ជីវិតកម្សាន្ដ
ក្រុម ចៅក្តឹបកំសត់ ប្រមូលគ្នាបង្កើតក្រុមល្ខោនបាសាក់ឡើងវិញ ដោយសារស្រឡាញ់វប្បធម៌
ក្រុមល្ខោនបាសាក់ ចៅក្តឹបកំសត់ ឬឈ្មោះពេញ ក្រុមល្ខោនបាសាក់សាមគ្គីអារញ្ញរង្សីបារមីស្រីខ្មៅ បានប្រមូលគ្នាសម្តែងឡើងវិញ ដោយសារស្រឡាញ់វប្បធម៌ជាតិ និងកុំឱ្យបាត់បង់ល្ខោនបាសាក់ជាតិខ្មែរ។
តាមការរៀបរាប់ពីលោក រឿង រិទ្ធិ តំណាងក្រុមល្ខោនបាសាក់ បានឱ្យដឹងថា ក្រុមល្ខោននេះបង្កើតឡើងនៅឆ្នាំ ២០០៨ ដោយលោកបានដើរប្រមូលតួសម្ដែងចាស់ៗដែលធ្លាប់សម្ដែងល្ខោនពីមុនមក បន្ទាប់ពីពួកគាត់បានបោះបង់ ឱ្យមកសម្ដែងល្ខោនបាសាក់ឡើងវិញ ដោយសារតែការស្រឡាញ់ និងចង់រក្សាកេរ្តិ៍មរតកដូនតា និងដើម្បីលើកស្ទួយវប្បធម៌ជាតិ។
លោក រឿង រិទ្ធិ បានឱ្យដឹងថា ក្រុមល្ខោននេះមានអ្នកសម្ដែងទាំងអស់ ៣៤ នាក់ សព្វថ្ងៃក្រុមនេះបានចេញសម្ដែងក្នុងខេត្តខ្លួនឯងតែប៉ុណ្ណោះ ដូចជាតាមពិធីបុណ្យផ្សេងៗ និងលេងតាមវត្តជាដើម។
លោក រឿង រិទ្ធិ បានលើកឡើងថា៖ “ក្រុមល្ខោនស្រុកស្រែ ឆាកវិញក៏មិនសូវល្អ ការដឹកជញ្ជូនវិញក៏ពិបាក គេជួលក៏មិនបានថ្លៃ។ ខ្ញុំលេងរាល់ថ្ងៃដោយសារតែការស្រឡាញ់វប្បធម៌ជាតិខ្មែរ ល្ខោនបាសាក់ ពីដូនតាយើង ហើយក៏ចង់រក្សាល្ខោននេះឡើងវិញផងដែរ”។
លោក រឿង រិទ្ធិ បញ្ជាក់ទៀតថា ក្រុមល្ខោនរបស់លោក សម្ដែងដើម្បីសន្សំលុយបន្តិចម្ដងៗទិញម្សៅ ខោអាវ អត់មានជំនួយពីខាងណាមកទេ បើនិយាយពីឆាកវិញមើលពីក្រោយធ្លុះក្រោយ មើលពីមុខធ្លុះមុខ ប៉ុន្តែសមាជិកក្រុមនៅតែខិតខំសម្ដែងអស់ពីសមត្ថភាព។
គួរបញ្ជាក់ថា ក្រុមល្ខោនបាសាក់អារញ្ញរង្សីបារមីស្រីខ្មៅ ស្ថិតនៅស្រុក ប្រាសាទបាគង ឃុំរំលាក ខេត្តសៀមរាប។
អត្ថបទ៖ រុងរឿង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ