KPT+

បច្ចេកទេសសាមញ្ញ ៦ យ៉ាង ជួយបង្កើតការផ្តោតអារម្មណ៍ និងជម្រះកិច្ចការឆាប់រហ័ស

បានផុស

៤ years មុន

នៅ

ថ្ងៃព្រហស្បតិ៍ ១៧ វិច្ឆិកា ២០២២

ដោយ

នៅពេលការងារកាន់តែច្រើន មនុស្សនឹងសម្រុកធ្វើរហូតពិបាកក្នុងការផ្ដោតអារម្មណ៍ជាខ្លាំង ក្នុងការធ្វើអ្វីមួយ។ ប៉ុន្តែនៅតែមានដំណោះស្រាយដើម្បីឆាប់សម្រេចបានជោគជ័យ ដោយមិនចាំបាច់បង្ខំខ្លួនឯងធ្វើការងារគ្មានពេលសម្រាក។

ខាងក្រោមនេះ គឺបច្ចេកទេសសាមញ្ញចំនួន ៧ ដើម្បីជួយបង្កើនការផ្តោតអារម្មណ៍ មុនពេលចាប់ផ្ដើមការងារ និងអំឡុងពេលធ្វើការ។

១ កាហ្វេមួយកែវមុនពេលធ្វើការ

ភេសជ្ជៈដែលមានជាតិកាហ្វេអ៊ីន វាមិនជួយដោះស្រាយការងងុយគេងបានច្រើនឡើយ។ ប៉ុន្តែការស្រាវជ្រាវក៏បានរកឃើញដែរថា ជាតិកាហ្វេអ៊ីនជួយបង្កើនការផ្តោតអារម្មណ៍ កាត់បន្ថយការរំខាន ធ្វើឲ្យយើងផ្ដោតអារម្មណ៍កាន់តែល្អលើការងារនៅចំពោះមុខ។ មិនថាពេលព្រឹក ឬពេលរសៀលទេ បើអ្នកមានអារម្មណ៍ថានឿយហត់ មិនមានកម្លាំងគួរផឹកកាហ្វេខ្មៅមួយពែង ឬតែបៃតងក្ដៅពេលធ្វើការ វានឹងបង្កើនល្បឿនខួរក្បាល និងថាមពលរាងកាយ។ ប៉ុន្តែគួរទទួលទានមួយកែវ ដើម្បីកុំឲ្យជាតិកាហ្វេអ៊ីនចូលក្នុងចរន្តឈាមលឿនពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ សីតុណ្ហភាព ក៏ប៉ះពាល់ដល់ការផ្ដោតអារម្មណ៍ផងដែរ

សីតុណ្ហភាពនៅក្នុងបន្ទប់ដែលអ្នកកំពុងធ្វើការ ក្តៅពេក ឬត្រជាក់ពេក ទាំងអស់អាចប៉ះពាល់ដល់ការប្រមូលផ្តុំការងារ។ ការសិក្សាពីសាកលវិទ្យាល័យ Cornell បានរកឃើញថា សីតុណ្ហភាពត្រឹមត្រូវសម្រាប់ការអង្គុយចន្លោះពី២០-២៥ អង្សាសេ ដែលមិនក្ដៅពេក ឬត្រជាក់ពេក។

៣ ធ្វើឲ្យខ្លួនឯងគ្មានអ៊ីនធឺណិតរយៈពេល ៣០ នាទី

ប្រសិនបើអ្នកចង់ផ្តោតលើអ្វីដែលនៅពីមុខ សូមចាកចេញពីអ៊ីមែល រួមទាំងប្រព័ន្ធផ្សព្វផ្សាយសង្គមគ្រប់ប្រភេទ រយៈពេល ៣០ នាទី មិនថានៅពេលព្រឹកនៅពេលការងារចាប់ផ្ដើម។ នោះទើបអាចអាចជម្រះការងារដោយមិនធ្វើឲ្យខ្លួនឯងមានការមិនរំខាន។

៤ សម្រាកខ្លះ

ការរត់ច្រើនម៉ោង ដើម្បីឆាប់សម្រេចការងារច្រើន វាក៏ធ្វើឲ្យអ្នកហត់នឿយលឿនជាងមុន ហើយខួរក្បាលក៏កាន់តែសកម្មខ្លាំងផងដែរ។ ដោយសារតែខួរក្បាលរបស់មនុស្សអាចផ្តោតតែលើកិច្ចការនៅដើមដំបូងប៉ុណ្ណោះ យូរៗទៅការយកចិត្តទុកដាក់នឹងថយចុះក្លាយជាយឺត និងខ្វះការផ្ដោតអារម្មណ៍។ ដូច្នេះចូរសម្រាក រយៈពេល ១០-២០នាទី ដើម្បីឲ្យខួរក្បាល និងរាងកាយកាន់តែសកម្ម។

៥ ផឹកទឹករៀងរាល់ម៉ោង

បច្ចេកទេសសាមញ្ញមួយទៀត ដើម្បីបង្កើនការផ្តោតអារម្មណ៍ គឺផឹកទឹកឲ្យបានគ្រប់គ្រាន់។ តាមការណែនាំ ចូរផឹកទឹក ១ កែវរៀងរាល់ ១-២ ម៉ោង ដើម្បីជួយឲ្យខួរក្បាលដំណើរការធម្មតា និងបង្កើនការផ្តោតអារម្មណ៍នៅពេលថ្ងៃ។ ដោយសារតែការខះជាតិទឹកបណ្តាលឲ្យមានការប្រែប្រួលអ័រម៉ូន ដែលប៉ះពាល់ដល់មុខងារខួរក្បាល។ វាក៏ធ្វើឲ្យឈាមក្រាស់ផងដែរ ឈាមរត់មិនស្រួល ការដឹកជញ្ជូនអុកស៊ីសែនមិនគ្រប់គ្រាន់ បណ្តាលឲ្យមានការងងុយគេងនិងយឺតជាង។

៦ គេងឲ្យបានគ្រប់គ្រាន់

ការគេងប៉ះពាល់ដោយផ្ទាល់ទៅលើការផ្តោតអារម្មណ៍ និងការចងចាំ។ តាមការណែនាំឲ្យត្រូវគេងយ៉ាងហោចណាស់ ៦ម៉ោងក្នុងមួយយប់ ប៉ុន្តែវាជាការល្អបំផុតក្នុងការព្យាយាមរៀបចំកាលវិភាគការងាររបស់អ្នក ហើយគ្រប់គ្រងដើម្បីបំពេញកិច្ចការឲ្យបានច្រើនក្នុងអំឡុងពេលថ្ងៃតាមដែលអាចធ្វើទៅបាន។ នៅពេលយប់អ្នកនឹងបានសម្រាកពេញលេញ ដែលល្អសម្រាប់រាងកាយ និងដំណើរការរបស់អ្នក៕

ប្រែសម្រួល៖ សាង ស្រីល័ក្ខ

ចុចអាន៖៥ វិធី ជួយអ្នកឲ្យឈប់គិតពីការងារ ហើយឆាប់គេងលក់លឿន

ចុចអាន៖២ យ៉ាងធំៗ ជាមេរោគធ្វើឲ្យយើងមិនផ្ដោតលើការងារ