ព័ត៌មានជាតិ
សមាគមដឹកជញ្ជូនទេសចរណ៍ជលយានខេត្តព្រះសីហនុ ប្តេជ្ញាផ្តល់សេវាជូនទេសចរឱ្យបានល្អ
សមាគមភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ បានធ្វើការប្តេជ្ញាចិត្តថា នឹងខិតខំផ្តល់សេវាដឹកជញ្ជួនភ្ញៀវទេសចរជាតិ និងអន្តរជាតិឱ្យបានល្អប្រសើរ និងប្រកបដោយសុខសុវត្តិភាព ដើម្បីទាក់ទាញភ្ញៀវទេសចរមកកម្សាន្តនៅខេត្តព្រះសីហនុឱ្យបានកាន់តែច្រើនបន្ថែមទៀត ពិសេសនៅក្នុងពិធីបុណ្យចូលឆ្នាំខ្មែរខាងមុខនេះ។
ការប្តេជ្ញានេះបានធ្វើឡើងកាលពីថ្ងៃទី២៦ ខែមីនា ឆ្នាំ២០២២ នៅក្នុងជំនួបពិភាក្សាការងារជាមួយលោក ម៉ាង ស៊ីណេត អភិបាលរងខេត្តព្រះសីហនុ។
លោក ម៉ាង ស៊ីណេត បានមានប្រសាសន៍ថា រដ្ឋបាលខេត្តព្រះសីហនុបាន និងកំពុងជំរុញទិសដៅក្នុងការអភិវឌ្ឍន៍លើវិស័យទេសចរណ៍ក្នុងខេត្ត ដើម្បីទាក់ទាញភ្ញៀវទេសចរណ៍ជាតិ និងអន្តរជាតិឱ្យធ្វើដំណើរកម្សាន្តកាន់តែច្រើនឡើង ពិសេសការពង្រីកវិសាលភាពតំបន់ទេសចរណ៍តាមកោះនានាក្នុងខេត្តព្រះសីហនុ។
លោកឧកញ៉ា ទៀ វិចិត្រ ប្រធានសមាគមភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ មានប្រសាសន៍ថ្លែងអំណរគុណដល់រដ្ឋបាលខេត្តព្រះសីហនុ ពិសេសការលើកទឹកចិត្តផ្ទាល់ពី លោក គួច ចំរើន អភិបាលខេត្តព្រះសីហនុដែលគាំទ្រដល់អាជីវកម្មដឹកជញ្ជូនអ្នកទេសចរណ៍ផ្លូវសមុទ្រ។
ជុំវិញទិសដៅ និងផែនការអភិវឌ្ឍន៍វិសយ័ទេសចរណ៍ផ្លូវទឹកក្នុងខេត្តព្រះសីហនុ ដែលរដ្ឋបាលខេត្តដាក់ចេញ លោកឧកញ៉ា ទៀ វិចិត្រ មានប្រសាសន៍ថា ប្រតិបត្តិករទាំងអស់ក្នុងសមាគមភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ នឹងចូលរួមអនុវត្តន៍ឱ្យបានល្អ ពិសេសលើការដឹកជញ្ជូនភ្ញៀវ ទាំងសុវត្ថិភាព និងការផ្តល់សេវាល្អ ដើម្បីឱ្យទីផ្សារទេសចរណ៍ក្នុងខេត្តព្រះសីហនុកាន់តែប្រសើរឡើង បន្ទាប់ពីវិបត្តិជំងឺកូវីដ-១៩ នៅកម្ពុជាបានធូរស្រាល តាមរយៈការខិតខំពីប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ពិសេសការស្វែងរកវ៉ាក់សាំងមកចាក់ជូនពលរដ្ឋទូទាំងប្រទេស។
គួរបញ្ជាក់ថា បច្ចុប្បន្នមានភ្ញៀវទេសចរជាតិ និងអន្តរជាតិបានងាកមកចាប់អារម្មណ៍ធ្វើដំណើរកម្សាន្តនៅតាមតំបន់កោះនានា ពិសេសនៅកោះរ៉ុងសន្លឹម ដែលជាតំបន់ទេសចរណ៍មួយដ៏ទាក់ទាញ៕
អត្ថបទ៖ សំអឿន
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៤ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី