណ្ឌា ជាប្រភេទឱសថគ្រាប់ប្រើតាមមាត់ ប្រឆាំងនឹងមេរោគកូវីដ-១៩ ដែលមានសុវត្ថិភាព និងប្រសិទ្ធភាពខ្ពស់សម្រាប់ព្យាបាលជំងឺកូវីដ-១៩។

លោករដ្ឋមន្រ្តីបានបញ្ជាក់ទៀតថា លក្ខខណ្ឌពិសេសសម្រាប់រាយការណ៍អំពីសុវត្ថិភាព និងគ្រប់គ្រងប្រតិកម្មរំខាន បន្ទាប់ពីការចាក់វ៉ាក់សាំងបង្ការ (ត្រូវអនុវត្តដោយ អង្គភាពពាក់ព័ន្ធទាំងអស់ដែលមានកាតព្វកិច្ចអនុវត្តការចាក់វ៉ាក់សាំងបង្ការជំងឺកូវីដ១៩)។

នាយកដ្ឋានឱសថកម្ពនាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង នឹងដឹកនាំអង្គភាពពាក់ព័ន្ធដទៃទៀត ដើម្បីអនុវត្តផែនការគ្រប់គ្រងហានិភ័យ ដោយផ្អើកលើ Risk Management Plan (RMP) ដែលផ្ដល់ដោយក្រុមហ៊ុន ឬអាចរកបានពីអង្គការសុខភាពពិភពលោក។

លោក ម៉ម ប៊ុនហេង បានបន្តថា មណ្ឌលព័ត៌មានឱសថកម្ពុជានៃនាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង និងអង្គភាពពាក់ព័ន្ធដទៃទៀត ត្រូវរាយការណ៍អំពីប្រតិកម្មរំខាន និងតាមដានការប្រើប្រាស់ រួមទាំងកំណត់ត្រាលេខឡូតិ៍ដែលបានចែកចាយទៅទីកន្លែងព្យាបាល និងដែលផ្ដល់ជូនអ្នកជំងឺ។

ឱសថសម្រាប់ព្យាបាលត្រូវសហការជាមួយអង្គភាពដទៃទៀត ដើម្បីបង្កើនសមត្ថភាពគ្រប់គ្រងគ្លីនិកក្នុងការឆ្លើយតបបន្ទាន់ និងទាន់ពេលវេលាចំពោះប្រតិកម្មរំខាន បន្ទាប់ពីពីប្រើប្រាស់ឱសថនេះ។

អត្ថបទ៖ ច័ន្ទ វីរៈ