ព័ត៌មានជាតិ

ប្រមុខរាជរដ្ឋាភិបាល ៖ កូវីដ ស៊ីស្ពានអស់ប្រមាណ ២៣០០ស្ពាន

បានផុស

៥ years មុន

នៅ

ថ្ងៃអង្គារ ២៣ វិច្ឆិកា ២០២១

ដោយ

សម្ដេចតេជោ ហ៊ុន សែន បានមានប្រសាសន៍នៅក្នុងពិធីសម្ពោធដាក់ឲ្យប្រើប្រាស់ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ និងបើកការដ្ឋាន សាងសង់ផ្លូវជាតិលេខ៧១C នាថ្ងៃព្រឹកទី២៣ ខែវិច្ឆិកា ឆ្នាំ២០២១ នេះថា ដើម្បីដោះស្រាយបញ្ហាជំងឺកូវីដ១៩ ក៏ដូចជាទប់ការរីករាលនៅកម្ពុជា រាជរដ្ឋាភិបាល បានចំណាយថវិកាប្រមាណ២៣០០លានដុល្លារ ដែលថវិកានេះ បើយកទៅសង់ស្ពានឆ្លងស្ទឹង ឆ្លងទន្លេតូចៗ បានប្រមាណ២៣០០ស្ពាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានប្រសាសន៏នៅក្នុងពិធីនោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានលើកឡើងយ៉ាងដូច្នេះថា “ខ្ញុំចង់ឲ្យស្ទឹងព្រែកត្នោត ពីរគីឡូស្ពានមួយ ពីរគីឡូស្ពានមួយ, ទន្លេតូច, ស្ទឹងពោធិ៍សាត់, ស្ទឹងមង្គលបូរី, ស្ទឹងសង្កែ, ស្ទឹងសែន ពីរគីឡូ បីគីឡូស្ពានមួយ ពីរគីឡូ បីគីឡូស្ពានមួយ ពីព្រោះស្ពានមួយអស់ប្រហែល១លានដុល្លារ ចុះបើប្រើតែមួយរយលានបានស្ពាន១០០”។

សម្តេចតេជោបញ្ជាក់ទៀតថា “គម្រោងរបស់ខ្ញុំ គឺបែបនេះ រួចហើយយើងដាក់ស្ពានឆ្លងទន្លេមេគង្គ ដាក់ស្ពានឆ្លងទន្លេបាសាក់បន្ថែមទៀត ប៉ុន្តែមិននឹកស្មានថា អាកូវីដវាទទួលទានអស់២៣០០លាន ដើម្បីដោះស្រាយបញ្ហាកូវីដ។ ដូច្នេះត្រូវឱ្យយើងបន្តស្នើសុំមិត្តចិនជួយបន្តទៀត ហើយសម្ដេចនាយករដ្ឋមន្ត្រីសង្ឃឹមថា ប្រទេសចិន នឹងបន្តជួយកម្ពុជាតទៅទៀត តាមគម្រោង ដែលបានលើកឡើង”។

បើតាមសម្ដេចតេជោ ហ៊ុន សែន ចំណុចល្អរបស់មិត្តចិននៅត្រង់ថា កន្លែងណាដែលជាគម្រោងអាទិភាពរបស់កម្ពុជា ហើយកម្ពុជាសុំដាក់គម្រោងទៅ ដោយមានការសិក្សាម៉ត់ចត់ គឺមិត្តចិនផ្ដល់ឥណទាន ដោយគោរពតាមការចង់បានរបស់កម្ពុជា ដែលនេះជាចំណុចពិសេសរបស់ចិន “ដែលខុសប្លែកពីកន្លែងដទៃ ពីប្រភពទុនដទៃ យើងចង់បានត្រង់នេះ គេថាត្រង់នោះ ចំណុចពិសេស គឺកន្លែងហ្នឹង”៕

អត្ថបទ៖ កោះកែវ

Related Topics:សម្ដេចតេជោ ហ៊ុន សែន ស្ពាន

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា