ព័ត៌មានជាតិ
ខេត្តតាកែវមានសណ្ឋាគារពីរកន្លែង ផ្តល់សេវាស្នាក់នៅដល់ភ្ញៀវទេសចរ
ខេត្តតាកែវដែលមានចម្ងាយជាង ៧០ គីឡូម៉ែត្រ ជាខេត្តទេសចរណ៍ដ៏សំខាន់មួយនៅ មិនឆ្ងាយពីរាជធានីភ្នំពេញ។ ខេត្តនេះមានសណ្ឋាគារពីរកន្លែង រួមទាំងផ្ទះសំណាក់ ១០៥ កន្លែង សម្រាប់បម្រើការស្នាក់នៅ របស់ភ្ញៀវទេសចរ។
លោក លី សាវេត អភិបាលរងខេត្តតាកែវបានប្រាប់កម្ពុជាថ្មីថា ភូមិសាស្ត្រខេត្តតាកែវនៅ កៀករាជធានីភ្នំពេញ ដូច្នេះភ្ញៀវទេសចរភាគច្រើនមកហើយទៅ វិញ មិនបានស្នាក់នៅ យូរនោះទេ។
បច្ចុប្បន្នខេត្តមានសណ្ឋាគារពីរកន្លែង និងផ្ទះសំណាក់ ១០៥ កន្លែង សរុបមានជាង ១ ០០០ បន្ទប់។
ការរាតត្បាតនៃជំងឺកូវីដបានប៉ះពាល់ដល់ការធ្វើដំណើរនិងការស្នាក់នៅ របស់ភ្ញៀវទេសចរណ៍។ យ៉ាងណាស្ថានភាពលំហូរការធ្វើដំណើរបានចាប់ផ្តើមមានឡើងវិញ ស្របពេលយុទ្ធនាការចាក់វ៉ាក់សាំងបានគ្របដណ្តប់ស្ទើរ ៩០ ភាគរយនៅ ទូទាំងប្រទេស។
ការស្ថាបនាផ្លូវជាតិលេខពីរ រួមទាំងគម្រោងអភិវឌ្ឍព្រលានយន្តហោះភ្នំពេញថ្មីនៅ ស្រុកកណ្តាលស្ទឹងដែលមានភូមិសាស្ត្រជាប់ខេត្តតាកែវ ក៏នឹងជំរុញការអភិវឌ្ឍនិងការវិនិយោគក្នុងខេត្តបន្ថែមទៀតនៅ ពេលគម្រោងហេដ្ឋារចនាសម្ព័ន្ធទាំងនេះបានបញ្ចប់។
លោកលី សាវេត បានឲ្យដឹងថា ក្រៅ ពីរៀបចំរមណីយដ្ឋានទេសចរណ៍ឲ្យល្អប្រសើរ អាជ្ញាធរខេត្តតាកែវបានផ្តោតលើទេសចរណ៍ម្ហូបអាហារ ដោយសារខេត្តតាកែវល្បីល្បាញបង្កងធម្មជាតិ។
ភ្ញៀវទេសចរណ៍មួយចំនួន ដែលមកខេត្តតាកែវក្រៅ ពីកម្សាន្តតាមតំបន់រមណីយដ្ឋាននានា ការធ្វើទេសចរណ៍ម្ហូបអាហារក៏មានប្រជាប្រិយភាព និងមានការគាំទ្រច្រើន។
លោកលី សាវេតបានបញ្ជាក់ថា ចាប់ពីខែវិច្ឆិកាដល់ខែមករា ជារដូវកាលបង្កងដ៏ពេញនិយមនៅ ខេត្តតាកែវ ដែលភ្ញៀវទេសចរមកពីគ្រប់ទិសទី បានធ្វើដំណើរមកសាករសជាតិបង្កងធម្មជាតិស្រស់ៗ។
បង្កងគឺជាផលិតផលនិងជាអត្តសញ្ញាណរបស់ខេត្តតាកែវដែលមានតែតាមរដូវប៉ុណ្ណោះ។ ភាពល្បីល្បាញនៃបង្កងខេត្តតាកែវ ក៏ជាផ្នែកមួយដែលបានទាក់ទាញទេសចរឆ្ងាយជិតចង់មកលេងខេត្តតាកែវ៕
អត្ថបទ៖ ប៊ុណ្ណារ៉ា
-
ជីវិតកម្សាន្ដ៥ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៨ ម៉ោង ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ១ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៥ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៦ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
សន្តិសុខសង្គម១ សប្តាហ៍ ago
ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ