បើកកង្ហារខែក្ដៅ កាន់តែលើសដើម ងាកមកប្រើតិចនិកនេះវិញ ធានាត្រជាក់ស្រួលខ្លួន

ក្ដៅរាល់ថ្ងៃបែបនេះ ប្រសិនបើផ្ទះដែលគ្មានម៉ាស៊ីនត្រជាក់ ប្រាកដជាត្រូវប្រើកង្ហារ ដែលជាវិធីមួយដើម្បីជួយសម្រាលកម្ដៅ។ ប៉ុន្តែការបើក​កង្ហារ​​ក្នុង​ផ្ទះ​ មិនបានជួយឲ្យអាកាសធាតុប្រែជាត្រជាក់ឡើយ ព្រោះកម្ដៅពីខាង​ក្រៅ​ នឹងទាញចូលបន្ទប់កាន់​តែ​ក្ដៅ​លើសមុន ថែមទៀតផង។

យ៉ាងណាមិញ ​យើងខ្ញុំមានវិធីដែលងាយ​ ប្រសិនបើអ្នក​ចង់ឲ្យ​កង្ហារត្រជាក់ នៅពេលដែលបើក​ក្រោម​អាកាស​ធាតុ​ក្ដៅ​បែបនេះ។

ការ​បើក​កង្ហារនៅពេលថ្ងៃ

សម្រាប់ពេលថ្ងៃ​ គឺជាពេលដែលខ្យល់ក្នុងផ្ទះ ឬអាគារ​ក្ដៅ​ជាង​ខាងក្រៅ ដូច្នេះ​យើង​ត្រូវ​ចាប់​ផ្ដើម​​កម្ដៅ​ពីក្នុង​បន្ទប់​ជា​មុន​សិន។ សូម​បើក​បង្អួច បើកទ្វារ បើក​កង្ហារ ហើយ​ដាក់​កង្ហារ​នៅ​ជាប់​នឹង​មាត់​បង្អួច ឬ​ទ្វារ។ បង្វិលកង្ហារទៅខាងក្រៅ​ដើម្បី​ឲ្យ​កង្ហារទាញកំដៅពីខាងក្នុង។ វាត្រូវ​ចំណាយពេលប្រហែល ១០-១៥ នាទី​ មុន​ពេល​ដាក់កង្ហារ​នៅ​កន្លែង​ដែល​ពន្លឺ​ព្រះអាទិត្យ​មិន​ទៅ​ដល់។ បន្ទាប់មក​បើក​កង្ហារ​ដោយ​បែរ​មុខ​កង្ហារ​ចូល​ទៅ​ក្នុងផ្ទះ ឬអាគារ​នៅក្នុង​ទម្រង់​នៃ​កង្ហារ​យោលប្រហែល ១០ នាទី ដើម្បីធ្វើឲ្យ​​ជញ្ជាំង​បន្ទប់​ត្រជាក់ ដែលនឹងជួយ​ឲ្យ​បន្ទប់ត្រជាក់​ជាងមុន ហើយមិនបាច់ពិបាកក្នុងខ្លួន។

ការ​បើក​កង្ហារ​នៅ​ពេល​ល្ងាច​និង​ពេល​យប់

ក្នុងអំឡុងពេលល្ងាចឬយប់ ខ្យល់ខាងក្រៅប្រាកដជាត្រជាក់ជាងខាងក្នុង។ ដូច្នេះ​ដើម្បីធ្វើ​ឲ្យ​បន្ទប់ត្រជាក់ ​សូម​បើកបង្អួចនិងទ្វារ​មុន​ពេល​ដាក់​កង្ហារ​នៅ​លើ​បង្អួច ដោយ​បែរមុខ​កង្ហារ​ទៅ​ខាងក្រៅ ​ដើម្បី​ជួយឲ្យ​សាយភាយ ហើយកម្ដៅ​នៅ​ក្នុង​បន្ទប់​នឹង​រលត់។ ទន្ទឹមនឹងនេះ ខ្យល់ត្រជាក់​ពី​ខាង​ក្រៅ​ នឹង​បក់​មក​ក្នុង​បន្ទប់ ធ្វើឲ្យត្រជាក់បន្ទប់។ វីធីនេះត្រូវបានណែនាំថា ត្រូវដាក់កង្ហារនៅលើបង្អួច ជិតវាំងនន ទើបត្រជាក់ស្រួល៕

ប្រែសម្រួល៖ សាង ស្រីល័ក្ខ

ចុចអាន៖ល្បិចសាមញ្ញ ជួយសុខភាពស្បែករឹងមាំ និងមានសំណើម មិនចំណាយលុយកែកុនច្រើន

ចុចអាន៖ទោះដើរលេងច្រើនប៉ុនណា ក៏មិនបារម្ភខ្លាចឈឺ បើចេះតិចនិកទាំងនេះ